विशेष प्रतिनिधी
नागपूर :- नागपूर शहरात पोलिसांवर होणारे वाढते हल्ले आणि कायदा-सुव्यवस्थेचा प्रश्न लक्षात घेता, नागपूरचे पोलीस आयुक्त विश्वास नांगरे पाटील Vishwas Nangare Patil यांनी एक अत्यंत मोठा निर्णय घेतला आहे. नागपूर शहरातील वाहतूक पोलिसांसह सर्व पोलीस अधिकारी आणि कर्मचाऱ्यांना आता कर्तव्यावर असताना ‘सर्व्हिस गन’ म्हणजेच पिस्तूल बाळगणे बंधनकारक करण्यात आले आहे. या संदर्भातील अधिकृत आदेश गुरुवारी (दि. 16) संपूर्ण पोलीस दलाला देण्यात आले आहेत.
गुन्हेगारांमध्ये कायद्याचा धाक निर्माण करण्याचा उद्देश
शहरातील विविध चौकांमध्ये होणारी नाकाबंदी, विशेष तपासणी मोहीम आणि ड्रंक अँड ड्राईव्ह कारवाई दरम्यान वाहतूक पोलिसांना अनेकदा स्थानिक गुन्हेगार, संशयित किंवा नियम मोडणाऱ्या लोकांच्या रोषाला सामोरे जावे लागते. अनेकदा पोलिसांवर जीवघेणे हल्ले किंवा धक्काबुक्कीच्या घटना घडल्या आहेत. याप्रकरणात पोलिसांनी स्वतःच्या आत्मसंरक्षणासाठी आणि आपत्कालीन परिस्थितीत तातडीने प्रतिसाद देण्यासाठी हे शस्त्र बाळगणे अनिवार्य केले आहे. पोलिसांना आता काठीसोबतच शस्त्र सोबत ठेवावे लागणार आहे.
केवळ रस्त्यावरील वाहतूक पोलिसांनाच नव्हे, तर नागपूर पोलीस दलातील वरिष्ठ पोलीस निरीक्षक, सहाय्यक पोलीस आयुक्त आणि पोलीस उपायुक्त यांनाही त्यांची अधिकृत सर्व्हिस रिव्हॉल्व्हर किंवा पिस्तूल नेहमी सोबत ठेवण्याचे आदेश दोन दिवसांपूर्वीच देण्यात आले आहेत. पोलिसांची सुरक्षितता वाढवणे आणि गुन्हेगारांमध्ये कायद्याचा धाक निर्माण करणे हा या आदेशामागील मुख्य हेतू आहे.
विशेष म्हणजे, दोन दिवसांपूर्वीच पोलीस आयुक्तांनी वाहतूक शाखेतील सर्व कर्मचाऱ्यांना ड्युटी दरम्यान अत्यंत शिस्तबद्ध राहण्याचे आदेश दिले होते. स्वच्छ गणवेश, उत्तम वर्तन आणि नागरिकांशी सौजन्यपूर्ण संवाद साधण्यावर त्यांनी भर दिला होता. आता शिस्तीनंतर थेट सुरक्षेसाठी शस्त्र बाळगण्याचा निर्णय झाल्याने नागपूर पोलिसांची तत्परता आणखी वाढणार असल्याचं दिसून येत आहे.Vishwas Nangare Pati
Nagpur police mandated to carry service guns; major decision by Vishwas Nangare Patil.
महत्वाच्या बातम्या
- मोशी दुर्घटना प्रकरणात हलगर्जीपणा, महापालिका आयुक्तांना निलंबित करा : सुषमा अंधारे यांची मागणी
- Vijaya Rahatkar : उझबेकिस्तानातील वैद्यकीय विद्यार्थिनीच्या मृत्यूची राष्ट्रीय महिला आयोगाने घेतली स्वतःहून दखल
- भाजप युवा मोर्चाचे पुणे जिल्हाध्यक्ष वैभव सोलनकर यांच्या गाडीवर जीवघेणा हल्ला; कोयताधारी हल्लेखोर फरार
- Sassoon Hospital : ससून रुग्णालयात धार्मिक प्रचार करणाऱ्या दाम्पत्यावर गुन्हा
