विशेष प्रतिनिधी
मुंबई : शिंदे साहेबांचं नियोजन एकदम व्यवस्थित आणि करेक्ट असतं. बाळासाहेबांची शिवसेना खऱ्या अर्थाने जिवंत ठेवण्याचं काम एकनाथ शिंदे करत आहेत, असे सांगत ठाकरे गटाचे खासदार आल्यानंतर आता त्यांच्या पाठोपाठ आमदारही येणारच असा दावा शिवसेना शिंदे गटाचे नेते बच्चू कडू यांनी केला आहे.
उपमुख्यमंत्री एकनाथ शिंदे यांच्या नेतृत्वाखालील शिवसेनेने राबवलेले ‘ऑपरेशन टायगर’ यशस्वी हाेऊन उद्धव ठाकरे यांच्या शिवसेनेतील सहा खासदारांनी साथ सोडल्यानंतर, आता ठाकरेंचे आमदारही शिंदेंच्या शिवसेनेत प्रवेश करणार असल्याचे बच्चू कडू यांनी म्हटले आहे. ते म्हणाले, राज्यात सर्वसामान्य, शेतकरी, गरीब आणि दिव्यांगांचा खरा माणूस म्हणून एकनाथ शिंदे यांच्याकडे पाहिले जाते. मी जसा त्यांच्या सेवाभावी वृत्तीच्या मोहात पडलो, तसेच अनेक नेते आज त्यांच्या मोहात आहेत.”
दरम्यान, कडू यांच्याबराेबरच शिवसेना शिंदे गटाचे आमदार संताेष बांगर म्हणाले, आगे आगे देखो होता है क्या…उबाठा गटातील 13 ते 14 आमदार आगामी काळात एकनाथ शिंदे यांच्या शिवसेनेत प्रवेश करतील. बाळासाहेब ठाकरे यांच्या विचारांची शिवसेना म्हणजे एकनाथ शिंदे यांची शिवसेना आहे. शिंदे साहेब हिंदुत्वाच्या विचारांवर महाराष्ट्राला पुढे नेत आहेत.
Shinde Saheb’s planning is absolutely correct, Bachchu Kadu claims that Thackeray’s MLAs will also split
महत्वाच्या बातम्या
- Shinde Sena : मुंबई महापालिकेत ‘ऑपरेशन टायगर’? ठाकरे गटातील 25 नगरसेवक संपर्कात असल्याचा शिंदे सेनेचा दावा
- Deepak Sawant : मुंबई महापालिकेत ठाकरे गटाला झटका, दीपक सावंत यांचे जात प्रमाणपत्र अवैध
- Sanjay Raut : मानहानीच्या खटल्यात संजय राऊत यांच्या निर्दोषमुक्तीला मेधा सोमैया यांचे हायकोर्टात आव्हान
- BEST Employees’ : न्यायालयाच्या आदेशानंतरही बेस्ट कर्मचाऱ्यांचा संप
