विशेष प्रतिनिधी
पुणे : Purandar Airport बहुप्रतीक्षित अशा पुरंदर येथील प्रस्तावित आंतरराष्ट्रीय विमानतळासाठी जिल्हा प्रशासन शुक्रवार, २६ सप्टेंबरपासून प्रत्यक्ष जमिनीच्या मोजणीला अर्थात भू-सर्वेक्षणाला सुरूवात करणार आहे. या प्रकल्पासाठी भूसंपादनाची संमतीपत्रे सादर करण्याची अंतिम मुदत आज (ता. २५) संपत आहे.
आतापर्यंत, संबंधित गावांमधील ९५ टक्के शेतकऱ्यांनी त्यांची संमतीपत्रे सादर केली आहेत. यामुळे या प्रकल्पाला शेतकऱ्यांचा पाठिंबा असल्याचे स्पष्ट होते. या विमानतळासाठी पुरंदर तालुक्यातील सात गावांमधून जमीन संपादित केली जाईल. ज्यामध्ये पारगाव, कुंभारवळण, एकतपूर, मुंजवडी, खानवाडी, उदाचीवाडी आणि वनपुरी या गावांचा समावेश होतो. सुरुवातीला सरकारने या प्रकल्पासाठी साडेसात हजार एकर जमीन संपादित करण्याचा प्रस्ताव ठेवला होता, परंतु या निर्णयाला होणार्या स्थानिकांच्या विरोधामुळे गेल्या महिन्यात ही जमीन सुमारे ३,००० एकर करण्यात आली.
यासाठी शेतकऱ्यांना प्रथम १८ सप्टेंबरपर्यत संमतीपत्रे सादर करण्याची अंतिम मुदत देण्यात आली होती. तोपर्यंत सुमारे २,८०० शेतकऱ्यांनी साधारणतः २,७०० एकर जमीन देण्याचे मान्य देखील केले होते. मात्र त्यानंतर ही अंतिम मुदत २५ सप्टेंबरपर्यंत वाढविण्यात आली. “मोजणी प्रक्रिया पूर्ण झाल्यानंतर, शेतकऱ्यांना भरपाई देण्याबाबत सरकारकडे प्रस्ताव पाठवला जाईल. अंतिम किंमत निश्चित झाल्यानंतर, औपचारिक भूसंपादन प्रक्रिया सुरू होईल,” असे जिल्हाधिकारी जितेंद्र दुडी म्हणाले. Purandar Airport
अधिग्रहित जमिनीव्यतिरिक्त, सात गावांमध्ये सुमारे २०० एकर सरकारी मालकीची जमीन देखील या प्रकल्पासाठी उपलब्ध होणार आहे, ज्यामुळे विमानतळासाठी एकूण जमीन अंदाजे २,९०० एकर इतकी होईल.
भरपाईचा एक भाग म्हणून, प्रस्तावित एरोसिटीमध्ये ‘प्रथम येणाऱ्यास प्राधान्य’ देण्यात येणार आहे. त्यामुळे प्रथम संमती देणाऱ्या शेतकऱ्यांना एकूण जमिनीच्या दहा टक्के वाटप केले जाईल. यासाठी सुमारे ७०० एकर इतकी जागा राखीव ठेवण्यात आली आहे. जिल्हा प्रशासनाने आश्वासन दिले आहे की या शेतकऱ्यांना एकूण जमिनीच्या दहा टक्के जमीन आणि प्रचलित बाजार दराच्या चार पट भरपाई मिळेल. संमती पत्राची अंतिम मुदत संपल्यानंतर शुक्रवारपासून प्रत्यक्ष जमीन सर्वेक्षण सुरू होईल. ही प्रक्रिया २० ऑक्टोबरपर्यंत पूर्ण होण्याची अपेक्षा केली जात आहे, असे जिल्हाधिकारी जितेंद्र दुडी यांनी सांगितले. Purandar Airport
Land surveying for Purandar Airport project begins tomorrow!
महत्वाच्या बातम्या
- Sharad Pawar पुणेकरांनी अडवली शरद पवारांची कार! आमची घरं वाचवा अशी केली मागणी
- भाजप पदाधिकाऱ्यांनी काँग्रसेच्या जेष्ठ पदाधिकार्याला घेरून जबरदस्तीने नेसविली साडी
- Supriya Sule : महाविकास आघाडीत बिघाडी ! सुप्रिया सुळे यांचे स्थानिक स्वराज्य संस्थांत वेगळे लढण्याचे संकेत
- भारतीय प्रेरणांनी लिहिणारे कालजयी साहित्यिक एस एल भैरप्पा यांचे निधन
