Author name: Bakhar Live

नाशिकमधील टीसीएस कंपनीतील धर्मांतराचा प्रयत्न तसेच लैंगिक अत्याचारप्रकरणी दाखल गुन्ह्यातील संशयित आरोपी निदा खान हिला आश्रय देणाऱ्या छत्रपती संभाजीनगर येथील एमआयएमचा नगरसेवक मतीन पटेल तसेच घरमालक हनिफ खान याची नाशिकमधील गुन्हे शाखेत पाच तास कसून चौकशी करण्यात आली. निदा खानच्या मावशीला घर भाड्याने दिले, निदा खान राहणार असल्याचे माहित नव्हते असा कांगावा मतीन पटेलने केला आहे.

मागील अनेक दिवसांपासून गोकुळ दूधसंघाच्या निवडणुकीवरून वातावरण तापलेले पाहायला मिळत आहे,आता पुन्हा एकदा गोकुळच्या निवडणुकांचा बिगुल वाजणार आहे.सहकार विभागाकडून निवडणूक प्रक्रिया अधिकृतरित्या सुरू करण्यात आली आहे.२ जून ते १ जुलै २०२६ या कालावधीत ठराव दखल करण्याची मुदत दुग्ध निबंधक यांच्याकडून देण्यात आली आहे.

आगामी चंद्रपूर-गडचिरोली-वर्धा स्थानिक स्वराज्य संस्था मतदारसंघाच्या विधान परिषद निवडणुकीत भाजपकडून उद्योगपती अरुण लखानी यांच्या नावाची जोरदार चर्चा सुरू झाली आहे. राष्ट्रवादी काँग्रेस शरद पवार गटाच्या खासदार सुप्रिया सुळे यांचे होणारे व्याही असलेले अरुण लखानी यांना भाजप उमेदवारी देण्याच्या हालचाली सुरू असल्याचे राजकीय वर्तुळात बोलले जात आहे.

विधानपरिषदेच्या निवडणुकीच्या पार्श्वभूमीवर सांगली आणि साताऱ्यातील राजकीय वातावरण चांगलेच तापले आहे. महाविकासआघाडी आणि महायुतीमध्ये सुरज निर्माण होण्याची शक्यता आहे. विधान परिषदेच्या निवडणुकीत महाविकासआघाडी कडून बाळासाहेब पाटील यांच्या नावाची चर्चा रंगली आहे.राष्ट्रवादी शरद पवार गटाचे नेते आणि महाविकास आघाडीमध्ये सकारात्मक चर्चा झाल्याचे सांगितले जात आहे.