विशेष प्रतिनिधी
पुणे: Pune Residents होळी आणि धुलीवंदनाच्या उत्सवा दरम्यान मद्यपान करून वाहन चालवणाऱ्या हुल्लडबाजांना लगाम घालण्यासाठी पुणे शहर पोलीस वाहतूक विभाग सज्ज झाला आहे. शहरातील विविध ३० संवेदनशील ठिकाणी कडक नाकेबंदी करण्यात येणार असून, नियमांचे उल्लंघन करणाऱ्यांवर कठोर कायदेशीर कारवाई करण्याचा इशारा वाहतूक विभागाचे उपायुक्त हिंमत जाधव यांनी दिला आहे. शिवाय उत्साहाला गालबोट लागू नये म्हणून पुणे पोलीस वाहतूक विभाग आणि स्थानिक प्रशासनाने कंबर कसली आहे. उद्या शहरात ठिकठिकाणी होणारे सार्वजनिक कार्यक्रम, रेन डान्स आणि कम्युनिटी सेलिब्रेशन्स यांवर पोलिसांची करडी नजर असणार आहे.Pune Residents
नाकेबंदी आणि विशेष बंदोबस्त:
सण-उत्सवाच्या काळात रस्ते अपघातांचे प्रमाण वाढते, हे लक्षात घेऊन पुणे पोलिसांनी विशेष ‘ॲक्शन प्लॅन’ तयार केला आहे.
३० मुख्य पॉईंट्स:
फर्ग्युसन रोड, कॅम्प, कोरेगाव पार्क, बाणेर, कोथरूड आणि स्वारगेट यांसारख्या गर्दीच्या ठिकाणी विशेष लक्ष दिले जाणार आहे.
ब्रेथ ॲनालायझरचा वापर:
नाकेबंदीच्या ठिकाणी प्रत्येक संशयास्पद चालकाची ‘ब्रेथ ॲनालायझर’द्वारे तपासणी केली जाईल.
केवळ पोलीसच नाही, तर शहरातील सीसीटीव्ही कॅमेऱ्यांच्या माध्यमातूनही वाहतुकीवर बारीक लक्ष ठेवले जाणार आहे.
काय होणार कारवाई?
मद्यपान करून वाहन चालवताना पकडले गेल्यास पुणे पोलीस खालीलप्रमाणे कठोर पावले उचलणार आहेत-
परवाना निलंबन: दोषी
आढळलेल्या चालकाचा ड्रायव्हिंग लायसन्स (परवाना) तीन महिने किंवा त्यापेक्षा जास्त काळासाठी निलंबित करण्यासाठी प्रादेशिक परिवहन विभागाकडे (RTO) शिफारस केली जाईल.
दंड आणि कारावास:
न्यायालयाच्या निर्देशानुसार मोठा दंड आणि काही प्रकरणांमध्ये कारावासाची शिक्षाही होऊ शकते.
वाहन जप्ती: घटनास्थळी चालक मद्यधुंद अवस्थेत आढळल्यास त्याचे वाहन तात्काळ जप्त केले जाईल.
हुल्लडबाजांना पोलिसांचा सज्जड दम
वाहतूक उपायुक्त हिंमत जाधव यांनी स्पष्ट केले की, “होळीचा आनंद साजरा करताना इतरांच्या जीवितास धोका निर्माण होईल असे वर्तन खपवून घेतले जाणार नाही. विशेषतः विनाहेल्मेट दुचाकी चालवणे, ‘ट्रिपल सीट’ प्रवास करणे आणि सायलेन्सरचा मोठा आवाज काढून दहशत निर्माण करणाऱ्यांवर आमची करडी नजर असेल.”पुणे पोलिसांचे आवाहन: “मद्यपान केले असल्यास स्वतः गाडी चालवू नका. सुरक्षित प्रवासासाठी कॅब, रिक्षा किंवा मद्यपान न केलेल्या मित्राची मदत घ्या. सुरक्षित रहा आणि इतरांनाही सुरक्षित ठेवा.”
Pune Residents Beware! ‘Drink and Drive’ During Holi Could Lead Straight to Police Custody; Strict Checkpoints at 30 Locations!
महत्वाच्या बातम्या
- Israeli missile : इराणची राजधानी तेहरानवर इस्रायलचे क्षेपणास्त्र हल्ले
- जागतिक स्तरावरील संस्थांची मदत घ्या पण शंकांचे निरसन करा, सुनील तटकरे यांची विमान अपघाताबाबत मागणी
- पंकजा मुंडे यांच्या ब्रीफिंगला उपस्थित न राहिल्याने आयएएस अधिकाऱ्याचे निलंबन
- Amol Mitkari : त्यांचे काका गेलेत, त्यामुळे स्टंट म्हणू नका, रोहित पवारांच्या मदतीला अमोल मिटकरी
