विशेष प्रतिनिधी
पुणे : नसरापूर येथील अत्यंत क्रूर आणि मानवतेला काळिमा फासणाऱ्या प्रकरणातील नराधम आरोपी भीमराव कांबळे याला अतिशय जलद गतीने फाशीची शिक्षा सुनावल्याबद्दल केंद्रीय मंत्री मुरलीधर मोहोळ यांनी माननीय न्यायालयाचे मनःपूर्वक आभार मानले आहेत. मोहोळ यांनी म्हटले आहे की, या निर्णयाने पुन्हा एकदा सिद्ध केले आहे की, गुन्हा जितका भयावह असेल तितक्याच कठोर आणि वेगवान पद्धतीने न्यायही मिळू शकतो. हा निर्णय केवळ एका आरोपीला झालेली शिक्षा नसून, महिलांवर अत्याचार करणाऱ्या आणि समाजात विकृती पसरवणाऱ्या प्रवृत्तींना दिलेला स्पष्ट इशारा आहे.Murlidhar Mohol
या प्रकरणात मुख्यमंत्री मा.श्री. देवेंद्रजी फडणवीस यांनी फास्ट ट्रॅक न्यायालयामार्फत खटल्याचा वेग वाढविण्यासाठी पुढाकार घेतला. सरकारी पक्षाने प्रभावीपणे बाजू मांडत हा गुन्हा “दुर्मिळातील दुर्मिळ” असल्याचे न्यायालयासमोर सिद्ध केले आणि अल्पावधीत न्याय मिळवून देण्यात महत्त्वाची भूमिका बजावली, असे त्यांनी सांगितले.
वेगवान न्याय हा पीडितेला आणि समाजाला दिलासा देणारा असतो. अशा गुन्ह्यांबाबत कायद्याचा धाक निर्माण करणारा हा निर्णय भविष्यात अशा विकृत प्रवृत्तींना रोखण्यासाठी महत्त्वाचा ठरेल, असा विश्वास त्यांनी व्यक्त केला.
Nasrapur Horror Convict Sentenced to Death; Minister Murlidhar Mohol Welcomes Verdict
महत्वाच्या बातम्या
- राज्यभरात भेसळखोरांवर अभूतपूर्व कारवाई; ३ दिवसांत ५३ धाडी, ३४ ठिकाणी कारवाई, तर ३३ जणांना बेड्या!!
- शिक्षा संस्कृति उत्थान न्यासाची राष्ट्रीय प्रांत संयोजक बैठक पुण्यात सुरू; राष्ट्रीय शैक्षणिक धोरण, भारतीय ज्ञानपरंपरेवर मंथन
- Florida Test : जेफ बेझोस यांच्या ‘ब्लू ओरिजिन’ला मोठा धक्का; फ्लोरिडात चाचणीदरम्यान ‘न्यू ग्लेन’ रॉकेटचा भीषण स्फोट
- NIA : पाकिस्तानशी जोडलेल्या दहशतवादी जाळ्यावर NIAची मोठी कारवाई; राजस्थानसह ४ राज्यांत धाडसत्र
