विशेष प्रतिनिधी
मुंबई : जनतेला ठाकरेंची नौटंकी कळली आहे. त्यामुळे मुंबई महापालिका निवडणुकीच्या तोंडावर कुणीही एकत्र आले तरी त्याचा भाजप व महायुतीवर कोणताही परिणाम पडणार नाही, अशा शब्दांत भाजपचे ज्येष्ठ नेते आणि महसूल मंत्री चंद्रशेखर बावनकुळे यांनी ठाकरे गट – मनसे युतीवर निशाणा साधला आहे. Chandrashekhar Bawankule
चंद्रशेखर बावनकुळे म्हणाले, मुख्यमंत्री देवेंद्र फडणवीस यांनी जे विकासाचे मॉडेल लोकांपुढे मांडले आहे, त्याला लोकांचा प्रचंड प्रतिसाद मिळत आहे. नगरपालिका निवडणुकीत त्याचे प्रतिबिंब दिसले. मुंबईला आंतरराष्ट्रीय दर्जाचे शहर बनवण्याचे काम फडणवीसांनी केले. त्यांनी 2047 पर्यंत मुंबई कशी असेल? या आधारावर मुंबईचा विकास प्लॅन तयार केला आहे. त्यामुळे मुंबईकर आपली 51 टक्के मते महायुतीच्या बाजूने देतील. त्यातून पुन्हा एकदा महायुतीच्या माध्यमातून भाजपचा महापौर मुंबईच्या गादीवर बसेल.
मुंबईकर कोण कुणाशी युती करतो याकडे लक्ष देत नाही. मुंबईकर विकासाच्या बाजूने आहेत, असे सांगून बावनकुळे म्हणाले, जनतेला विकास हवा आहे. त्यामुळे दुसरीकडे भकास आहे आणि आमच्याकडे विकास आहे. त्यामुळे कुणीही एकत्रित आले तरी त्यांना मते मिळणार नाही. तुमच्याकडे विकासाची भावना नाही. त्यांचा या शहरावर 25 वर्ष महापौर होता. तेव्हा त्यांनी या शहराच्या विकासाकडे लक्ष दिले नाही. पण 2014 मध्ये महाराष्ट्रात देवेंद्र फडणवीस यांच्या नेतृत्वातील सरकार आले. तेव्हापासून खऱ्या अर्थाने मुंबईचा विकास झाला. जगातील कोणताही व्यक्ती इथे आला तर त्याला बदललेल्या मुंबईचा चेहरा दिसत आहे.
ठाकरे गट – मनसे युतीवर निशाणा साधताना बावनकुळे म्हणाले, ठाकरे बंधू एकत्र आले तरी त्याचा काहीही फरक पडणार नाही. कितीही नेते एकत्र आले, गळाभेट घेतली तरी काहीही होणार नाही. जनता त्यांच्यापासून फार दूर गेली आहे. जनतेला त्यांची नौटंकी कळली आहे. त्यांनी कितीही भाषणातून नौटंकी केली, तर जनता विश्वास ठेवणार नाही. त्यांना फक्त विकासाचे व्हिजन मांडावे लागेल.
महायुतीत बैठक सुरू आहे. आमच्यात कुठेही वाद नाही. महाराष्ट्रात सगळीकडे युती होणार आहे. बंडखोरी करणारा भाजपा-शिवसेनेचा कार्यकर्ता नाही. कुठल्याही परिस्थिती बंडखोरी होणार नाही याची काळजी आम्ही घेऊ. आमचा कार्यकर्ता समजूतदार आहे त्यामुळं बंडखोरी होणार नाही असा विश्वास बावनकुळे यांनी व्यक्त केला.
The public has come to know about their drama, Chandrashekhar Bawankule targets the Thackeray brothers
महत्वाच्या बातम्या
- Ajit Pawar : तिसऱ्या क्रमांकावर गेल्याने अजित पवारांची खेळी, काँग्रेसशी हातमिळवणीचा प्रयत्न
- मुंढवा भूखंड घोटाळा, शितल तेजवानी यांच्या पॉवर ऑफ अटॉर्नीवर पार्थ पवार यांच्या सह्या
- Rohit Pawar : धर्मनिरपेक्ष आणि समतेचा जप करणाऱ्या काँग्रेसची भाजपला मदत, रोहित पवार यांचा बी-टीम म्हणत काँग्रेसवर निशाणा
- Sanjay Raut : शिवसेना ठाकरे गट – मनसे युतीची घोषणा वाजत गाजत, संजय राऊत म्हणाले नाटक नसून प्रीतीसंगम
