विशेष प्रतिनिधी
कोलकाता : Suvendu Adhikari पश्चिम बंगालमधील राजकीय वातावरण पुन्हा एकदा हिंसाचारामुळे ढवळून निघाले आहे. भाजपचे वरिष्ठ नेते सुवेंदू अधिकारी यांचे स्वीय सहाय्यक चंद्रनाथ रथ यांची भररस्त्यात गोळ्या झाडून हत्या करण्यात आली. उत्तर २४ परगणा जिल्ह्यातील मध्यग्राम परिसरात ही धक्कादायक घटना घडली.Suvendu Adhikari
मिळालेल्या माहितीनुसार, चंद्रनाथ रथ हे वाहनातून प्रवास करत असताना अज्ञात हल्लेखोरांनी त्यांचे वाहन अडवून त्यांच्यावर जवळून गोळीबार केला. या हल्ल्यात रथ गंभीर जखमी झाले. त्यांच्यासोबत असलेले बुद्धदेव नावाचे सहकारीदेखील जखमी झाले आहेत.Suvendu Adhikari
दोघांनाही तातडीने खासगी रुग्णालयात दाखल करण्यात आले. मात्र उपचारादरम्यान चंद्रनाथ रथ यांचा मृत्यू झाला. प्राथमिक माहितीनुसार, त्यांच्या डोक्यावर, छातीवर आणि पायावर गोळ्या लागल्या होत्या.
चंद्रनाथ रथ हे गेल्या दहा वर्षांपासून सुवेंदू अधिकारीयांच्यासोबत कार्यरत होते. निवडणूक व्यवस्थापन, प्रचार समन्वय आणि संघटनात्मक कामांमध्ये त्यांची महत्त्वाची भूमिका होती. पक्षामध्ये ते विश्वासू सहकारी म्हणून ओळखले जात होते.
भाजपच्या अलीकडील निवडणूक यशानंतर अवघ्या दोन दिवसांत ही घटना घडल्याने राजकीय वर्तुळात खळबळ उडाली आहे.
घटनेनंतर पोलिसांनी परिसर सील करून तपास सुरू केला आहे. घटनास्थळावरील सीसीटीव्ही फुटेज तपासण्यात येत असून न्यायवैद्यक पथकाने पुरावे गोळा करण्यास सुरुवात केली आहे.
अद्याप कोणालाही अटक करण्यात आलेली नाही. हल्ल्यामागील नेमके कारण अद्याप स्पष्ट झाले नसले तरी या घटनेमुळे पश्चिम बंगालमधील वाढत्या राजकीय हिंसाचाराबाबत पुन्हा प्रश्न उपस्थित झाले आहेत.
भाजपने या हल्ल्याचा तीव्र निषेध करत राज्यातील कायदा आणि सुव्यवस्थेवर गंभीर प्रश्न उपस्थित केले आहेत. निवडणुकांनंतर भाजप कार्यकर्ते आणि नेत्यांना लक्ष्य केले जात असल्याचा आरोप पक्षाने केला आहे.
दरम्यान, विरोधी पक्षांनी तपास पूर्ण होण्यापूर्वी राजकीय निष्कर्ष काढू नयेत, असे म्हटले आहे.
मध्यग्राम मतदारसंघात नुकत्याच झालेल्या निवडणुकीत तृणमूल काँग्रेसचे उमेदवार रथीन घोष यांनी अत्यंत कमी फरकाने विजय मिळवला होता. त्यामुळे या भागातील राजकीय तणाव आणखी वाढल्याची चर्चा सुरू आहे.
Suvendu Adhikari aide shot dead on public road; political tensions rise in West
महत्वाच्या बातम्या
- सुनेत्रा पवारांनी देशातील सर्वात मोठ्या मताधिक्याचा रेकॉर्ड मोडला
- सुनेत्रा पवारांनी मोडला अजितदादांचा 2024मधील विक्रम; १ लाख १२ हजार २६८ मतांनी आघाडीवर
- विजयचा दणका, स्टॅलिन यांच्यासह द्रमुक मंत्रिमंडळातील 32 पैकी 31 मंत्री पिछाडीवर
- बंगाल-आसाममध्ये भाजपची झेप; तामिळनाडूत थलपती विजयच्या पक्षाची ‘ब्लॉकबस्टर’ एन्ट्री, केरळमध्ये काँग्रेसला दिलासा
