आंतरराष्ट्रीय पातळीवर सुरू असलेल्या अमेरिका–इस्त्रायल–इराण संघर्षाचा परिणाम आता पुणे शहरावरही दिसू लागला आहे. गॅसच्या अपुऱ्या उपलब्धतेमुळे पुणे महानगरपालिकेच्या गॅसवर चालणाऱ्या दाहिन्या तात्पुरत्या बंद ठेवण्याचा निर्णय घेण्यात आला आहे.
देशातून नक्षलवाद पूर्णपणे संपवण्याच्या दिशेने मोठे पाऊल उचलले गेले आहे. तेलंगणाची राजधानी हैदराबाद येथे शनिवारी आयोजित विशेष कार्यक्रमात प्रतिबंधित नक्षलवादी संघटनेच्या तब्बल 130 नक्षलवाद्यांनी मुख्यमंत्री रेवंत रेड्डी यांच्या उपस्थितीत शस्त्रे खाली ठेवून आत्मसमर्पण केले. या घटनेमुळे नक्षलवादी चळवळीला मोठा धक्का बसल्याचे मानले जात आहे.
केंद्रीय सामाजिक न्याय राज्यमंत्री रामदास आठवले यांच्या राज्यसभा उमेदवारीवरून भाजपमध्ये काहीसा संभ्रम निर्माण झाला होता. मात्र केंद्रीय संरक्षण मंत्री राजनाथ सिंह यांच्या हस्तक्षेपामुळे अखेर आठवले यांची राज्यसभा उमेदवारी पुन्हा निश्चित झाल्याची माहिती सूत्रांनी दिली आहे.
माजी उपमुख्यमंत्री अजित पवार यांच्या विमान अपघात प्रकरणाचे पडसाद अजूनही राज्याच्या राजकारणात उमटताना दिसत आहेत. आता या प्रकरणात आमदार रोहित पवार यांनी थेट माजी केंद्रीय नागरी उड्डाण मंत्री प्रफुल पटेल यांनाच लक्ष्य करत गंभीर प्रश्न उपस्थित केले आहेत. सोशल मीडियावर पोस्ट करत रोहित पवार यांनी प्रफुल पटेल यांना खळबळजनक सवाल विचारला आहे.
राष्ट्रवादी काँग्रेस शरदचंद्र पवार पक्षाचे आमदार रोहित पवार यांनी उपमुख्यमंत्री अजित पवार यांच्या विमान दुर्घटनेप्रकरणी संशय व्यक्त करत राज्यात राजकीय वातावरण तापवले आहे. हा अपघात नसून घातपात असू शकतो, असा संशय त्यांनी व्यक्त केला असून या संदर्भात काही तांत्रिक बाबी आणि पुरावेही त्यांनी समोर आणले आहेत. दरम्यान, भाजप युवा मोर्चाच्या एका पदाधिकाऱ्याने या प्रकरणाला वेगळे वळण देत अपघातासाठी रोहित पवार यांच्या साखर कारखान्यालाच जबाबदार ठरवले आहे.
इराण आणि इस्रायल-अमेरिका यांच्यात सुरू असलेल्या तीव्र लष्करी संघर्षाच्या पार्श्वभूमीवर ज्येष्ठ समाजसेवक अण्णा हजारे यांनी पंतप्रधान नरेंद्र मोदी यांना पत्र लिहून जागतिक शांततेसाठी भारताने पुढाकार घ्यावा, असे आवाहन केले आहे. मध्यपूर्वेत वाढत चाललेल्या तणावामुळे जगभरात चिंतेचे वातावरण निर्माण झाले असून मानवतेसमोर मोठा धोका उभा राहिल्याचे अण्णांनी पत्रात नमूद केले आहे.
जागतिक महिला दिनानिमित्त महाराष्ट्र राज्य महिला आयोगाच्या वतीने महिलांच्या तक्रारींसाठी पोर्टलचे अनावरण करण्यात आले. एका क्लिकवर तक्रार नोंदवता येणार असल्याची माहिती उपमुख्यमंत्री सुनेत्रा पवार यांनी दिली.
ठाणे जिल्ह्यातील मुंब्रा परिसरात सोशल मीडिया इन्फ्ल्युएन्सर नदीम मोइनुद्दीन खान उर्फ बाबा खान यांच्या घराबाहेर शनिवारी पहाटे गोळीबार झाल्याची धक्कादायक घटना घडली. अज्ञात हल्लेखोरांनी त्यांच्या घरासमोर उभ्या असलेल्या कारवर तसेच हवेत गोळ्या झाडल्यामुळे परिसरात काही काळ भीतीचे वातावरण निर्माण झाले.
नांदेड येथील एका वैद्यकीय महाविद्यालयात बीएचएमएसचे शिक्षण घेणाऱ्या एका विद्यार्थिनीने खासगी वसतिगृहात गळफास घेऊन आत्महत्या केली. याप्रकरणी पोलिसांनी या प्रकरणी अजित पवार गट राष्ट्रवादी काँग्रेसचे प्रदेश सचिव जीवन घोगरे पाटील यांच्यावर आत्महत्येस प्रवृत्त केल्याचा गुन्ह्यासह अॅट्रोसिटी कायद्यांतर्गत गुन्हा दाखल करण्यात आला आहे.
अमेरिका, इस्रायल आणि इराण यांच्यात सुरू युद्धाच्या पार्श्वभूमीवर देशभरात घरगुती तसेच व्यावसायिक गॅस सिलिंडरच्या दरात वाढ करण्यात आली आहे. नवीन दर शनिवार, 7 मार्चपासून लागू करण्यात आले आहेत.
राज्य सरकारने सादर केलेल्या २०२६-२७ च्या अर्थसंकल्पावर माजी मुख्यमंत्री उद्धव ठाकरे यांनी तीव्र टीका केली आहे. राज्याची आर्थिक परिस्थिती सर्वांनाच माहीत असताना हा अर्थसंकल्प म्हणजे कर्ज काढून फटाके वाजवण्यासारखा असल्याचे त्यांनी म्हटले. हा अर्थसंकल्प केवळ विकासाचे मृगजळ दाखवणारा असून सर्वसामान्यांच्या आयुष्यात यातून काय बदल होणार आहे, हे लवकरच स्पष्ट होईल, अशी प्रतिक्रिया त्यांनी शुक्रवारी दिली.
राज्य सरकारने २०२६-२७ च्या अर्थसंकल्पात मुंबई महानगर प्रदेशाच्या सर्वांगीण विकासासाठी महत्त्वाकांक्षी उद्दिष्टे निश्चित केली आहेत. त्यानुसार पुढील चार वर्षांत, म्हणजेच सन २०३० पर्यंत मुंबई महानगर प्रदेशाची अर्थव्यवस्था सध्याच्या सुमारे १४० अब्ज डॉलरवरून ३०० अब्ज डॉलरपर्यंत नेण्याचे लक्ष्य ठेवण्यात आले आहे. मुख्यमंत्री देवेंद्र फडणवीस यांनी अर्थसंकल्प सादर करताना याची माहिती दिली.