Author name: Bakhar Live

नरिमन पॉइंट येथील ऐतिहासिक एअर इंडिया इमारत महाराष्ट्र शासनाच्या ताब्यात आल्यानंतर या वास्तूचे शासकीय प्रशासकीय संकुलात रूपांतर करण्याची प्रक्रिया सुरू झाली आहे. या इमारतीत विविध शासकीय विभाग तसेच मंत्री कार्यालयांचे स्थलांतर करण्यात येणार असून, त्यापूर्वी इमारतीची सविस्तर संरचनात्मक तपासणी करण्यात येणार आहे.

नीट आणि सीबीएसई परीक्षांमधील कथित पेपरफुटी आणि घोटाळ्यांच्या निषेधार्थ तसेच केंद्रीय शिक्षण मंत्री धर्मेंद्र प्रधान यांच्या राजीनाम्याच्या मागणीसाठी मुंबई युवक काँग्रेसच्या वतीने आज दादर येथे भव्य “युवा आक्रोश मोर्चा” काढण्यात आला. मुंबई युवक काँग्रेसच्या अध्यक्षा झीनत शबरीन यांनी आयोजित केलेल्या या मोर्चाचे नेतृत्व युवक काँग्रेसचे राष्ट्रीय अध्यक्ष उदय भानू चिब यांनी केले.

मंत्रालयातील वाढती गर्दी आणि जागेची प्रचंड कमतरता यावर कायमस्वरूपी तोडगा काढण्यासाठी राज्य सरकारने अखेर नरिमन पॉईंट येथील ऐतिहासिक २२ मजली ‘एअर इंडिया’ इमारत खरेदी पूर्ण केली आहे.

मराठा आरक्षण आंदोलनादरम्यान मृत्यू झालेल्या आंदोलकांच्या कुटुंबीयांना दिलासा देणारा महत्त्वपूर्ण निर्णय राज्य सरकारने घेतला आहे. आंदोलनात मृत्यू झालेल्या आंदोलकांच्या पात्र वारसांना आता महाराष्ट्र औद्योगिक विकास महामंडळ (MIDC) मध्ये अनुकंपा तत्त्वावर नोकरी देण्यात येणार आहे. यासंदर्भातील शासन निर्णय (GR) सामान्य प्रशासन विभागाने जारी केला असून, त्यामुळे बाधित कुटुंबांना आर्थिक आणि सामाजिक आधार मिळण्याचा मार्ग मोकळा झाला आहे.

राज्यातील महत्त्वाकांक्षी ‘मुख्यमंत्री माझी लाडकी बहीण’ योजनेवरून नवा वाद निर्माण झाला असून, योजनेतील लाभार्थी महिलांच्या संख्येत झालेल्या मोठ्या घसरणीवरून विरोधकांनी सरकारला लक्ष्य केले आहे. राष्ट्रवादी काँग्रेस (शरदचंद्र पवार) पक्षाच्या नेत्या व खासदार सुप्रिया सुळे यांनी सरकारवर गंभीर आरोप करत, तब्बल १.२५ कोटींहून अधिक महिलांना योजनेतून अपात्र ठरविण्यात आल्याचा दावा केला आहे.

मुंबईतील फेरीवालांच्या प्रश्नांवरून सध्या राजकीय वातावरण तापलं आहे. मुंबई महापालिकेकडून सध्या विविध ठिकाणी फेरीवाल्यांवर कारवाई केली जात आहे. दरम्यान, मुंबईत बांगलादेशी घुसखोर फेरीवाल्यांच्या नावाखाली उत्तर भारतीय, गुजराती आणि स्थानिक मराठी अधिकृत फेरीवाल्यांना जाणीवपूर्व लक्ष केलं जात असल्याचा गंभीर आरोप शिवसेनेचे नेते तथा माजी खासदार संजय निरुपम यांनी केला. तसंच मुंबई महानगरपालिका प्रशासनच या सर्व प्रकाराला जबाबदार असून प्रशासनाला अद्याप एकही बांगलादेशी फेरीवाला शोधता आलेला नाही, असा दावाही त्यांनी केला.

बहुचर्चित आणि बहुप्रतिक्षित शेतकरी कर्जमाफीच्या घोषणेला मंगळवारी (ता. 2 जून) प्रत्यक्षात मूर्त रूप मिळण्याची शक्यता आहे. शेतकऱ्यांची आर्थिक अरिष्टातून सुटका करून देण्यासाठी तात्कालिक आणि दीर्घकालीन उपाययोजना सुचविण्यासाठी गठित करण्यात आलेल्या प्रवीण परदेशी समितीचा अहवाल आज मंत्रिमंडळ बैठकीत मांडण्यात येणार असल्याचे समजते.

मुंबई महानगरपालिकेच्या निवडणुकीनंतर सभागृहाचे कामकाज सुरू झाले असले, तरी प्रत्यक्ष सत्तेच्या समीकरणांवर आता न्यायालयीन प्रक्रियेचे सावट निर्माण झाले आहे. विविध राजकीय पक्षांच्या ७० हून अधिक नवनिर्वाचित नगरसेवकांविरोधात निवडणूक याचिका दाखल झाल्याने आगामी काळात महापालिकेतील राजकीय चित्र बदलण्याची शक्यता व्यक्त केली जात आहे.