विशेष प्रतिनिधी
तेहरान: पश्चिम अशियातील संघर्ष आणखी तीव्र झाला असून अमेरिका इस्रायलच्या संयुक्त हल्ल्यात इराणचे सर्वोच्च नेते अयातुल्ला अली खामेनेई यांचा मृत्यू झाल्यावर इराणने आक्रमक भूमिका घेतली आहे. कुवैत, अबूधाबीसह इतर देशांमध्येही हल्ले केले.Iran Turns Aggressive
इराणने अमेरिकन सैन्य तळांना टार्गेट करत हल्ले केले आहेत. इराण कुठल्याही स्थितीत माघार घेणार नाही अशी भूमिका त्यांच्या आक्रमक हल्ल्यातून दिसत आहे. इराणच्या जामकरान मशिदीवर लाल झेंडा फडकवण्यात आला आहे. इराण सातत्याने अमेरिकेच्या सैन्य तळांना टार्गेट करत आहे. इराणच्या हल्ल्यामुळे मध्य पूर्वेतील अनेक देशांनी त्यांचे एअरस्पेस बंद केले आहेत.इराणने सायप्रस येथील ब्रिटीश हवाई दलाच्या एअरबेसवर हल्ला केला आहे. सायप्रसचे राष्ट्रपती म्हणाले की, ब्रिटीश हवाई दलाचे अक्ट्रिटिरी एअरबेसवर शाहिद ड्रोनद्वारे हल्ला करण्यात आला आहे.Iran Turns Aggressive
या हल्ल्याने मध्य पूर्व आणि युरोपच्या सुरक्षेवरही गंभीर चिंता निर्माण झाली आहे. अक्ट्रिटिरी एअरबेस हा सायप्रसमध्ये बनवण्यात आला आहे. हा एअरबेस ब्रिटनच्या सर्वात महत्त्वपूर्ण सैन्य संपत्तींपैकी एक आहे. प्रादेशिक सुरक्षेच्या दृष्टीने ते अत्यंत महत्त्वाचे मानले जाते. तर दुसरीकडे अबू धाबी येथील फ्रान्सच्या नौदल तळावरही इराणने हल्ला केला आहे. या हल्ल्यात नौदल तळावरील एका हँगरचे मोठे नुकसान झाले अशी माहिती फ्रान्सच्या संरक्षणमंत्र्यांनी दिली आहे. त्याशिवाय इराणने डागलेल्या मिसाइल आणि ड्रोन हल्ले बहरीन येथे तैनात जवळपास ३०० ब्रिटीश सैन्य कर्मचाऱ्यांच्या जवळ झाले आहेत.Iran Turns Aggressive
हा हल्ला काहीच अंतरावर होता त्यामुळे ब्रिटीश सैन्याच्या सुरक्षेवर प्रश्नचिन्ह उभे राहिले असं ब्रिटीश संरक्षणमंत्री जॉन हीली यांनी म्हटलं आहे.दरम्यान, इराणकडून सातत्याने होणाऱ्या क्षेपणास्त्र आणि ड्रोन हल्ल्यांची गंभीर दखल घेत ब्रिटन, फ्रान्स आणि जर्मनी या देशांनी अमेरिकेसोबत मिळून काम करण्याची तयारी दर्शवली होती. इराणचे ‘बेजबाबदार’ मिसाईल, ड्रोन हल्ले रोखण्यासाठी आणि आपल्या नागरिकांच्या सुरक्षेसाठी हे तिन्ही देश अमेरिका इस्रायलसोबत इराणविरोधात सैन्य कारवाईत सहभागी होऊ शकतात असा इशारा तिन्ही देशांनी दिला होता. त्यानंतर इराणने फ्रान्स, ब्रिटन या देशांच्या सैन्य तळांवर हल्ला केला आहे.Iran Turns Aggressive
Red Flag Raised at Jamkaran Mosque; Iran Turns Aggressive, Launches Attacks on Kuwait and Abu Dhabi
महत्वाच्या बातम्या
- Israeli missile : इराणची राजधानी तेहरानवर इस्रायलचे क्षेपणास्त्र हल्ले
- जागतिक स्तरावरील संस्थांची मदत घ्या पण शंकांचे निरसन करा, सुनील तटकरे यांची विमान अपघाताबाबत मागणी
- पंकजा मुंडे यांच्या ब्रीफिंगला उपस्थित न राहिल्याने आयएएस अधिकाऱ्याचे निलंबन
- Amol Mitkari : त्यांचे काका गेलेत, त्यामुळे स्टंट म्हणू नका, रोहित पवारांच्या मदतीला अमोल मिटकरी
