मराठी माणसांसाठीची शेवटची लढाई आहे असे म्हणत ऊर बडवणा-यांसाठी ही मराठी माणसासाठीची लढाई नाही तर एका कुटुंबासाठीची शेवटची लढाई आहे, असा पलटवार भारतीय जनता पार्टीचे माध्यम विभाग प्रमुख नवनाथ बन (Navnath Ban) यांनी शिवसेना ठाकरे गटाचे खासदार संजय राऊत यांच्यावर केला.
वकिलांच्या संघटनामध्ये महिलांसाठी ३० टक्के जागा राखीव ठेवण्याचा सुप्रिम कोर्टाचा आदेश वकिली व्यवसायात काम करणाऱ्या संघटनातही महिला वकिलांना प्रतिनिधित्व मिळायला हवे, यासाठी सर्वोच्च न्यायालयाने ( सुप्रिम कोर्ट) मोठा आदेश दिला आहे.
एक कोटी रुपयांच्या विमा रकमेचा लोभ मनुष्याला किती थराला नेऊ शकतो, याचे धक्कादायक उदाहरण लातूरमध्ये उघडकीस आले आहे. ५७ लाखांचे कर्ज फेडण्यासाठी एका व्यक्तीने स्वतःचा मृत्यू खोटा भासवण्यासाठी एका निरपराध माणसाचा खून केल्याची संतापजनक घटना समोर आली आहे. पोलिसांनी आरोपी गणेश चव्हाण याला अटक केली आहे.
करूरमध्ये झालेल्या विजय यांच्या प्रचार सभेतील भीषण चेंगराचेंगरीत ४० हून अधिक लोकांचा मृत्यू झाल्यानंतर जवळपास दोन महिन्यांनी तामिळनाडू पोलिसांनी अभिनेता ते नेते बनलेल्या विजय यांना १८ डिसेंबर रोजी इरोड जिल्ह्यात सभा घेण्यास परवानगी दिली आहे. मात्र ही परवानगी तब्बल ८४ कठोर अटींसह देण्यात आली असून, पोलिसांनी नियमभंग टाळण्यासाठी अत्यंत कडक मार्गदर्शक तत्त्वे लागू केली आहेत.
पुणे हे महाराष्ट्राचे ग्रोथ इंजिन आहे. प्रत्येक राज्याला एकच कृती इंजिन आहे, परंतु महाराष्ट्राला नवी मुंबई आणि पुणे अशी दोन ग्रोथ इंजिन आहेत. पुण्याच्या विकासाचा नवा अध्याय सुरू झाला असून शहराला शाश्वत, आधुनिक आणि भविष्यासाठी सज्ज करण्याचा संकल्प राज्य सरकारने केला आहे, असे प्रतिपादन मुख्यमंत्री देवेंद्र फडणवीस यांनी केले. पुण्याचे प्रगतीपर्व या तीन हजार कोटींच्या विकास कामांच्या उद्घाटन आणि लोकार्पण सोहळ्यात गणेश कला क्रीडा मंच पुणे येथे बोलत होते.
भारतीय बिल्डर पार्टी, फेकनाथ मिंधे असे म्हणत गृहनिर्माण मंत्र्यांची घोषणा जागामालक आणि बिल्डरांसाठी आहे, असा आरोप शिवसेना ठाकरे गटाचे आमदार आदित्य ठाकरे यांनी केला.
शिष्यवृत्ती ही कोणाची कृपा, दान किंवा भीक नाही. ती वंचित, कष्टकरी आणि गुणवंत विद्यार्थ्यांचा घटनात्मक अधिकार आहे, अशा शब्दात केंद्रीय समाज कल्याण राज्यमंत्री रामदास आठवले यांनी उपमुख्यमंत्री अजित पवारांना सुनावले.
पुणे पुस्तक महोत्सवाला मिळणारा वाढता प्रतिसाद पाहता येत्या काळात पुणे ही पुस्तकाची राजधानी करण्यासाठी प्रयत्न करणार असून पुढील वर्षी हा महोत्सव जागतिक पुस्तक महोत्सव म्हणून आयोजित करण्याचा मानस असल्याचे प्रतिपादन राज्याचे उच्च व तंत्र शिक्षण मंत्री चंद्रकांतदादा पाटील यांनी केले.
राज्यात स्मार्ट मीटर बसवण्याचा निर्णय केंद्र शासनाच्या योजनेंतर्गत घेण्यात आला आहे.सामान्य घरगुती ग्राहकांना प्रीपेड मीटर लावले जाणार नाहीत, असे मुख्यमंत्री देवेंद्र फडणवीस यांनी विधानसभेत सांगितले.
राम मंदिरासाठी तब्बल ५०० वर्षे चाललेल्या संघर्षात बलिदान देणाऱ्या करसेवक आणि भक्तांच्या स्मरणार्थ भव्य स्मारक उभारण्याचा निर्णय श्रीराम जन्मभूमी तीर्थ क्षेत्र न्यासाने जाहीर केला आहे. यासोबतच, प्राणप्रतिष्ठेपूर्वी प्रभु श्रीराम आणि भगिनी-भावंडे ज्या ठिकाणी विराजमान होतील त्या स्थळी स्वतंत्र मंदिरही उभारले जाणार आहे.
कमिटमेंट म्हणजे कमिटमेंट. मैं एक तो कमिटमेंट करता नहीं, लेकिन एक बार मैंने कमिटमेंट कर दी तो मैं खुद की भी सुनता नहीं असा डायलॉग मारत शेतकऱ्यांची कर्जमाफी आम्ही करणारच असे उपमुख्यमंत्री एकनाथ शिंदे यांनी सांगितले.
नागपूर इथे सात दिवसाचे अधिवेशन पार पडले पण या अधिवेशनातून ना शेतकऱ्यांना काही मिळाले ना विदर्भातील जनतेला काही मिळाले त्यामुळे हे अधिवेशन वांझोटे ठरले अशी टीका विरोधी पक्षाने केली. अधिवेशन संपल्यावर विरोधकांची संयुक्त पत्रकार परिषद पार पडली. जनतेला अधिवेशनातून काहीतरी मिळावे म्हणून आम्ही संपूर्ण अधिवेशनात सरकारला मदत केली, मात्र सरकारने कोणताही चांगला निर्णय घेतला नाही असा हल्लाबोल विरोधकांनी केला.