विशेष प्रतिनिधी
नवी दिल्ली: केंद्रीय अर्थमंत्री निर्मला सीतारामन यांनी संसदेत अर्थसंकल्प 2026 सादर करताना देशाच्या पायाभूत सुविधा, पर्यावरणपूरक वाहतूक, कृषी आणि राज्यांच्या वित्तीय बळकटीकरणावर भर दिला. Budget 2026
अर्थमंत्र्यांनी सांगितले की, पर्यावरणपूरक प्रवासी वाहतूक व्यवस्थेला चालना देण्यासाठी देशात सात हाय स्पीड रेल्वे कॉरिडॉर विकसित करण्यात येणार आहेत. यामध्ये पुणे–मुंबई आणि पुणे–हैदराबाद हे महत्त्वाचे कॉरिडॉर समाविष्ट आहेत. हे कॉरिडॉर प्रमुख शहरांमधील ‘ग्रोथ कनेक्टर’ म्हणून काम करतील, प्रवासाचा वेळ कमी करतील आणि कार्बन उत्सर्जनात घट करतील.
अर्थसंकल्पीय भाषणात त्यांनी स्पष्ट केले की, रस्ते आणि हवाई वाहतुकीवरील ताण कमी करणे, स्वच्छ आणि कार्यक्षम प्रवासाचे पर्याय उपलब्ध करून देणे, तसेच देशभर संतुलित प्रादेशिक विकास घडवणे हा या योजनेचा उद्देश आहे.
याशिवाय, अर्थमंत्र्यांनी आर्थिक शिस्तीबाबत माहिती देताना सांगितले की, भारताचे कर्ज-ते-जीडीपी प्रमाण आर्थिक वर्ष 2027 मध्ये 55.6 टक्क्यांपर्यंत राहण्याचा अंदाज आहे. हे प्रमाण बाँड मार्केट आणि बँकिंग, एनबीएफसी, पायाभूत सुविधा क्षेत्रासाठी महत्त्वाचे मानले जाते.
राज्यांच्या विकासासाठी अर्थसंकल्पात मोठी तरतूद करण्यात आली आहे. वित्त आयोगाच्या शिफारशीनुसार राज्यांना सुमारे 1.4 ट्रिलियन डॉलरचे वाटप करण्यात येणार असून, याचा थेट फायदा पायाभूत सुविधा, भांडवली खर्च आणि राज्यांच्या आर्थिक स्थैर्यावर होणार आहे.
सार्वजनिक वाहतुकीला चालना देण्यासाठी 4,000 इलेक्ट्रिक बस तैनात करण्याची घोषणा देखील करण्यात आली. या निर्णयामुळे ईव्ही, बॅटरी, चार्जिंग इन्फ्रास्ट्रक्चर आणि सार्वजनिक वाहतूक क्षेत्राला मोठा दिलासा मिळणार आहे.
अर्थसंकल्प 2026 मध्ये इंटिग्रेटेड ईस्ट कोस्ट कॉरिडॉरची प्रस्तावना करण्यात आली असून, यामुळे कनेक्टिव्हिटी, लॉजिस्टिक्स आणि बंदर विकासाला चालना मिळेल. कृषी क्षेत्रातही सरकारने उच्च मूल्य पिके, किनारपट्टीवरील नारळ, काजू यांसारख्या पिकांना प्रोत्साहन देण्याची घोषणा केली आहे. तसेच चंदन लागवड आणि प्रक्रिया उद्योगासाठी राज्यांशी सहकार्य करण्याचा निर्णय जाहीर करण्यात आला.
Budget 2026: Nirmala Sitharaman Announces Pune–Mumbai, Pune–Hyderabad High-Speed Rail; Big Push for States, E-Buses and Infrastructure
महत्वाच्या बातम्या
- Supreme Court : यूजीसीच्या वादग्रस्त नव्या नियमांना सर्वोच्च न्यायालयाची स्थगिती
- दादा, तुम्ही आमच्यात नाहीत हे मन मान्यच करायला तयार नाही, प्रताप सरनाईक यांचे हृदयस्पर्शी पत्र
- सुनेत्रा पवार यांना राज्याचे उपमुख्यमंत्रीपद देण्याची नरहरी झिरवळ मागणी
- दारू आणि नियमभंग, अजित पवार यांच्या अपघाती मृत्यूमागे वैमानिकाचा धक्कादायक भूतकाळ
