लातूर जिल्ह्यातील निलंगा तालुक्यातील तांबाळा जिल्हा परिषद गटातून काँग्रेसकडून उमेदवारी मिळालेल्या अंजना सुनील चौधरी यांच्या कथित अपहरणाची तक्रार २५ जानेवारी रोजी काँग्रेस जिल्हाध्यक्षांकडून पोलिसांत दाखल करण्यात आली होती. या प्रकरणामुळे तालुक्यासह जिल्ह्याच्या राजकारणात मोठी चर्चा सुरू होती.
महाराष्ट्राच्या राजकारणाला हादरवून टाकणारी धक्कादायक घटना आज सकाळी घडली. राज्याचे उपमुख्यमंत्री आणि राष्ट्रवादी काँग्रेसचे अध्यक्ष अजित पवार यांच्या विशेष विमानाचा बारामती विमानतळावर लँडिंगदरम्यान भीषण अपघात झाला. या दुर्घटनेत अजित पवार यांच्यासह विमानातील एकूण सहा जणांचा जागीच मृत्यू झाला आहे.
मुख्यमंत्री माझी लाडकी बहीण योजनेतील लाभार्थी महिलांना ई-केवायसी लागू केल्याने त्याचा फटका जवळपास 45 लाख बहिणींना बसला आहे. धक्कादायक म्हणजे ई-केवायसी केल्यानंतरही 26 लाख महिलांच्या खात्यात पैसे जमा झाले नसल्याने मोठा गोंधळ उडाला आहे. आता या 26 लाख महिलांनी ऑनलाइन भरलेल्या माहितीची पडताळणी होणार असून याची जबाबदारी अंगणवाडी सेविकांवर सोपविण्यात आली आहे.
छत्रपती शिवाजी महाराज आंतरराष्ट्रीय विमानतळ ते नवी मुंबई आंतरराष्ट्रीय विमानतळ दरम्यान मेट्रो मार्गिका ८ च्या ३५ किलोमीटरच्या जोडणीस मुख्यमंत्री देवेंद्र फडणवीस यांच्या अध्यक्षतेखाली मंत्रालयात आयोजित मंत्रिमंडळ पायाभूत सुविधा समितीच्या बैठकीत मान्यता देण्यात आली
राज्यात सध्या सुरू असलेल्या जिल्हा परिषद आणि पंचायत समिती निवडणुकीच्या रणधुमाळीचा परिणाम मंगळवारी मंत्रिमंडळ बैठकीवर दिसला. मुख्यमंत्री देवेंद्र फडणवीस यांच्या अध्यक्षतेखाली मंगळवारी झालेल्या मंत्रिमंडळ बैठकीला तब्बल उपमुख्यमंत्री एकनाथ शिंदे यांच्यासह 12 कॅबिनेट मंत्री गैरहजर होते. महत्त्वाचे म्हणजे उपमुख्यमंत्री एकनाथ शिंदे हे सलग दोन मंत्रिमंडळ बैठकांना उपस्थित राहिले नाहीत. आजच्या मंत्रिमंडळाच्या बैठकीत शिवसेना शिंदे गटाचे 6, अजित पवार गटाचे 5 तसेच भाजपचे 1 मंत्री गैरहजर होते.
भाषणात नाव घेण्याचे अनावधानाने राहिले असेल, पण त्यावरून एवढा गदारोळ कशासाठी? मी याबद्दल दिलगिरी देखील व्यक्त केली असल्याचे मंत्री गिरीश महाजन यांनी म्हटले आहे.
कल्याण-डोंबिवलीतील शिवसेना ठाकरे गटाचे पदाधिकारी रमेश तिखे यांचा हृदयविकाराच्या झटक्याने झालेला मृत्यू पोलिस चौकशीच्या तणावातून झाल्याचा गंभीर आरोप ठाकरे गटाच्या कार्यकर्त्यांनी केला आहे. या प्रकरणाची पार्श्वभूमी अशी की, माजी नगरसेवक मधुर म्हात्रे आणि कीर्ती ढोणे बेपत्ता असल्याची तक्रार ठाकरे गटानेच कोळशेवाडी पोलिस ठाण्यात दिली होती व तसे पोस्टर्सही शहरात लावले होते. मात्र मधुर म्हात्रे यांनी स्वतः समोर येत हे पोस्टर लावणाऱ्या पदाधिकाऱ्यांविरुद्ध गुन्हा दाखल केला. याच प्रकरणात पोलिसांनी रमेश तिखे यांना चौकशीसाठी फोन करून बोलावल्याने त्यांना धक्का बसला आणि त्यातच त्यांचा मृत्यू झाल्याचा दावा केला जात असून, यावरून स्थानिक राजकारण चांगलेच तापले आहे.
लाडक्या बहिणींना 2100 रुपये योग्य वेळी देण्याचा शब्द पाळणार आहे. मी बोलतो ते करून दाखवतो असे म्हणत ‘एक बार मैंने कमिटमेन्ट करदी तो मैं खुदकी भी नही सुनता’, असे उपमुख्यमंत्री एकनाथ शिंदे यांनी सांगितले.
कोणताही रंग कुणाच्या बापाचा नाही. सगळे रंग हे निसर्गाच्या बापाचे आहेत, अशी संतप्त प्रतिक्रिया अभिनेते सयाजी शिंदे यांनी एमआयएमच्या नगरसेविका सहर शेख यांच्या मुंब्रा हिरवा करण्याच्या विधानावर दिला आहे.
कल्याण-डोंबिवली महानगरपालिकेत सत्तेच्या चाव्या कुणाकडे जाणार याची चर्चा सुरू असतानाच, नगरसेवकांच्या पळवापळवीच्या संशयाने राजकीय वातावरण तापले आहे. ठाकरे गटाचे ११ उमेदवार निवडणुकीत विजयी झाले आहेत, मात्र त्यापैकी चार नगरसेवक १६ जानेवारीपासून बेपत्ता असल्याने खळबळ उडाली आहे. या प्रकरणावरून आता ठाकरे गट आक्रमक झाला असून कल्याण पूर्व परिसरात या नगरसेवकांचे “हरवले आहेत” अशा आशयाचे पोस्टर झळकवण्यात आले आहेत.
नक्षलप्रभावित आणि अतिदुर्गम भागात जीव धोक्यात घालून सेवा बजावणाऱ्या गडचिरोली पोलिस दलाच्या 31 अधिकारी व अंमलदारांना राष्ट्रपतींचे पोलिस शौर्य पदक जाहीर झाले आहे. देशभरात जाहीर झालेल्या एकूण 121 शौर्य पदकांपैकी 31 पदके एकट्या गडचिरोली जिल्ह्यातील जवानांना मिळाल्याने राज्यभरातून कौतुकाचा वर्षाव होत आहे.
शिवसेना शिंदे गटाचे नेते आमदार विजय शिवतारे यांनी उपमुख्यमंत्री अजित पवार आणि राष्ट्रवादी काँग्रेसचे अध्यक्ष शरद पवार यांच्यावर केलेल्या टीकेनंतर आमदार रोहित पवार यांनी जोरदार पलटवार केला आहे. “आधी स्वतःची पात्रता तपासा आणि जिभेला लगाम लावा. अन्यथा ‘मिठू, मिठू’ बोलणाऱ्यांचं काय होतं, याचा अनुभव तुम्हाला आहे,” असा थेट इशारा रोहित पवार यांनी दिला.