विशेष प्रतिनिधी
मुंबई : TET Paper Leak महाराष्ट्र शिक्षक पात्रता परीक्षा पेपरफुटी प्रकरणात भिवंडी पोलिसांनी अत्यंत मोठी कारवाई करत एका मोठ्या रॅकेटचा पर्दाफाश केला आहे. भिवंडीतील कोनगाव पोलिस ठाण्याच्या हद्दीत टीईटी परीक्षेचे पेपर विक्री करण्यासाठी आलेल्या राजू प्रयाग शाम आणि त्याच्या इतर दोन साथीदारांना पोलिसांनी रंगेहात पकडले. या तिन्ही आरोपींना 27 जून रोजी अटक करण्यात आली असून, त्यांच्याकडून परीक्षेचे प्रश्नपत्रिका संचदेखील जप्त करण्यात आले आहेत.TET Paper Leak
हे आरोपी परीक्षार्थीकडून मोठी रक्कम उकळून या प्रश्नपत्रिकांची विक्री करण्याच्या तयारीत होते, मात्र पोलिसांनी वेळीच सापळा रचून त्यांचा हा डाव उधळून लावला. भिवंडी पोलिसांच्या या कारवाईमुळे संपूर्ण शिक्षण क्षेत्रात आणि प्रामाणिकपणे अभ्यास करणाऱ्या हजारो परीक्षार्थीमध्ये एकच खळबळ उडाली आहे. या घटनेमुळे स्पर्धा परीक्षांच्या सुरक्षिततेचा आणि पारदर्शकतेचा प्रश्न पुन्हा एकदा ऐरणीवर आला आहे.TET Paper Leak
या प्रकरणाचे गांभीर्य लक्षात घेऊन राज्य शासनाने तत्काळ पावले उचलली असून, राज्याचे मंत्री दादा भुसे यांनी विधिमंडळ सभागृहात या संपूर्ण कारवाईची सविस्तर माहिती दिली. तसेच, भविष्यात अशा गैरप्रकारांना आळा घालण्यासाठी पुढील टीईटी आणि इतर सर्व महत्त्वाच्या परीक्षा ऑनलाईन पद्धतीने घेण्याबाबत निर्णय घेण्यासाठी राज्याच्या मुख्य सचिवांच्या अध्यक्षतेखाली एक विशेष समिती गठीत करण्यात येत असल्याची महत्त्वपूर्ण घोषणाही दादा भुसे यांनी यावेळी केली.
भिवंडी पोलिसांनी केलेल्या या धडक कारवाईत टीईटी पेपरफुटी प्रकरणातील बिहार आणि हरियाणा येथील तीन मुख्य आरोपींना बेड्या ठोकल्या आहेत. अटक करण्यात आलेल्यांमध्ये राजीव प्रयाग शाम (वय 45, रा. पाटणा-बिहार), आकाश कुमार स्वराज कुमार (वय 30, रा. पाटणा-बिहार) आणि धीरज बलराज सिंग (वय 28, रा. पानिपत-हरियाणा) यांचा समावेश आहे. या आरोपींकडून आगामी टीईटी परीक्षेचे चार प्रश्नपत्रिका संच जप्त करण्यात आले असून, हे पेपर विकण्यासाठी तब्बल 1.5 कोटी रुपयांचा मोठा आर्थिक व्यवहार होणार असल्याची धक्कादायक माहिती पोलिसांच्या तपासात उघडकीस आली आहे.
शालेय शिक्षण मंत्री दादा भुसे सभागृहात बोलताना म्हणाले, महाराष्ट्र राज्य शिक्षक पात्रता परीक्षा ही 2026 पेपर फुटीच्या प्रकरणी ठाणे शहर पोलिस आयुक्तालयातील येथील दाखल गुन्हाबाबत निवेदन सादर करत आहे.
दादा भुसे म्हणाले, TET परीक्षा दिनांक 28.06.2026 रोजी होणाऱ्या परीक्षेची प्रश्नपत्रिका काही लोक विक्री करणार असल्याची माहिती पोलिसांना मिळाली होती. सदर माहितीची खातरजमा करून पोलिसांनी सापळा रचून आरोपींना ताब्यात घेतले. पोलिसांनी अटक करण्यात आलेल्या आरोपींकडून TET परीक्षेचे पेपर आढळून आले. शिक्षण विभागाच्या वरिष्ठ आधुकाऱ्यांकडून खात्री केली असता सदर प्रश्नपत्रिका 28 तारखेला होणाऱ्या परीक्षेचे असल्याचे समोर आले.
दादा भुसे म्हणाले, राजू प्रयाग चाव व इतर दोन यांच्याविरोधात दिनांक 27 जुलै रोजी गुन्हा दाखल करण्यात आला. सदर गुन्ह्यातील 3 आरोपींना 27 जुलै रोजी अटक करण्यात आली आहे. सदर गुन्हा संवेदनशील असून या दाखल गुन्ह्याचे व्याप्ती लक्षात घेता एसआयटी स्थापन करण्यात आली आहे. याचा तपास सध्या सुरू असून बिहारला दोन पथके, हरयाणाला एक पथक दिल्लीला एक पथक रवाना करण्यात आले आहेत. या प्रकरणातील जे कोणी दोषी आढळून येतील त्यांच्यावर मकोका लावण्यात येणार असल्याची देखील माहिती त्यांनी यावेळी दिली आहे.
MCOCA to Be Invoked Against TET Paper Leak Accused, Says Education Minister
महत्वाच्या बातम्या
- केतन अग्रवाल हत्या प्रकरण जलदगती न्यायालयात; विशेष सरकारी वकील म्हणून उज्ज्वल निकम यांची नियुक्ती
- राम मंदिर देणगी चोरी प्रकरणी ट्रस्टचे सरचिटणीस चंपत राय यांचा अखेर राजीनामा
- सुशिक्षित मुलांमध्ये सूडबुध्दी का निर्माण हाेतेय? केतन अग्रवाल प्रकरणावर मुख्यमंत्र्यांचे भाष्य
- केतनला टक्कल असल्याने सियाला नव्हता पसंद, पाेलीस चाैकशीत कबुली
