विशेष प्रतिनिधी
ढाका: बांगलादेशच्या १३व्या राष्ट्रीय संसदीय निवडणुकीत बांग्लादेश नॅशनॅलिस्ट पार्टी अर्थात बीएनपीने मोठी आघाडी घेतली आहे. २९९ पैकी २०८ मतदारसंघांत आघाडीवर आहे. पक्षाने या निकालाला “जनतेचा प्रचंड कौल” असे संबोधत दोन-तृतीयांश बहुमत मिळण्याचा विश्वास व्यक्त केला आहे.13th general election
बीएनपीचे कार्याध्यक्ष तारीक रेहमान आणि महासचिव मिर्झा फकरूल इस्लाम अलमगीर यांनी आपापल्या मतदारसंघांत विजय मिळवल्याचा दावा पक्षाने केला आहे. याशिवाय पक्षातील अनेक वरिष्ठ नेत्यांनीही आघाडी कायम ठेवली आहे. बीएनपीने आपल्या समर्थकांना अधिकृत निकाल जाहीर होईपर्यंत विजय जल्लोष न करता प्रार्थना करण्याचे आवाहन केले आहे. 13th general election
दरम्यान, बांग्लादेश जमात ए इस्लामी आणि त्यांच्या मित्रपक्षांनी सुमारे ६० जागांवर आघाडी मिळवल्याचा दावा केला आहे. नव्याने उदयास आलेल्या नॅशॅनलिस्ट सिटीझन पार्टी या पक्षाने सहा जागांवर विजय निश्चित केल्याचे सांगितले आहे. 13th general election
बांगलादेशच्या निवडणूक आयोगाने अद्याप अंतिम निकाल जाहीर केलेले नाहीत. तीन मतदारसंघांतील निकाल न्यायालयीन प्रकरणे प्रलंबित असल्यामुळे स्थगित ठेवण्यात आले आहेत. मुख्य निवडणूक आयुक्तांनी मतदान प्रक्रिया शांततेत पार पडल्याचा दावा केला असला, तरी जमात-ए-इस्लामी आणि एनसीपीने ढाक्यातील काही भागांत अनियमितता झाल्याचा आरोप केला आहे. आयोगाने हे आरोप फेटाळून लावले आहेत. 13th general election
संसदीय निवडणुकीसोबतच प्रस्तावित “जुलै चार्टर” सुधारणांवर घेतलेल्या सार्वमताची मतमोजणीही सुरू आहे. या सुधारणांमध्ये निवडणूक पद्धतीतील पारदर्शकता, न्यायव्यवस्थेतील बदल आणि स्थानिक स्वराज्य संस्थांना अधिक अधिकार देण्याच्या तरतुदींचा समावेश असल्याचे सांगितले जाते. या सार्वमताचा निकाल नव्या सरकारच्या धोरणांवर महत्त्वाचा प्रभाव टाकू शकतो.
या निवडणुकीत बीएनपीला स्पष्ट बहुमत मिळाल्यास देशातील सत्तासमीकरणात मोठा बदल होण्याची शक्यता आहे. गेल्या काही वर्षांत राजकीय अस्थिरता, आर्थिक आव्हाने, चलनफुगवटा आणि बेरोजगारी या मुद्द्यांवरून सरकारवर टीका होत होती. या पार्श्वभूमीवर जनतेने बदलाचा कौल दिल्याचे बीएनपीचे म्हणणे आहे.
तथापि, अंतिम निकाल जाहीर होईपर्यंत अधिकृत स्थिती स्पष्ट होणार नाही. निवडणूक आयोगाकडून सर्व मतमोजणी पूर्ण झाल्यानंतरच नव्या सरकारची औपचारिक घोषणा होणार आहे. 13th general election
BNP leads in Bangladesh’s 13th general election; claims two-thirds majority
महत्वाच्या बातम्या
- काँग्रेसची गुलामगिरी करणाऱ्या राऊतांनी स्वाभिमानाची भाषा करू नये, नवनाथ बन यांचा घणाघात
- पुणे महापालिकेच्या हद्दीत २३ गावांचा समावेश ; ‘विशेष नियोजन प्राधिकरण’रद्द
- Shiv Sena : शिवसेना पक्ष आणि धनुष्यबाण चिन्ह कोणाचे? 18 फेब्रुवारी रोजी सर्वोच्च न्यायालयात सुनावणी
- Ajitdada Pawar : अजितदादा पवार मागासवर्गीय सक्षमीकरण अभियान’ राबविणार, राष्ट्रवादी काँग्रेसचा निर्धार
