विशेष प्रतिनिधी
छत्रपती संभाजीनगर : एमआयएम हा आता केवळ एक पक्ष नसून महाराष्ट्राच्या राजकारणातील एक महत्त्वाचा “किरदार” बनला आहे, असा दावा एमआयएम पक्षाचे प्रदेशाध्यक्ष आणि माजी खासदार इम्तियाज जलील यांनी केला. Imtiaz Jaleel
इम्तियाज जलील म्हणाले, आम्ही एक मोठीशक्ती म्हणून उदयास आलो आहोत.सोलापूर, मुंब्रा, अमरावती अशा सर्वच ठिकाणी आमचे प्रतिनिधित्व वाढले आहे.आम्ही केवळ 7-8 जागा अतिशय कमी फरकाने हरलो, नाही तर हा आकडा आणखी मोठा असता. आमची भूमिका स्पष्ट आहे. शहराच्या विकासासाठी चांगले निर्णय असतील, तर आम्ही भाजपला नक्कीच साथ देऊ. पण, जर कुणी स्वतःच्या आर्थिक फायद्यासाठी हिडन अजेंडा घेऊन येत असेल, तर आम्ही खंबीर विरोध करू. जसा आम्ही समांतर पाणी योजनेला केला होता. मी सर्वपक्षीय नेत्यांना आवाहन करतो की, आता निवडणुका संपल्या आहेत, एकमेकांवरची चिखलफेक थांबवून शहराच्या प्रगतीसाठी एका प्लॅटफॉर्मवर या.
लोकांना जाणीव झालीआहे की केवळ एमआयएमच त्यांच्यासाठी लढू शकते. आज संपूर्णमहाराष्ट्रात आमचे 125 नगरसेवक निवडून आले आहेत. मुंबईत आमचे 8 नगरसेवक आहेत, ही संख्या राज ठाकरेंची मनसे आणि दोन्ही राष्ट्रवादी काँग्रेस पेक्षाही जास्त आहे., असा टोला इम्तियाज जलील यांनी लगावला.
जे मुस्लिम समाजाला आपली जहागीर समजायचे. निवडणुका आल्या की भाजप आणि शिवसेनेची भीती दाखवून मते लाटायची, हा यांचा धंदा होता. स्वतःला सेक्युलर म्हणवणारे नेते आज भाजपच्या मांडीवर जाऊन बसले आहेत.आम्ही काहीही झाले तरी भाजपसोबत जाणार नाही, हे आता जनतेला उमजले आहे. म्हणूनच एमआयएम आज मालेगाव (21), धुळे (10),नांदेड (14) अशा सर्वच ठिकाणी निर्णायक भूमिकेत आहे, असे त्यांनी सांगितले.
छत्रपती संभाजीनगरमध्ये गेल्या वेळी 25 जागा होत्या,या वेळी 33 जागा जिंकून आम्ही ताकदीने मुख्य विरोधी पक्ष म्हणून समोर आलो आहोत. माझ्यावर भ्रष्टाचाराचे, पक्षविकल्याचे आरोप झाले. पण गंमत पाहा,जोपर्यंत या लोकांना उमेदवारीची आशा होती,तोपर्यंत इम्तियाज जलील जगातील सर्वात चांगला माणूस होता. तिकीट कापले गेल्यावर मी लगेच भ्रष्ट झालो? बॅरिस्टर असदुद्दीन ओवेसींचा माझ्यावर विश्वास आहे आणि त्यांच्या विश्वासाला मी तडा जाऊ दिलेला नाही, हे निकालांनी सिद्ध केले, असे जलील म्हणाले.
MIM a Key Political Player in Maharashtra, Claims Imtiaz Jaleel
महत्वाच्या बातम्या
- पूर्व पुण्याच्या राजकारणात नवा अध्याय, रणनीती, संघटन व जनसंपर्काच्या जोरावर सुरेंद्र पठारे यांची दमदार कामगिरी
- पुण्यातला पहिला निकाल, प्रभाग क्र. २० भाजपचे तीन, प्रभाग क्रमांक 18 मधून काँग्रेसचे प्रशांत जगताप
- मुंबईत फुलणार ११० पेक्षा जास्त कमळाची फुले, माेहित कंबाेज यांचा दावा
- पुण्यात ४१ प्रभागांमधील १६५ जागांसाठी ५२.४२ टक्के मतदान
