विशेष प्रतिनिधी
मुंबई : Aditya Thackeray तत्कालीन मुख्यमंत्री आणि विद्यमान उपमुख्यमंत्री एकनाथ शिंदे यांच्या काळात झालेल्या कामांची चौकशी करण्याची मागणी मुख्यमंत्री देवेंद्र फडणवीसांकडे करणार असल्याचे शिवसेना ठाकरे गटाचे नेते आदित्य ठाकरे यांनी मुख्यमंत्र्यांकडे केली आहे.Aditya Thackeray
मुंबईतील रस्ता घोटाळा, एमएमआरडीए यांसंबंधीचे अनेक पत्र याआधीही दिलेले आहेत, ते सर्व मुख्यमंत्री फडणवीसांना देणार असल्याचे आदित्य ठाकरे यांनी विधिमंडळ परिसरात माध्यमांशी बोलताना सांगितले.
मुख्य सचिवांनी एकनाथ शिंदे यांच्याविरोधात पत्र दिले आहे. अमृत योजनेत 57 लाख रुपयांचा अपहार झाल्याचा उल्लेख त्या पत्रामध्ये आहे. हा अपहार एकनाथ शिंदे यांच्या मार्फत झाला असल्याचा आरोप करण्यात आला आहे, या संबंधी विचारलेल्या प्रश्नावर शिवसेनेचे (ठाकरे) आमदार आदित्य ठाकरे म्हणाले, मी मुख्य सचिवांचे अभिनंदन करतो. त्यांनी हा प्रकार उघड केला. या पत्रामुळे आता सर्वांना कळाले असेल की, तत्कालिन घटनाबाह्य मुख्यमंत्री हे मुख्य सचिव सुजता सौनिक यांच्या मागे का लागले होते? का त्यांच्या राजीनाम्याची मागणी करत होते, हे समोर आले आहे.
जे चांगले लोक आहेत त्यांना बाजूला करून भ्रष्टाचार करायचा त्यांचा डाव होता. तोही उघडा पडला आहे. अशीच अनेक पत्रे मी देखील लिहिली होती. ती सर्व पत्रं आता आम्ही मुख्यमंत्री देवेंद्र फडणवीस यांना देणार आहोत. रस्ता घोटाळा, एमएमआरडीए, फ्रान्सने लिहिलेल्या पत्रातही एकनाथ शिंदे यांच्यावरच आरोप आहे. यावर मुख्यमंत्र्यांनी कारवाई केली तर आम्ही देखील त्यांची साथ देऊ, कारण या महाराष्ट्रात पारदर्शक आणि स्वच्छ काम झालं पाहिजे, असंही आदित्य ठाकरे म्हणाले.
Aditya Thackeray made this demand to the Chief Minister regarding Eknath Shinde
महत्वाच्या बातम्या
- आरोग्य विभागाप्रमाणे इतर विभागातील घोटाळेबाज कंत्राटांनाही मुख्यमंत्री स्थगिती देणार काय? नाना पटोले यांचा सवाल
- रक्षा खडसे यांच्या मुलीची छेड काढल्या प्रकरणी चौघांना अटक, शिवसेना शिंदे गटाचे कार्यकर्ते
- Jitendra Awhad जितेंद्र आव्हाड यांची बेड्या घालून येत विधिमंडळ परिसरात नौटंकी
- Sanjay Raut जसा नेता तशी खालची टपोरी चिल्लर पोरेबाळे, संजय राऊत यांचा एकनाथ शिंदे यांच्यावर हल्लाबोल
