विशेष प्रतिनिधी
नागपूर : विधानसभा निवडणुकीच्या काळात माजी गृहमंत्री आणि राष्ट्रवादीचे नेते अनिल देशमुख यांनी हल्ला झाल्याची नाैटंकी केली हाेती असा संशाय निर्माण झाला आहे. देशमुख यांच्यावर विधानसभा निवडणुकीदरम्यान झालेला हल्ला बनावट होता. न्यायवैद्यक चाचणीचा हवाला देत ग्रामीण पोलिसांनी प्रथम श्रेणी न्याय दंडाधिकारी न्यायालयात ‘बी समर’ अहवाल दाखल केला आहे. या हल्ल्याची तक्रार अनिल देशमुख यांनी केली होती.
१९ नोव्हेंबर २०२४ रोजी देशमुख त्यांच्या कारमध्ये बसून नरखेड येथून काटोलला जात होते. दरम्यान, बैलफाटा परिसरात चार जणांनी त्यांच्या कारवर दगडफेक केली. त्यामुळे देशमुख यांच्या कपाळाला गंभीर दुखापत झाली. त्यानंतर हल्लेखोर देशमुख यांच्या विरोधात आणि भाजपाचे उमेदवार चरणसिंग ठाकूर यांच्या समर्थनात नारे देत फरार झाले असा आरोप तक्रारीत करण्यात आला होता.
तपासा दरम्यान ग्रामीण पोलिसांना देशमुख यांच्या कारमध्ये दोन दगड मिळून आले. एक दगड बोनटवर, तर दुसरा दगड कारच्या आतमध्ये होता. ते दगड न्यायवैद्यक चाचणीसाठी पाठविण्यात आले. तसेच घटनेची पुनरावृत्ती करून पाहण्यात आली. त्यावरून हल्ल्याची घटनाच घडली नाही, असा निष्कर्ष काढण्यात आला आहे. देशमुख यांच्या कारला रिइनफोर्स काच लागली होती. सतत दगड मारल्यावरच ती काच तुटू शकते. तसेच देशमुख यांची जखम दगडामुळे झाली नाही. कारमधील दगड मागच्या काचेतून आत आला होता. तो दगड देशमुख यांच्या कपाळाला लागू शकत नाही, अशी माहिती सूत्रांनी दिली.
यावर अनिल देशमुख म्हणाले की, न्यायवैद्यक विभागाने स्पष्टपणे म्हटलं आहे की, काचेवर दगड फेकले गेले आणि त्या काचेचा तुकडा लागल्यामुळे कपाळावर जखम झाली. यात पोलिसांनी घेतलेली भूमिका संशयास्पद आहे. ही बी समरी आहे, सी समरी नाही. बी समरीचा अर्थ पोलिसांना आरोपी सापडले नाहीत. या घटनेला सुरुवातीपासून राजकीय रंग देण्याचा प्रयत्न केला गेला. आरोपी सापडले नाहीत म्हणून ए समरी रिपोर्ट सादर करायला हवा होता. फॉरेन्सिक रिपोर्टमध्ये अनिल देशमुखांच्या कारवर २ इसमांनी दगड मारल्याने जखमी झाल्याचे म्हटलं आहे. त्यामुळे आता फॉरेन्सिक रिपोर्टला धरून आम्ही पुढील कार्यवाही योग्य करू असं त्यांनी म्हटलं.
Police claim that Anil Deshmukh’s drama, attack during assembly elections was fake
महत्वाच्या बातम्या
- Dhananjay Munde : मुंडे म्हणाले तसं, बंजारा आणि वंजारी एकच आहेत का?
- Jan Arogya Yojana : जनआरोग्य योजनेत आता २,३९९ आजारांवर उपचार, मुख्यमंत्र्यांच्या अध्यक्षतेखाली बैठकीत निर्णय
- Nana Patole : महाराष्ट्र कर्जबाजारी, सरकारने श्वेतपत्रिका काढण्याची नाना पटाेले यांची मागणी
- एनकाउन्टरच्या भीतीने बंडू आंदेकरचा मुलगा कृष्णा पाेलीसांना शरण!
