ऐतिहासिक किल्ले सिंहगडावर आज दुपारी पर्यटनाचा आनंद लुटण्यासाठी आलेल्या पर्यटकांवर मधमाशांनी अचानक हल्ला चढवला. या भीषण घटनेत एका दीड वर्षाच्या बालकासह अनेक पर्यटक जखमी झाले असून, परिसरात एकच खळबळ उडाली आहे. जखमींना तातडीने रुग्णालयात हलवण्यात आले असून सध्या आपत्ती व्यवस्थापन पथक गडावर तैनात आहे.
पुणे महानगरपालिकेच्या (PMC) स्वीकृत नगरसेवक पदासाठी भारतीय जनता पक्षाने (BJP) सात नावांची निश्चिती केली आहे. या पदासाठी सुमारे ४०० इच्छुकांनी पक्षाकडे अर्ज दिले होते. त्यात या सात जणांची निवड करण्यात आली आहे.
महाराष्ट्र नवनिर्माण सेनेचा २० वा वर्धापनदिन ९ मार्च २०२६ रोजी साजरा होत असून, या निमित्ताने पक्षप्रमुख राज ठाकरे यांनी महाराष्ट्र सैनिकांना विशेष संदेश दिला आहे. या संदेशात त्यांनी १० मार्चपासून राज्यभर सदस्य नोंदणी मोहीम सुरू करण्याची घोषणा केली आहे.
विदर्भातील अकोला येथे रविवारी देशातील सर्वाधिक तापमानाची नोंद झाली आहे. अकोल्यात तब्बल ४०.९ अंश सेल्सिअस तापमान नोंदवले गेले असून अकोला, अमरावती आणि वर्धा जिल्ह्यांमध्ये उष्णतेच्या लाटेसारखी स्थिती निर्माण झाली आहे. पुढील दोन दिवस विदर्भ, मराठवाडा आणि मध्य महाराष्ट्रातील काही भागांत उष्णतेची लाट येण्याची शक्यता हवामान विभागाने व्यक्त केली आहे.
अजितदादांचा हा मृत्यू अपघात होता की घातपात, याबाबत महाराष्ट्रातील ९९ टक्के जनतेच्या मनात संशयाची पाल चुकचुकत आहे. या प्रकरणाची सीबीआय (CBI) चौकशी करण्याची मागणी रासप’चे संस्थापक अध्यक्ष महादेव जानकर यांनी केली आहे.
इराण विरुद्ध इस्त्रायल – अमेरिका युद्धामुळे राज्यात इंधन तुटवडा निर्माण झाला नाही असे मुख्यमंत्री देवेंद्र फडणवीस यांनी स्पष्ट केले आहे.
जगभरातील क्रिकेट चाहत्यांच्या नजरा लागलेल्या टी-२० विश्वचषक २०२६ च्या अंतिम सामन्यात भारताने न्यूझीलंडवर ९६ धावांनी दणदणीत विजय मिळवला आहे. अहमदाबादच्या नरेंद्र मोदी स्टेडियमवर रंगलेल्या या थरारक लढतीत भारताने सलग दुसऱ्यांदा विश्वविजेतेपदावर आपले नाव कोरून नवा इतिहास रचला आहे.
राज्यातील मुलींच्या सुरक्षिततेसाठी आणि आत्मविश्वास वाढवण्यासाठी जून महिन्यापासून शाळा आणि महाविद्यालयांमध्ये स्वसंरक्षणाचे प्रशिक्षण देण्याचा निर्णय घेण्यात येणार असल्याची घोषणा उच्च व तंत्र शिक्षण मंत्री चंद्रकांत पाटील यांनी केली. या प्रशिक्षणामध्ये लाठी-काठी आणि कराटे यांसारख्या स्वसंरक्षणाच्या तंत्रांचा समावेश असणार आहे.
पुणे मेट्रोत प्रवाशांची वाढती संख्या लक्षात घेऊन पुणे मेट्रोने ८ मार्चपासून सर्व गाड्यांमध्ये महिला आणि ज्येष्ठ नागरिकांसाठी विशेष आसन व्यवस्था (Reserved Seats) लागू केली आहे. विशेष म्हणजे, ही व्यवस्था केवळ एका डब्यापुरती मर्यादित नसून संपूर्ण मेट्रोमध्ये विभागलेली आहे.
उपमुख्यमंत्री अजित पवार यांच्या अपघाती निधनानंतर आता अजित पवार कुटुंबातील सदस्य प्रथमच जाहीरपणे आपली भूमिका मांडणार आहेत. अजितदादांचे सुपुत्र जय पवार उद्या (9 मे तारीख) पत्रकार परिषद घेणार आहेत. यापूर्वी जय पवार यांनी सोशल मीडियाच्या माध्यमातून आपली नाराजी व्यक्त केली होती, आता ते प्रत्यक्ष माध्यमांसमोर येत आहेत.
क्रिकेटसह इतर अनेक खेळांमध्येही उज्वल भविष्य असून पालकांनी मुलांना विविध खेळांमध्ये सहभागी होण्यासाठी प्रोत्साहित केले पाहिजे, असे आवाहन केंद्रीय युवक कल्याण व क्रीडा राज्यमंत्री रक्षा खडसे यांनी केले.
दिवंगत उपमुख्यमंत्री अजित पवार यांच्या विमान अपघाताबाबत राजकीय फायदा मिळवण्यासाठी कोणीही अशा प्रकारची व्हल्गर विधाने करू नये असे जलसंपदा मंत्री गिरीश महाजन यांनी राष्ट्रवादी काँग्रेस शरद पवार गटाचे आमदार रोहित पवार यांना सुनावले आहे.