विशेष प्रतिनिधी
मुंबई : Dada Bhuse महाराष्ट्रातील शिक्षक पात्रता परीक्षा पेपरफुटीच्या गंभीर प्रकरणावरून काँग्रेसने राज्य सरकारविरोधात आक्रमक भूमिका घेतली असून, काँग्रेसची विद्यार्थी संघटना नॅशनल स्टुडंट्स युनियन ऑफ इंडियाने आज विधानभवन परिसरात शिक्षणमंत्री दादा भुसे यांची गाडी अडवून त्यांना काळे झेंडे दाखवले. यावेळी कार्यकर्त्यांनी शिक्षणमंत्र्यांविरोधात जोरदार घोषणाबाजी करत त्यांच्या राजीनाम्याची मागणी केली.Dada Bhuse
NSUI महाराष्ट्र प्रदेशाध्यक्ष सागर साळुंखे यांच्या नेतृत्वाखाली शेकडो विद्यार्थी व कार्यकर्ते विधानभवन परिसरात एकत्र आले होते. शिक्षणमंत्री दादा भुसे विधानभवनातून बाहेर पडत असताना प्रवेशद्वारावर त्यांच्या वाहनाला काळे झेंडे दाखवत आंदोलन करण्यात आले. यावेळी “पेपरचोर सरकार हाय हाय”, “दादा भुसे राजीनामा द्या”, “विद्यार्थ्यांच्या भविष्याशी खेळ बंद करा”, “पेपरफुटी करणाऱ्यांना अटक करा”, “विद्यार्थ्यांना न्याय द्या” अशा घोषणांनी संपूर्ण परिसर दणाणून गेला.Dada Bhuse
यावेळी बोलताना NSUI महाराष्ट्र प्रदेशाध्यक्ष सागर साळुंखे म्हणाले की, राज्यात स्पर्धा परीक्षा आणि भरती प्रक्रियांमध्ये सातत्याने पेपरफुटीच्या घटना घडत आहेत. लाखो विद्यार्थी दिवस-रात्र अभ्यास करूनही भ्रष्ट व्यवस्थेमुळे त्यांच्या भविष्याशी खेळ केला जात आहे. TET पेपरफुटी ही केवळ प्रशासकीय निष्काळजीपणा नसून विद्यार्थ्यांच्या विश्वासाशी झालेला गंभीर विश्वासघात आहे. या संपूर्ण प्रकरणाची उच्चस्तरीय व निष्पक्ष चौकशी करून पेपरफुटीच्या रॅकेटचा पर्दाफाश करावा, दोषींवर कठोर कारवाई करावी आणि नैतिक जबाबदारी स्वीकारत शिक्षणमंत्री दादा भुसे यांनी तात्काळ राजीनामा द्यावा, अशी मागणी त्यांनी केली.
आंदोलनादरम्यान पोलिसांनी NSUI महाराष्ट्र प्रदेशाध्यक्ष सागर साळुंखे यांच्यासह अनेक पदाधिकारी व कार्यकर्त्यांना ताब्यात घेतले. मात्र, पोलिस कारवाईनंतरही आंदोलनकर्त्यांनी सरकारविरोधात घोषणाबाजी सुरू ठेवत विद्यार्थ्यांना न्याय मिळेपर्यंत संघर्ष सुरूच ठेवण्याचा निर्धार व्यक्त केला.
दरम्यान, TET पेपरफुटीविरोधातील काँग्रेसचे आंदोलन सलग दुसऱ्या दिवशीही सुरू राहिले. काल महाराष्ट्र युवक काँग्रेसने शिक्षणमंत्री दादा भुसे यांच्या शासकीय निवासस्थानासमोर तीव्र निदर्शने करून त्यांच्या राजीनाम्याची मागणी केली होती. त्यानंतर आज NSUI ने थेट विधानभवनात शिक्षणमंत्र्यांना घेरत आंदोलन छेडले. राज्यातील विविध जिल्ह्यांमध्येही काँग्रेस, युवक काँग्रेस आणि NSUI यांच्या वतीने पेपरफुटीविरोधात आंदोलने सुरू असून सरकारविरोधातील जनक्षोभ वाढत आहे.
काँग्रेसने स्पष्ट इशारा दिला आहे की, TET पेपरफुटीप्रकरणातील दोषींवर कठोर कारवाई, निष्पक्ष चौकशी आणि शिक्षणमंत्री दादा भुसे यांच्या राजीनाम्याची मागणी पूर्ण होईपर्यंत राज्यभर विद्यार्थी, युवक आणि काँग्रेसच्या सर्व आघाड्यांच्या माध्यमातून आंदोलन अधिक तीव्र करण्यात येईल.
Congress Protests TET Paper Leak, Waves Black Flags at Minister Dada Bhuse
महत्वाच्या बातम्या
- केतन अग्रवाल हत्या प्रकरण जलदगती न्यायालयात; विशेष सरकारी वकील म्हणून उज्ज्वल निकम यांची नियुक्ती
- राम मंदिर देणगी चोरी प्रकरणी ट्रस्टचे सरचिटणीस चंपत राय यांचा अखेर राजीनामा
- सुशिक्षित मुलांमध्ये सूडबुध्दी का निर्माण हाेतेय? केतन अग्रवाल प्रकरणावर मुख्यमंत्र्यांचे भाष्य
- केतनला टक्कल असल्याने सियाला नव्हता पसंद, पाेलीस चाैकशीत कबुली
