पाकिस्तानी गँगस्टर शहजाद भट्टी याच्याविरोधात महाराष्ट्र दहशतवाद विरोधी पथकाने मोठी कारवाई सुरू केली असून राज्यातील विविध शहरांमध्ये एकाचवेळी धाडसत्र राबवण्यात आले आहे. सोशल मीडियाच्या माध्यमातून भारतातील तरुणांना आपल्या जाळ्यात ओढण्याचा प्रयत्न करणाऱ्या गँगस्टरविरोधात एटीएसने आक्रमक भूमिका घेतली आहे.
राज्यभरात उन्हाचा तडाखा दिवसेंदिवस वाढत असून अनेक भागांमध्ये उष्णतेची लाटेसदृश्य परिस्थिती निर्माण झाली आहे. विदर्भ, मराठवाडा आणि मध्य महाराष्ट्रातील काही जिल्ह्यांमध्ये तापमानाने ४० अंश सेल्सिअसचा टप्पा ओलांडला असून नागरिक हैराण झाले आहेत. या पार्श्वभूमीवर सर्वांचे लक्ष आता आगामी पावसाळ्याकडे लागले आहे. दरम्यान, भारतीय हवामानशास्त्र विभागाने (IMD) दिलेल्या ताज्या माहितीनुसार, दक्षिण बंगालचा उपसागर, अंदमान समुद्र तसेच अंदमान-निकोबार बेट परिसरात मोसमी पावसासाठी अनुकूल वातावरण तयार झाले असून या आठवड्याच्या अखेरीस नैऋत्य मोसमी पावसाचे अंदमानात आगमन होण्याची शक्यता आहे.
डॉकियार्ड रोड परिसरात आज (12 मे) संध्याकाळी एका अज्ञात हल्लेखोराने डी कंपनीचा हस्तक आसिफ दाढीच्या 38 वर्षीय मुलावर म्हणजे समीर शेखवर गोळीबार केला. सायंकाळी 6.15 च्या सुमारास घडलेल्या या घटनेमुळे शहरात पुन्हा एकदा टोळीयुद्ध आणि जुन्या वैमनस्यांच्या भीतीचे सावट पसरले आहे.
राष्ट्रवादी काँग्रेस अजित पवार गटाचे प्रदेशाध्यक्ष सुनील तटकरे यांनी राष्ट्रवादी काँग्रेस शरद पवार गटाचे अध्यक्ष शरद पवार यांची त्यांच्या ‘सिल्व्हर ओक’ निवासस्थानी भेट घेतल्याने राज्याच्या राजकीय वर्तुळात चर्चांना उधाण आले आहे. राष्ट्रवादी काँग्रेसमधील फुटीनंतर या दोन्ही नेत्यांमधील ही पहिलीच प्रत्यक्ष भेट मानली जात असून, तिच्या राजकीय अर्थांबाबत विविध तर्कवितर्कांना सुरुवात झाली आहे.
देशभरात खळबळ उडवून देणाऱ्या नीट (NEET-UG) पेपरफुटी प्रकरणात आता महाराष्ट्रातील नाशिक कनेक्शन समोर आल्याने तपास यंत्रणांची धावपळ वाढली आहे. या प्रकरणात नाशिकमधील इंदिरानगर परिसरातून ३० वर्षीय शुभम खैरनार या युवकाला ताब्यात घेण्यात आले असून, तो बीएएमएस (आयुर्वेद) शिक्षण घेत असल्याची माहिती पुढे आली आहे
संजय जाधव यांच्या भूमिकेनंतर पक्षप्रमुख उद्धव ठाकरे यांनी जिह्यातील शिवसेनेत मोठे बदल करण्यास सुरुवात केली आहे.परभणी जिल्हाप्रमुखांच्या बदलीनंतर आता जिल्ह्यातील विविध पदाधिकाऱ्यांच्या नियुक्त्या करण्यात आल्या आहेत.
राज्याचा राजकारणात पुन्हा निवडणूक रणधुमाळी पाहायला मिळू शकते.राज्यातील विधानपरिषदेच्या २८ जागांसाठी लवकरच निवडून प्रक्रिया पार पडू शकते.यामध्ये १३ मे रोजी कार्यकाळ संपणाऱ्या ९ सदस्यांचा जागांसह गेली अडीच वर्षांपासून रिक्त असलेल्या १७ जागांचा देखील समावेश आहे.
राज्यात बेकायदेशीरपणे सुरू असलेल्या अनधिकृत बाईक टॅक्सी सेवांविरोधात परिवहन विभागाने कठोर भूमिका घेतली असून, ओला, उबर आणि रॅपिडोसारख्या अनधिकृत बाईक टॅक्सी ॲप सेवा तात्काळ बंद करून संबंधित कंपनी मालकांवर FIR दाखल करण्याची मागणी परिवहन मंत्री प्रताप सरनाईक यांनी केली आहे.
महापालिकेकडून कचऱ्यावर प्रक्रिया करण्यासाठी उरुळी देवाची येथे ५०० मेट्रिक टन क्षमतेचा घनकचरा प्रकल्प उभारण्यात येणार आहे.पण निविदेच्या अटी आणि शर्ती निश्चित करताना दोन्ही प्रकल्प एकच ठेकदार चालवेल अशी अट टाकण्यात आली आहे.त्यामुळे हा निर्णय आता वादाच्या केंद्रस्थानी सापडला आहे.
राष्ट्रवादी अजित पवार गटाच्या नवीन राष्ट्रीय कार्यकारणीच्या यादीमुळे अनेक अंदाज बांधले जात आहेत.पक्षाकडून केंद्रीय निवडणूक आयोगाला देण्यात आलेल्या कार्यकारणीच्या यादीत पक्षातील अनेक मोठ्या नेत्यांचे नाव नसल्याचे पाहायला मिळत आहे.
पंतप्रधान नरेंद्र मोदी यांनी केलेल्या काटकसरीच्या आवाहनावर राष्ट्रवादी काॅंग्रेस शरद पवार गटाचे अध्यक्ष शरद पवार यांनी गंभीर चिंता व्यक्त करत सर्वपक्षीय बैठक बाेलावण्याची मागणी केली आहे.
स्टँडअप कॉमेडियन कुणाल कामरा यांच्या विडंबनात्मक गाण्याला पाठिंबा दिल्याप्रकरणी हक्कभंगाच्या सुनावणीला सामोऱ्या गेलेल्या शिवसेना (ठाकरे) उपनेत्या सुषमा अंधारे यांनी आपण उपमुख्यमंत्री एकनाथ शिंदे यांच्याविषयी कोणतेही विधान केले नसल्याचे स्पष्ट करत माफी मागण्यास नकार दिला. समिती जी शिक्षा देईल ती भोगण्यास तयार असल्याची भूमिकाही त्यांनी मांडली.