विशेष प्रतिनिधी
पुणे : सतरा वर्षांच्या लांबलेल्या खटल्यानंतर आणि आठ वर्षांचा तुरुंगवास सहन केल्यानंतर, अखेर भारतीय लष्करातील अधिकारी प्रसाद श्रीकांत पुरोहित (Colonel Prasad Purohit) यांना न्याय मिळाला आहे. २००८ च्या मालेगाव बॉम्बस्फोट प्रकरणातील सर्व आरोपांतून निर्दोष सुटल्यानंतर त्यांना कर्नल पदावर बढती देण्यात आली आहे.
मुंबईतील विशेष एनआयए न्यायालयाने ३१ जुलै २०२५ रोजी निकाल देत म्हटले की, पुरोहित (Colonel Prasad Purohit) यांच्याविरुद्ध कोणतेही ठोस पुरावे सापडले नाहीत. बॉम्बस्फोटासाठी आरडीएक्स पुरवणे किंवा कट रचल्याचे आरोप न्यायालयाने फेटाळले. परिणामी, लेफ्टनंट कर्नल पुरोहित यांच्यासह सातही आरोपींना निर्दोष मुक्त करण्यात आले.
पुरोहित (Colonel Prasad Purohit) यांचा खटला १७ वर्षे प्रलंबित होता. जामीन मंजूर झाल्यानंतर त्यांना पुन्हा सेवेत रुजू करण्यात आले, मात्र या काळात त्यांनी सर्व बढतीच्या संधी गमावल्या. त्यांच्या काही सहकाऱ्यांना ब्रिगेडियर पदावर बढती मिळाली, पण पुरोहित लेफ्टनंट कर्नल पदावरच राहिले.
पुरोहित यांनी भावनिक होत न्यायालयात सांगितले होते की मी एक सैनिक आहे जो या देशावर निःशर्त प्रेम करतो. देश नेहमीच सर्वोच्च आहे. काही लोकांनी सत्तेचा गैरवापर केला, मी त्याचा बळी ठरलो. पण शेवटी न्याय मिळाला.”
पुरोहित यांच्या पत्नी अपर्णा यांनी प्रतिक्रिया देताना म्हटले की, “इतक्या वर्षांच्या संघर्षानंतर अखेर सत्याचा विजय झाला. आज आमचे आयुष्य पुन्हा नव्याने सुरू होणार आहे.”
लष्करी अधिकाऱ्यांनीही त्यांना पाठिंबा देत म्हटले की, “ते आता ५३ वर्षांचे असले तरी मनाने अजूनही २१ वर्षांचे आहेत.”
केंद्रीय मंत्री गिरीराज सिंह यांनी पुरोहित यांचे अभिनंदन करत त्यांना “देशासाठी निःस्वार्थपणे सेवा करणारे शूर सैनिक” म्हटले. भाजप प्रवक्ते प्रदीप भंडारी यांनी अधिक जोरकस भूमिका घेत, “काँग्रेस आणि राहुल गांधींच्या तुष्टीकरणाच्या राजकारणामुळे एका प्रामाणिक अधिकाऱ्याचे करिअर उद्ध्वस्त झाले,” असा आरोप केला.
Colonel Prasad Purohit promoted to Army rank after seventeen years of fighting
महत्वाच्या बातम्या
- Dhananjay Munde : मुंडे म्हणाले तसं, बंजारा आणि वंजारी एकच आहेत का?
- Jan Arogya Yojana : जनआरोग्य योजनेत आता २,३९९ आजारांवर उपचार, मुख्यमंत्र्यांच्या अध्यक्षतेखाली बैठकीत निर्णय
- Nana Patole : महाराष्ट्र कर्जबाजारी, सरकारने श्वेतपत्रिका काढण्याची नाना पटाेले यांची मागणी
- एनकाउन्टरच्या भीतीने बंडू आंदेकरचा मुलगा कृष्णा पाेलीसांना शरण!
