विशेष प्रतिनिधी
नवी दिल्ली : Arvind Kejriwal आम आदमी पक्षाला (AAP) मिळणाऱ्या देणग्यांमध्ये एका वर्षात तब्बल तिपटीने वाढ झाल्याचे समोर आले आहे. निवडणूक आयोगाकडे (EC) सादर करण्यात आलेल्या माहितीनुसार, आर्थिक वर्ष 2023-24 मध्ये 11.06 कोटी रुपये देणग्या मिळालेल्या ‘आप’ला 2024-25 मध्ये तब्बल 38.1 कोटी रुपयांच्या देणग्या प्राप्त झाल्या आहेत.Arvind Kejriwal
या वाढलेल्या देणग्यांमध्ये प्रुडंट इलेक्टोरल ट्रस्टचा मोठा वाटा असून, या ट्रस्टने एकट्यानेच 16.4 कोटी रुपयांची देणगी दिली आहे. एकूण देणग्यांपैकी सुमारे 43 टक्के रक्कम प्रुडंट इलेक्टोरल ट्रस्टकडून आली आहे. या ट्रस्टला जिंदाल स्टील अँड पॉवर, मेघा इंजिनिअरिंग अँड इन्फ्रास्ट्रक्चर लिमिटेड, भारती एअरटेल, औरोबिंदो फार्मा आणि टॉरंट फार्मास्युटिकल्ससारख्या मोठ्या कॉर्पोरेट कंपन्यांचा निधी मिळतो.Arvind Kejriwal
प्रुडंट ट्रस्ट वगळता ‘आप’ला मिळालेल्या बहुतांश देणग्या खासगी व्यक्तींकडून आल्या आहेत. एकूण टॉप 100 देणगीदारांमध्ये केवळ चार संस्था, त्यात एका स्वयंसेवी संस्थेचा समावेश आहे, तर टॉप 300 देणगीदारांमध्ये केवळ आठ व्यावसायिक कंपन्या आहेत. 17 व्यावसायिक संस्थांकडून पक्षाला एकूण 90.3 लाख रुपये देणग्या मिळाल्या.
कर्नाटकस्थित भारथा स्वमुक्ती संस्था या धर्मादाय ट्रस्टने 30 लाख रुपयांची सर्वाधिक संस्थात्मक देणगी दिली आहे. अॅडव्हान्स केमिकल्सकडून 11 लाख रुपये, तर दिल्लीतील कुबेर पॉलीप्लास्टकडून 25 लाख रुपये देण्यात आले आहेत. औषध कंपन्या, कार डीलरशिप, चार्टर्ड अकाउंटंट, डायग्नोस्टिक लॅब, डिझाईन फर्म, सुरक्षा एजन्सी आणि टूर कंपनी यांच्याकडून 25 हजार ते 6 लाख रुपयांपर्यंत देणग्या मिळाल्या आहेत.
वैयक्तिक देणगीदारांमध्ये मुंबईचे तलपडी उमाशंकर शेन यांनी 37.74 लाख रुपयांची ऑनलाईन देणगी देत दुसरा क्रमांक पटकावला आहे. मंगळुरूचे मायकेल डी’सूझा यांनी 30 लाख रुपयांची देणगी दिली आहे.
पक्षाचे राष्ट्रीय संयोजक अरविंद केजरीवाल यांनी स्वतः 10 हजार रुपयांच्या 12 देणग्या दिल्या आहेत. पंजाबचे प्रदेशाध्यक्ष आणि मंत्री अमन अरोरा, माजी मुख्यमंत्री आतिशी मार्लेना, विधानसभा अध्यक्ष कुलतार सिंग संधवान, आरोग्यमंत्री बलबीर सिंग यांच्यासह अनेक नेत्यांनीही नियमित स्वरूपात देणग्या दिल्याचे अहवालात नमूद करण्यात आले आहे.
पंजाबमध्ये 2022 मध्ये सत्ता मिळाल्यानंतर 2023-24 मध्ये ‘आप’च्या देणग्यांमध्ये घट झाली होती. मात्र, 2024-25 मध्ये देणग्यांमध्ये झालेली ही मोठी वाढ राजकीय वर्तुळात चर्चेचा विषय ठरत आहे.
AAP Donations Triple in a Year; Prudent Electoral Trust Emerges as Biggest Funder
महत्वाच्या बातम्या
- Ajit Pawar : तिसऱ्या क्रमांकावर गेल्याने अजित पवारांची खेळी, काँग्रेसशी हातमिळवणीचा प्रयत्न
- मुंढवा भूखंड घोटाळा, शितल तेजवानी यांच्या पॉवर ऑफ अटॉर्नीवर पार्थ पवार यांच्या सह्या
- Rohit Pawar : धर्मनिरपेक्ष आणि समतेचा जप करणाऱ्या काँग्रेसची भाजपला मदत, रोहित पवार यांचा बी-टीम म्हणत काँग्रेसवर निशाणा
- Sanjay Raut : शिवसेना ठाकरे गट – मनसे युतीची घोषणा वाजत गाजत, संजय राऊत म्हणाले नाटक नसून प्रीतीसंगम
