विशेष प्रतिनिधी
मुंबई : Sadabhau Khota : भाजपाचे आमदार गोपीचंद पडळकर यांनी राष्ट्रवादी काँग्रेस (शरद पवार गट) नेते जयंत पाटील यांच्यावर आक्षेपार्ह टीका करताना त्यांच्या वडिलांचा, राजारामबापू पाटील यांचा, अपमान केला. पडळकरांनी जयंत पाटील यांचा एकेरी उल्लेख करत त्यांना “बिनडोक” आणि “अक्कल नसलेला” असा उल्लेख केला. इतकेच नव्हे, तर त्यांनी जयंत पाटील हे राजारामबापू यांची औलाद नसावेत, असेही वादग्रस्त वक्तव्य केले. या वक्तव्यावरून राजकीय वर्तुळात खळबळ उडाली आहे.
सदाभाऊ खोत यांची प्रतिक्रिया: पडळकरांचे वक्तव्य चुकीचे
पडळकरांचे मित्र आणि आमदार सदाभाऊ खोत यांनी या वक्तव्यावर नाराजी व्यक्त केली. “गोपीचंद पडळकर यांनी राजारामबापू यांच्याबद्दल असे बोलणे चुकीचे होते. आपली लढाई राजारामबापू यांच्याशी नाही, तर त्यांच्या वारसांशी आहे,” असे खोत यांनी स्पष्ट केले. तसेच, “जाती-जातींमध्ये फूट पाडण्याचे पेटंट शरद पवार यांच्याकडे आहे. त्यांनीच समाजात दरी निर्माण केली,” असा टोला खोत यांनी पवारांना लगावला. पडळकर हे प्रस्थापितांविरोधात लढणारे नेते असून, त्यांना यामुळे त्रास दिला जात असल्याचेही खोत म्हणाले. “पडळकर हे दीर्घ पल्ल्याचे नेते आहेत,” असेही त्यांनी नमूद केले. तसेच, उपमुख्यमंत्री देवेंद्र फडणवीस यांनी कधीही कोणत्याही भाजपा नेत्याला अशा प्रकारे बोलण्यास प्रोत्साहन दिले नसल्याचे खोत यांनी सांगितले.
मुख्यमंत्री फडणवीस यांचा सल्ला: पडळकरांनी जपून बोलावे
मुख्यमंत्री देवेंद्र फडणवीस यांनी पडळकरांचे वक्तव्य चुकीचे असल्याचे सांगितले. “पडळकरांना याबाबत समज दिली आहे. ते तरुण नेते आहेत, त्यांना भविष्यात चांगल्या संधी मिळू शकतात. त्यांनी जपून बोलले पाहिजे,” असा सल्ला फडणवीस यांनी दिला. यापूर्वीही पडळकरांनी पवार कुटुंबीयांवर आक्षेपार्ह भाषेत टीका केली आहे. भाजपाच्या वरिष्ठ नेत्यांनी त्यांना वारंवार समज दिली असली, तरी ठोस कारवाई झाल्याचे दिसत नाही.
जयंत पाटील आणि पडळकर यांच्यातील वादाची पार्श्वभूमी
जयंत पाटील हे अनुभवी नेते असून, त्यांनी राज्यातील विविध खात्यांचे मंत्रिपद सांभाळताना आपल्या कामाचा ठसा उमटवला आहे. सांगलीच्या राजकारणात त्यांचे एकेकाळी वर्चस्व होते. मात्र, गेल्या विधानसभा निवडणुकीत त्यांच्या प्रभावाला तडा गेला. याच काळात पडळकर आणि पाटील यांच्यातील वाद टोकाला पोहोचला. पडळकरांनी जयंत पाटील यांच्यावर सातत्याने आक्षेपार्ह टीका केली आहे, आणि यावेळी त्यांनी वैयक्तिक पातळीवर टीका करताना सर्व मर्यादा ओलांडल्याचे दिसते.
या प्रकरणामुळे राजकीय वर्तुळात चर्चा तापली असून, पडळकरांच्या वक्तव्यावर पुढे काय कारवाई होणार, याकडे सर्वांचे लक्ष लागले आहे.
Our fight is with Rajaram Bapu’s heirs, Padalkar should not have said this, Sadabhau Khota’s reaction
महत्वाच्या बातम्या
- Dhananjay Munde : मुंडे म्हणाले तसं, बंजारा आणि वंजारी एकच आहेत का?
- Jan Arogya Yojana : जनआरोग्य योजनेत आता २,३९९ आजारांवर उपचार, मुख्यमंत्र्यांच्या अध्यक्षतेखाली बैठकीत निर्णय
- Nana Patole : महाराष्ट्र कर्जबाजारी, सरकारने श्वेतपत्रिका काढण्याची नाना पटाेले यांची मागणी
- एनकाउन्टरच्या भीतीने बंडू आंदेकरचा मुलगा कृष्णा पाेलीसांना शरण!
