विशेष प्रतिनिधी
नवी दिल्ली : Sabarimala केरळमधील प्रसिद्ध सबरीमला मंदिरात मासिक पाळीच्या वयोगटातील महिलांच्या प्रवेशबंदीला केंद्र सरकारने सर्वोच्च न्यायालयात समर्थन दिले आहे. हा विषय श्रद्धेशी संबंधित असून न्यायालयीन तपासणीच्या कक्षेबाहेर असल्याचे केंद्राने स्पष्ट केले.Sabarimala
सर्वोच्च न्यायालयाच्या नऊ न्यायाधीशांच्या घटनापीठासमोर सॉलिसिटर जनरल तुषार मेहता यांनी केंद्राची बाजू मांडताना सांगितले की, प्रत्येक धार्मिक पंथाच्या प्रथा आणि परंपरांचा आदर करणे आवश्यक आहे. “प्रत्येक गोष्ट ही सन्मान किंवा वैयक्तिक स्वातंत्र्याशी जोडली जाऊ शकत नाही,” असेही त्यांनी नमूद केले.Sabarimala
केंद्र सरकारने असा युक्तिवाद केला की, न्यायालयाने एखाद्या धार्मिक प्रथेची ‘वैज्ञानिकता’, ‘आधुनिकता’ किंवा ‘तर्कसंगतता’ तपासण्याचा प्रयत्न करू नये. अशा प्रकारे न्यायालयीन हस्तक्षेप केल्यास तो धार्मिक स्वायत्ततेत हस्तक्षेप ठरेल.
तसेच, भारतीय राज्यघटना धार्मिक स्वातंत्र्याचे संरक्षण करते, कारण त्यामध्ये अशा श्रद्धा, विधी आणि परंपरा समाविष्ट असतात ज्या नेहमीच वैज्ञानिक किंवा तर्कसंगत निकषांवर बसतीलच असे नाही, असे केंद्राने स्पष्ट केले.
‘संवैधानिक नैतिकता’ ही संकल्पना राज्यघटनेत स्पष्टपणे नमूद नसून ती न्यायालयीन व्याख्येतून विकसित झालेली आहे. त्यामुळे तिचा विस्तार करून धार्मिक प्रथांवर लागू करणे म्हणजे न्यायालयीन अतिक्रमण ठरेल, असा मुद्दाही केंद्राने मांडला.
दरम्यान, २०१८ मध्ये सर्वोच्च न्यायालयाच्या पाच न्यायाधीशांच्या खंडपीठाने १० ते ५० वयोगटातील महिलांच्या प्रवेशावरील बंदी असंवैधानिक ठरवून हटवली होती. त्यानंतर २०१९ मध्ये हा विषय मोठ्या घटनापीठाकडे वर्ग करण्यात आला.
सध्या या प्रकरणाची अंतिम सुनावणी ७ ते २२ एप्रिलदरम्यान सुरू असून, धार्मिक स्वातंत्र्य आणि लैंगिक समानता यामधील संतुलनाबाबत महत्त्वपूर्ण निर्णय अपेक्षित आहे.
Centre’s Stand on Sabarimala: Matter of Faith Beyond Judicial Scrutiny
महत्वाच्या बातम्या
- Mandatory PNG Shift : सुविधेच्या ठिकाणी पीएनजी जोडणी घ्यावीच लागणार; एलपीजीवरील ताण कमी करण्यासाठी निर्णय
- देशात अनेक शहरांमध्ये इंधनासाठी रांगा; पण प्रत्यक्षात देशात इंधनाचा पुरेसा साठा; मोदी सरकारचा खुलासा
- Amid West Asia : एप्रिलमध्ये रशियाकडून 6 कोटी बॅरल कच्चे तेल खरेदी करेल भारत; सवलतीऐवजी प्रीमियमवर मिळेल
- कुटुंब टिकले तरच धर्म आणि राष्ट्र टिकेल, समाज सुरक्षित राहील; पुण्यातल्या कोथरूड मधल्या विराट संमेलनात एकमुखी सूर
