विशेष प्रतिनिधी
पुणे: पुण्याच्या लोहगाव येथील अजिंक्य डी. वाय. पाटील विद्यापीठाच्या वसतिगृहात मंगळवारी रात्री होळी साजरी करणाऱ्या विद्यार्थ्यांवर पोलिसांनी लाठीमार केल्याची धक्कादायक घटना समोर आली आहे. या घटनेत अनेक विद्यार्थी जखमी झाले असून, कॅम्पसमध्ये भीतीचे वातावरण पसरले आहे.
मिळालेल्या माहितीनुसार, न्यूटन स्कूल ऑफ टेक्नॉलॉजीच्या वसतिगृहात विद्यार्थी धुलिवंदन साजरे करत होते. रात्रीच्या वेळी अचानक पोलीस कर्मचारी वसतिगृहात घुसले आणि त्यांनी सेलिब्रेशन थांबवण्याचे आदेश दिले. कॅम्पसमध्ये काही बेकायदेशीर हालचाली किंवा निषेध सभा होण्याची शक्यता असल्याची माहिती मिळाल्याचे पोलिसांनी सांगितले.
मात्र पोलिसांनी अचानक येऊन लाठ्या फिरवण्यास सुरुवात केली, ज्यामुळे विद्यार्थ्यांमध्ये घबराट पसरली होती. एका विद्यार्थ्याने पोलिसांना कारवाईचे कारण विचारले असता, त्याला धक्काबुक्की करून लाठीने मारहाण करण्यात आली आहे. या घटनेनंतर शांततेत सण साजरा करत असतानाही पोलिसांनी अटकेची धमकी दिल्याचा आरोप विद्यार्थ्यांनी केला आहे. या कारवाईमुळे परराज्यातून पुण्यात शिकायला आलेल्या विद्यार्थ्यांमध्ये असुरक्षिततेची भावना निर्माण झाली आहे.
या बाबत लोहगाव पोलिस चौकशी करत असून , गुन्हा दाखल करण्याची प्रक्रिया सुरू आहे सीसीटीव्ही कॅमेरे आणि इतर बाबी तपासून योग्य ती कारवाई केली जाणार असल्याचे पोलिसांनी स्पष्ट केले आहे.
Police lathi-charge students at a famous hostel in Pune; shocking reason revealed, several students injured!
महत्वाच्या बातम्या
- Raju Shetti : आंबा व काजू उत्पादकांना मदत द्या अन्यथा धडक मोर्चा, राजू शेट्टी यांचा इशारा
- Shri Rasiklal Dhariwal : श्री रसिकलाल धारीवाल यांच्या स्मृतिप्रीत्यर्थ ९वे वार्षिक रक्तदान शिबिर उत्साहात संपन्न
- Brought back citizens : दुबई येथून १११ नागरिक पुण्यात सुखरूप पोहोचले; उर्वरित नागरिकांना आणण्याची कार्यवाही सुरु
- Eknath Shinde : एकनाथ शिंदेंच्या मदतीने पुणेकर पर्यटक मायदेशी परतले! एकनाथ शिंदेचे मानले आभार…
