विशेष प्रतिनिधी
मुंबई : विधानभवनाच्या लाॅबीत ‘बाप’ काढल्याच्या आराेपावरून चांगलाच राडा झाला. शिवसेना ठाकरे गटाचे आमदार भास्कर जाधव आणि भाजपचे आमदार सचिन कल्याणशेट्टी एकमेंकांशी भिडले. विधिमंडळाचे अर्थसंकल्पीय अधिवेशनास तीन दिवसांच्या सुट्टीनंतर पुन्हा सुरुवात झाली. यावेळी विधान भवनाच्या लॉबीत भास्कर जाधव आणि सचिन कल्याणशेट्टी यांच्यात वाद झाला. या घटनेचा व्हिडिओ समोर आला आहे. त्यात भास्कर जाधव संतापलेल्या अवस्थेत दिसतात तर तुम्ही आमचा बाप काढू नका असं सचिन कल्याणशेट्टी त्यांना उत्तर देताना दिसतात. Vidhan Bhavan
कागदपत्रावर स्वाक्षरी करण्याच्या वादातून हा प्रकार घडला. या व्हिडिओत दिसतंय की, भास्कर जाधव संतापून परवा आम्हाला इथं राज्यपालांचे भाषण मिळाले नाही असं बोलतात, त्यावर सचिन कल्याणशेट्टी बाप कशाला काढता, बाप काढायचा अधिकार तुम्हाला आहे का असा प्रश्न विचारतात. त्यावर जाधव आणखी संतापून हो आहे असं म्हणतात. त्यावर कल्याणशेट्टी तुम्ही सीनिअर सदस्य आहात असं विधान करतात. त्यावर जाधवांनी ठीक आहे, तुम्ही एवढ्यावर थांबा, मीदेखील थांबतो असं म्हणत वाद संपवण्याचा प्रयत्न केला. त्यानंतर सचिन कल्याणशेट्टी यांनी तुम्ही बाप काढायला नको होता असं विधान केले. त्यावर भास्कर जाधव पुन्हा आक्रमक झाले. जर तुम्हाला परत तेच बोलायचे असेल तर मी काढणार..मग तुम्हाला काय करायचे असेल ते करा असे म्हणाले. मग सचिन कल्याणशेट्टीही आम्हीही तुमचा बाप काढू असा इशारा देतात. Vidhan Bhavan
मी सत्ताधारी पक्षात आहे असं सचिन कल्याणशेट्टी उल्लेख करतात. तेव्हा भास्कर जाधव पुन्हा संतापतात. असू द्या सत्ताधारी पक्षाचे आणि आणखी २ मंत्री असू द्या…इथं खासगी काम कसे करता? असा सवाल भास्कर जाधव यांनी उपस्थित केल्याचे व्हिडिओत दिसून येते. Vidhan Bhavan
विधानसभेत प्रवेश केल्यानंतर सभागृहात जाताना सदस्यांना स्वाक्षरी करायला लागते. त्या सही करण्याच्या जागी आमदारांची गर्दी झाली होती. या गर्दीच्या ठिकाणी भास्कर जाधव आणि सचिन कल्याणशेट्टी यांच्यात वाद झाला. या दोघांमधील वादाचे कारण अद्याप समोर आले नाही. परंतु दोघांमधील वादाचा व्हिडिओ समोर आला आहे.
Ruckus in Vidhan Bhavan Lobby After ‘Baap’ Remark, MLAs Bhaskar Jadhav and Sachin Kalyanshetti Clash
महत्वाच्या बातम्या
- Pune Residents : पुणेकरांनो सावधान! होळीला ‘ड्रिंक अँड ड्राईव्ह’ कराल तर थेट पोलीस कोठडी; ३० ठिकाणी कडक नाकेबंदी!
- Eknath Shinde : दुबईत अडकलेल्या महाराष्ट्रातील पर्यटकांशी उपमुख्यमंत्री एकनाथ शिंदे यांचा थेट संवाद
- Anti-Encroachment : अतिक्रमण कारवाईस विराेध महागात, एमआयएमच्या 11 नगरसेवकांवर गुन्हे दाखल
- The Kerala Story 2: द केरला स्टाेरी २ चाही बाॅक्स ऑफिसवर जलवा, पहिल्याच विकेंडला 10.40 कोटींची कमाई
