विशेष प्रतिनिधी
पुणे : monsoon राज्यातील कडाक्याच्या उन्हामुळे त्रस्त झालेल्या नागरिकांना पावसाची प्रतीक्षा लागून राहिली असताना हवामान विभागाने मान्सूनबाबत महत्त्वाची माहिती दिली आहे. राज्यातील बहुतांश भागात किमान १० जूनपर्यंत मान्सून दाखल होण्याची शक्यता नसल्याचा अंदाज व्यक्त करण्यात आला आहे. मात्र, १ जूनपासून सुरू होणाऱ्या आठवड्यात विदर्भ, मराठवाडा, मध्य महाराष्ट्र आणि खानदेशातील अनेक भागांत वादळी वाऱ्यासह पावसाची शक्यता असल्याने हवामानात लक्षणीय बदल होणार आहेत.monsoon
सध्या राज्यातील वातावरणात बदल होण्यास सुरुवात झाली असून पुढील काही दिवसांत त्याची तीव्रता वाढण्याची शक्यता आहे. दुपारनंतर ढगाळ वातावरण तयार होऊन अनेक ठिकाणी मेघगर्जनेसह पाऊस पडण्याचा अंदाज हवामान विभागाने वर्तवला आहे. कोकण किनारपट्टीवरही काही ठिकाणी हलक्या ते मध्यम स्वरूपाच्या पावसाच्या सरी कोसळू शकतात.monsoon
या बदलत्या हवामानामुळे मे महिन्यात जाणवलेल्या तीव्र उष्णतेपासून काही प्रमाणात दिलासा मिळण्याची अपेक्षा आहे. राज्याच्या बहुतांश भागातील कमाल तापमानात घट होण्याची शक्यता असली तरी पूर्व विदर्भातील काही जिल्ह्यांमध्ये तापमान ४० अंश सेल्सिअसच्या पुढेच राहू शकते.
दरम्यान, हवामान विभागाने स्पष्ट केले आहे की, आगामी काळात पडणारा पाऊस हा मान्सूनचा नसून मान्सूनपूर्व वादळी पाऊस आहे. मान्सून अद्याप केरळमध्ये पूर्णपणे दाखल झालेला नसल्याने महाराष्ट्रात त्याचे आगमन आणखी काही दिवस लांबण्याची शक्यता आहे.
या पार्श्वभूमीवर कृषी विभागाने शेतकऱ्यांना विशेष खबरदारी घेण्याचे आवाहन केले आहे. मान्सूनपूर्व वादळी पावसावर अवलंबून राहून पेरणीची घाई करू नये, असा सल्ला देण्यात आला आहे. पुरेसा आणि सातत्यपूर्ण पाऊस न झाल्यास बियाणे वाया जाण्याची शक्यता असल्याने मान्सूनचे अधिकृत आगमन आणि जमिनीतील पुरेसा ओलावा याची खात्री झाल्यानंतरच पेरणी करावी, असे कृषी विभागाने म्हटले आहे.
संभाव्य वादळी पावसाच्या पार्श्वभूमीवर नागरिकांनीही सतर्क राहण्याचे आवाहन करण्यात आले आहे. विजांच्या कडकडाटाच्या वेळी झाडाखाली, टीनशेडखाली किंवा मोकळ्या जागेत थांबणे टाळावे. तसेच विद्युत खांब, ट्रान्सफॉर्मर आणि वीजवाहिन्यांपासून सुरक्षित अंतर राखावे. शेतकऱ्यांनी आपल्या पाळीव जनावरांची सुरक्षित ठिकाणी व्यवस्था करावी, जेणेकरून वीज पडणे किंवा इतर दुर्घटनांपासून त्यांचा बचाव होऊ शकेल.
हवामानातील हे बदल तात्पुरते असले तरी राज्यातील नागरिक आणि शेतकरी आता मान्सूनच्या अधिकृत आगमनाकडे लक्ष ठेवून आहेत. १० जूनपर्यंत मान्सूनची प्रतीक्षा कायम राहणार असल्याने पुढील काही दिवस हवामानातील घडामोडींवर सर्वांचे लक्ष लागले आहे.
No monsoon likely in Maharashtra before June 10; thunderstorms and rain expected across parts of the state
महत्वाच्या बातम्या
- Manoj Jarange : सरकारी शिष्टमंडळाशी चर्चेनंतर मनोज जरांगेंनी उपोषण केले स्थगित
- Baramati : विधवा महिलेचा छळ, बारामतीत विद्यमान नगरसेवकावर गुन्हा दाखल
- Ghatkopar : घाटकोपर येथील पालिका मराठी शाळा वाचविण्यासाठी हजारोंचा जनआक्रोश
- मराठा आरक्षणाबाबत संविधानाच्या चौकटीत बसणारा निर्णय, ओबीसींवर अन्याय होऊ देणार नाही, मुख्यमंत्र्यांचे आश्वासन
