राज्यातील कडाक्याच्या उन्हामुळे त्रस्त झालेल्या नागरिकांना पावसाची प्रतीक्षा लागून राहिली असताना हवामान विभागाने मान्सूनबाबत महत्त्वाची माहिती दिली आहे. राज्यातील बहुतांश भागात किमान १० जूनपर्यंत मान्सून दाखल होण्याची शक्यता नसल्याचा अंदाज व्यक्त करण्यात आला आहे
आगामी विधान परिषद निवडणुकीच्या पार्श्वभूमीवर भारतीय जनता पक्षाने आपल्या उमेदवारांची पहिली अधिकृत यादी जाहीर केली आहे. पक्षाचे राष्ट्रीय सरचिटणीस अरुण सिंह यांच्या स्वाक्षरीने प्रसिद्ध झालेल्या या यादीत राज्यातील ११ स्थानिक स्वराज्य संस्था मतदारसंघांसाठी उमेदवारांची घोषणा करण्यात आली आहे. विशेष म्हणजे, नुकतेच भाजपमध्ये प्रवेश केलेले प्राजक्त तनपुरे आणि राष्ट्रवादी काँग्रेस (शरद पवार गट)च्या खासदार सुप्रिया सुळे यांच्या कन्या रेवती सुळे यांचे होणारे सासरे अरुण लखानी यांना भाजपने उमेदवारी दिल्याने या यादीची राजकीय वर्तुळात मोठी चर्चा सुरू झाली आहे.
मुख्यमंत्री माझी लाडकी बहीण योजनेतून गेल्या एका महिन्यात तब्बल 80 लाख महिलांना वगळण्यात आल्याचा गंभीर आरोप करत ठाकरे गटाच्या उपनेत्या सुषमा अंधारे यांनी राज्य सरकार, मुख्यमंत्री देवेंद्र फडणवीस, उपमुख्यमंत्री एकनाथ शिंदे आणि महिला व बालविकास मंत्री आदिती तटकरे यांच्यावर जोरदार टीका केली आहे.
ओबीसी आरक्षण बचाव आंदोलनाचे नेते लक्ष्मण हाके यांनी मनोज जरांगे पाटील यांच्या उपोषणावर आणि राज्य सरकारच्या भूमिकेवर जोरदार टीका करत सरकारवर पक्षपातीपणाचा आरोप केला आहे. जरांगे यांचे उपोषण हे सामाजिक न्यायासाठी नसून काहींचे राजकीय समीकरण मजबूत करण्यासाठी आयोजित करण्यात आलेले नियोजित आंदोलन होते, असा दावा त्यांनी केला.
मराठा आंदोलक मनोज जरांगे आणि सरकारचे शिष्टमंडळ यांच्यात अडीच तास चर्चा झाली. मनोज जरांगेंनी सरकारने दिलेल्या ड्राफ्टमध्ये काही बदल सूचवले. सरकारकडून देखील मनोज जरांगेंच्या सूचना मान्य करण्यात आल्या. यानंतर मनोज जरांगे यांनी राधाकृष्ण विखे पाटील आणि प्रसाद लाड यांच्या हस्ते पाणी पिऊन आपले उपोषण मागे घेतले.
राष्ट्रवादी काँग्रेस पक्षाच्या बारामती नगर परिषदेतील नगरसेवक किशोर मासाळ यांच्याविरुद्ध एका ४५ वर्षीय विधवा महिलेने गंभीर आरोप करत बारामती तालुका पोलीस ठाण्यात तक्रार दाखल केली आहे. या तक्रारीच्या आधारे पोलिसांनी लैंगिक छळ, धमकी, मारहाण, पाठलाग आणि विनयभंगासह विविध कलमांखाली गुन्हा दाखल केला आहे.
घाटकोपर (पूर्व) येथील पंतनगर परिसरातील मुंबई महानगरपालिकेची मराठी शाळा क्रमांक २ बंद करून तिची जागा खाजगी शिक्षण संस्थेला देण्याच्या निर्णयाविरोधात सकल मराठी समाज-मुंबईच्या वतीने आयोजित करण्यात आलेल्या आंदोलनाला आज हजारो नागरिकांनी उत्स्फूर्त प्रतिसाद दिला.
राज्यातील नागरिकांच्या आरोग्याशी खेळ करणाऱ्या भ्रामक औषधविक्री आणि दिशाभूल करणाऱ्या जाहिरातींविरोधात अन्न व औषध प्रशासनाने (एफडीए) मोठी मोहीम हाती घेतली असून राज्यभरातील सात जिल्ह्यांमधील १२ आयुर्वेदिक औषधविक्री आस्थापनांवर धडक कारवाई करण्यात आली आहे. या कारवाईदरम्यान तब्बल ७३ लाख २४ हजार ६५६ रुपये किमतीचा आक्षेपार्ह आणि मिसब्रँडेड औषधसाठा जप्त करण्यात आला असून संबंधितांविरोधात कायदेशीर कारवाई सुरू करण्यात आली आहे.
फुगेवाडी परिसरातील कथित गावठी व विषारी दारू प्रकरणात निष्काळजीपणा आणि पर्यवेक्षणातील त्रुटी आढळल्याच्या पार्श्वभूमीवर पिंपरी चिंचवड शहर पोलिस दलातील दोन अधिकारी आणि चार कर्मचाऱ्यांना निलंबित करण्यात आले आहे. पोलिस आयुक्त विनोय कुमार चौबे यांनी याबाबत आदेश जारी केले आहेत.
हडपसर परिसरातील कथित गावठी व विषारी दारू प्रकरणात निष्काळजीपणा आणि पर्यवेक्षणातील त्रुटी आढळल्याच्या पार्श्वभूमीवर पुणे शहर पोलिस दलातील तीन अधिकाऱ्यांना निलंबित करण्यात आले आहे. अमितेश कुमार यांनी याबाबत आदेश जारी केले आहेत.
निक स्वराज्य संस्था विधानपरिषदेसाठी महाविकास आघाडीचा जागावाटपाचा तिढा सुटला आहे.कोणत्या मतदारसंघातून कोणता पक्ष लढणार याची अधिकृत घोषणा देखील करण्यात आली आहे.१७ मतदारसंघांपैकी काँग्रेसला ८ जागा, शिवसेना ठाकरे गटाला ४ तर राष्ट्रवादीत शरद पवार गटाला ३ जागा मिळाल्या आहेत.अजूनही २ जागांवर महाविकास आघाडीमध्ये संभ्रम कायम आहे.
