शिवजयंतीच्या महापर्वाच्या पार्श्वभूमीवर राज्याच्या महसूल विभागाकडून महत्त्वाकांक्षी उपक्रमाची घोषणा करण्यात आली आहे. महसूलमंत्री चंद्रशेखर बावनकुळे यांनी ‘छत्रपती शिवाजी महाराज महाराजस्व अभियान’ जाहीर करत राज्यातील सर्वसामान्य नागरिकांना महसूल विभागाच्या १५ महत्त्वाच्या सेवा एका दिवसात उपलब्ध करून देण्याचा निर्णय जाहीर केला.
विलीनीकरण झालं सुद्धा नाही, त्या अगोदर कोणत्या पदावर कोण बसणार हे सुद्धा ठरवून टाकलं होतं. त्याच्यामध्ये उपमुख्यमंत्री कोण होणार हे देखील ठरलं असेल. राष्ट्रीय अध्यक्ष कोण होणार हेदेखील ठरले असेल. कोणी काही सांगितलं तर आपण त्याच्यावर काय बोलणार, अशा शब्दांत राष्ट्रवादी काँग्रेस अजित पवार गटाचे नेते आणि मंत्री छगन भुजबळ यांनी शरद पवार गटाचे आमदार रोहित पवार यांची खिल्ली उडवली.
महाराष्ट्रातील शिवरायांचे सर्व किल्ले अतिक्रमणमुक्त करण्याची घोषणा करण्यात आली होती. त्या निर्णयाची अंमलबजावणी सुरू असून पुणे जिल्ह्यातील सर्व किल्ले आता अतिक्रमणमुक्त झाले आहेत. एकाही किल्ल्यावर आता अतिक्रमण नाही. हा निर्णय अजितदादांच्या इच्छेनुसार पूर्ण झाल्याचे मुख्यमंत्री देवेंद्र फडणवीस यांनी सांगितले.
पुणे जिल्ह्यातील जुन्नर येथील किल्ले शिवनेरीवर शिवजयंतीच्या सोहळ्याला आज गालबोट लागले. शिवरायांच्या जन्मस्थानी दर्शनासाठी राज्याच्या कानाकोपऱ्यातून आलेल्या हजारो शिवभक्तांच्या गर्दीवर नियंत्रण मिळवण्यात प्रशासनाला अपयश आल्याने गडावर चेंगराचेंगरी सदृश परिस्थिती निर्माण झाली. या गोंधळात तीन जण जखमी झाले असून, त्यांच्यावर स्थानिक रुग्णालयात उपचार सुरू आहेत. मात्र चेंगराचेंगरी झाली नाही असे पुणे जिल्हा पोलीस अधीक्षक संदिपसिंह गिल यांच्याकडून सांगण्यात आले.
चार वर्षांच्या प्रतीक्षेनंतर पार पडलेल्या पुणे महापालिका निवडणुकीत भारतीय जनता पार्टीने एकहाती सत्ता मिळवत ११९ जागांवर विजय संपादन केला. मात्र, या विजयाच्या उत्साहावर आता न्यायालयीन प्रक्रियेचे सावट पडण्याची शक्यता निर्माण झाली आहे. महापालिकेतील २४ नवनिर्वाचित नगरसेवकांविरोधात अपात्रतेबाबत लघुवाद न्यायालयात याचिका दाखल झाल्याने या नगरसेवकांना न्यायालयीन खेटे मारावे लागणार आहेत. परिणामी, नव्या सभागृहातील काही सदस्यांचे नगरसेवकपद धोक्यात येण्याची चर्चा राजकीय वर्तुळात सुरू झाली आहे.
पहलगाम दहशतवादी हल्ल्यातील पीडित जगदाळे कुटुंबातील प्रगती जगदाळे व त्यांची कन्या आसावरी जगदाळे यांच्यासमवेत राज्यसभा खासदार प्रा. डॉ. मेधा कुलकर्णी यांनी मुंबईत राज्याचे उपमुख्यमंत्री एकनाथ शिंदे व महसूलमंत्री चंद्रशेखर बावनकुळे यांची भेट घेऊन आसावरी यांना शासकीय सेवेत समाविष्ट करण्याबाबत सविस्तर चर्चा केली.
