विशेष प्रतिनिधी
नागपूर : विजयादशमी हा हिंदू समाजासाठी महत्त्वाचा उत्सव असला तरी आमच्यासाठी धम्मचक्र प्रवर्तन दिन, ज्याला अशोक विजयादशमी म्हणतात, सर्वाधिक महत्त्वाचा आहे. मी राष्ट्रीय स्वयंसेवक संघाच्या आमंत्रणाचा स्वीकार केलेला नाही. माझ्या संमतीशिवाय किंवा लिखित परवानगीशिवाय अशी बातमी प्रसिद्ध करणे ही कटकारस्थान आहे, असा आरोप सरन्यायाधीश भूषण गवई यांच्या आई कमलताई गवई यांनी केला आहे. Kamaltai Gawai
सरसंघचालक मोहन भागवत यांच्या उपस्थितीत होणाऱ्या राष्ट्रीय स्वयंसेवक संघाच्या विजयादशमी सोहळ्यासाठी कमलताई गवई यांना आमंत्रण देण्यात आले. मात्र यावरून मोठा वाद निर्माण झाला आहे.
कमलताई गवई यांनी माध्यमांमध्ये प्रसिद्ध झालेल्या वृत्तांचा तीव्र निषेध करताना म्हटले की,
“हे वृत्त म्हणजे आरएसएसचे प्रचारयंत्र आहे. माझे सहअंबेडकरवादी या कटकारस्थानाची नोंद घ्यावी. संविधानाशी निष्ठा ठेवून मी अशा प्रकारच्या अफवांना नकार देते.
मात्र कमलताईंच्या या भूमिकेनंतर त्यांचे सुपुत्र आणि रिपब्लिकन पार्टीचे नेते डॉ. राजेंद्र गवई यांनी व्हिडीओ प्रसिद्ध करून सांगितले की, कमलताई गवई RSS च्या कार्यक्रमाला उपस्थित राहतील. त्यांनी स्वतःनेही हे आमंत्रण स्वीकारले असल्याचे स्पष्ट केले.
स्व. रा. सु. गवई, ज्येष्ठ रिपब्लिकन नेते आणि माजी राज्यपाल, हे बाबासाहेब आंबेडकरांचे निकटवर्तीय होते तसेच दीक्षाभूमी विकासासाठी कार्यरत होते. 1981 साली नागपूर येथे झालेल्या संघ शिक्षण वर्गाच्या समारोप सोहळ्याला ते प्रमुख पाहुणे म्हणूनही उपस्थित राहिले होते.
नंतर ते काँग्रेसच्या पाठबळाने संसद आणि विधानसभा सदस्य राहिले. बिहार, सिक्कीम आणि केरळचे राज्यपाल म्हणून 2006 ते 2011 या काळात त्यांनी काम पाहिले. केरळचे राज्यपाल असताना त्यांनी तत्कालीन मुख्यमंत्री अच्युतानंदन यांच्या विरोधात जाऊन SNC-लावलीन प्रकरणात पिनराई विजयन यांच्या चौकशीला परवानगी दिली होती.
सीजेआय भूषण गवई यांनी स्वतः मान्य केले आहे की त्यांचे वडील काँग्रेसशी चार दशके संबंधित होते. त्यांचे भाऊ डॉ. राजेंद्र गवई हे आजही काँग्रेसच्या राजकारणाशी निगडित आहेत. त्यामुळे RSS च्या कार्यक्रमाला उपस्थित राहण्याच्या निर्णयामुळे गवई कुटुंब पुन्हा एकदा चर्चेत आले आहे.
Kamaltai Gawai said she did not accept RSS’s invitation
महत्वाच्या बातम्या
- Devendra Fadnavis गतिमान आणि प्रगतीशील कायदा-सुव्यवस्था उभी करणार! अमित शहा यांच्यासोबत देवेंद्र फडणवीस यांची बैठक
- Russia : ”रशियाने युक्रेनमधील चेर्नोबिल पॉवर प्लांटवर हल्ला केला”
- PM Modi : पंतप्रधान मोदींच्या दौऱ्यामुळे भारत-अमेरिका व्यापार संबंध अधिक मजबूत
- Manipur : मणिपूरमधील कॅम्पमध्ये सीआरपीएफ जवानाने केला गोळीबार अन् नंतर…
