Author name: Bakhar Live

काँग्रेसचे दिवंगत नेते राजीव सातव यांची पत्नी प्रज्ञा सातव यांचा भाजप प्रवेश निश्चित झाला आहे. मुख्यमंत्री देवेंद्र फडणवीस यांच्या उपस्थितीत मुंबईमध्ये त्यांचा पक्षप्रवेश होणार आहे.

यामुळे हिंगोली जिल्ह्यात मोठी राजकीय उलथापालथ होणार आहे. प्रज्ञा सातव मागील काही महिन्यापासून काँग्रेसवर नाराज होत्या. त्यामुळे लवकरच त्या काँग्रेसला सोडचिट्टी देऊन भाजपमध्ये प्रवेश करतील, अशी चर्चा सुरू होती. त्यानुसार आज त्यांनी सकाळी विधिमंडळ सचिवालयाकडे आपल्या आमदारकीचा राजीनामा सुपूर्द केला आहे.