विमान अपघातात ब्लॅक बॉक्स इतक्या सहजासहजी नष्ट होऊ शकत नाहीत. या घटनेचे गांभीर्य ओळखून व्हीएसआर कंपनीच्या विमान उड्डाणांवर तात्काळ बंदी घालावी अशी मागणी दिवंगत उपमुख्यमंत्री अजित पवार यांचे पुत्र जय पवार यांनी केली आहे.
काँग्रेस पक्ष राज्यात आगामी वर्ष संघटन बांधणीवर भर देत गावपातळीपर्यंत नियुक्त्या करण्याबरोबर सेल, विभाग, सेवादलही मजबूत करणार आहे. केंद्र व राज्यातील भाजपा सरकार विकासाच्या नावावर केवळ राजकारण करत असून शेतकऱ्यांचे प्रश्न गंभीर आहेत, आमहत्या वाढल्या आहेत. बेरोजगारी वाढली आहे, महिला अत्याचाराचे प्रमाण वाढले असून कायदा सुव्यवस्थेचा प्रश्न गंभीर बनला आहे. जनतेचे हे प्रश्न हाती घेऊन काँग्रेस पक्ष विविध आंदोलने व मोर्चांच्या माध्यमातून सरकारला जाब विचारेल, असा इशारा काँग्रेसचे महाराष्ट्र प्रभारी रमेश चेन्नीथला यांनी दिला.
महाराष्ट्र नवनिर्माण सेनेचे अध्यक्ष राज ठाकरे यांनी बुधवारी राज्याचे उपमुख्यमंत्री आणि शिवसेना शिंदे गटाचे प्रमुख एकनाथ शिंदे यांची भेट घेतली. शिंदे यांच्या नंदनवन बंगल्यावर झालेल्या या भेटीमुळे राजकीय वर्तुळात चर्चांना उधाण आलं आहे.
अखेर मुंबई महापालिकेच्या स्थायी समिती अध्यक्षपदी भाजपचे ज्येष्ठ नगरसेवक प्रभाकर शिंदे यांच्या नावाची अधिकृत घोषणा करण्यात आली आहे. शिंदे आज आपला उमेदवारी अर्ज दाखल करणार असून, त्यांच्या निवडीची औपचारिकता पूर्ण होण्याची शक्यता आहे.
राज्यातील भाजपा महायुती सरकारने मुस्लीम समाजाला देण्यात आलेले ५ टक्के शैक्षणिक व नोकरीतील आरक्षण रद्द करण्याचा घेतलेला निर्णय अत्यंत चुकीचा व अल्पसंख्याक समाजावर अन्याय करणारा आहे. आरक्षण रद्द करुन भाजपा सरकारने अल्पसंख्याक समाजाला विकासाच्या प्रवाहात येण्यापासून रोखण्याचे पाप केले असून भाजपा सरकार मागासवर्गीय व अल्पसंख्याक समाजाच्या विरोधी आहे, असे माजी मंत्री व काँग्रेस वर्किंग कमिटीचे सदस्य नसीम खान यांनी म्हटले आहे.
अजितदादा गेले याचे दु:ख सत्तेतला माणसांना नाही परंतु व्हीएसआर ( VSR) कंपनीच्या मालकाला वाचवण्यासाठी धडपड सुरू आहे. काही लोक मुद्दामाहून यात राजकारण आणतायेत, गुंतवणूकदार कोण आहेत हेदेखील आम्हाला माहिती आहे. १००-२०० कोटींसाठी तपासात हस्तक्षेप करण्याचं काम करू नका कारण आमचा काका या अपघातात गेला आहे, असा संताप राष्ट्रवादी काॅंग्रेस शरद पवार गटाचे आमदार व दिवंगत उपमुख्यमंत्री अजित पवार यांचे पुतणे राेहित पवार यांनी व्यक्त केला.