विशेष प्रतिनिधी
तेलंगणा :- कौटुंबिक नात्याला काळीमा फासणारी एक अत्यंत धक्कादायक घटना समोर आली आहे. तेलंगणा राज्यातील करीमनगर जिल्ह्यातून एका 28 वर्षीय नराधम जावयाने आपल्या सासूचा चालत्या बाईकवर हेलमेटने डोक्यात प्रहार करून क्रूरपणे खून केला. या खळबळजनक घटनेनंतर आरोपीने पोलिसांना आणि कुटुंबियांना दिशाभूल करण्यासाठी सासूचा मृत्यू हृदयविकाराच्या झटक्याने बाईकवरून पडल्यामुळे झाल्याचा बनाव रचला होता.
मात्र, पोलिसांनी परिसरातील सीसीटीव्ही फुटेज तपासले असता हा अपघात नसून थंड डोक्याने केलेला खून असल्याचे उघड झालं. या घटनेतील मृत महिलेचे नाव अरुणा असे असून, आरोपी जावयाचे नाव स्नेहित (वय 28वर्षे) असे आहे. स्नेहितने काही काळापूर्वी अरुणा यांची मुलगी कविता हिच्यासोबत प्रेमविवाह केला होता. पोलिसांनी दिलेल्या माहितीनुसार, 29 एप्रिल रोजी आरोपी स्नेहित हा आपली सासू अरुणा यांना बाईकवर मागे बसवून कुठेतरी घेऊन जात होता. बाईक चालवत असतानाच स्नेहितने अचानक आपल्या डोक्यातील हेल्मेट काढून मागे बसलेल्या सासू अरुणा यांच्या डोक्यात अत्यंत जोराने मारले.
या अचानक झालेल्या हल्ल्यामुळे अरुणा यांचा बाईकवरील समतोल सुटला आणि त्या चालत्या गाडीवरून थेट रस्त्यावर कोसळल्या.रस्त्यावर कोसळल्यामुळे अरुणा यांच्या डोक्याला आणि शरीराला गंभीर दुखापत झाली. त्यांना तात्काळ उपचारासाठी जवळच्या रुग्णालयात दाखल करण्यात आले, मात्र उपचारादरम्यान त्यांचा दुर्दैवी मृत्यू झाला.सासूचा मृत्यू झाल्यानंतर आरोपी स्नेहितने आपल्या गुन्ह्यावर पांघरूण घालण्याचा प्रयत्न सुरू केला. त्याने नातेवाईकांना आणि शेजाऱ्यांना सांगितलं की, अरुणा यांना बाईकवर असताना अचानक फिट्स आली आणि त्या चक्कर येऊन खाली पडल्या होत्या . सुरुवातीला सर्वांनी त्याच्या या सांगण्यावर विश्वास ठेवला होता.
सीसीटीव्हीमुळे सत्य आले समोर
घटना संशयास्पद वाटल्यामुळे पोलिसांनी घटनास्थळाच्या परिसरातील आणि रस्त्यावरील सीसीटीव्ही कॅमेऱ्यांचे फुटेज तपासण्यास सुरुवात केली. सीसीटीव्ही फुटेज पाहताच पोलिसांना मोठा धक्का बसला. फुटेजमध्ये स्नेहित स्वतःहून चालत्या गाडीवर मागे हात करून सासूच्या डोक्यात हेलमेटने मारताना स्पष्टपणे दिसत होता. यामुळे हा अपघात नसून एक पूर्वनियोजित हत्या असल्याचं सिद्ध झालं.आईच्या हत्येचा गुन्हा उघडकीस आल्यानंतर कविताला मोठा धक्का बसला आहे. पोलिसांनी आरोपी स्नेहितविरुद्ध खुनाचा गुन्हा दाखल केला असून त्याला अटक केली आहे. या हत्येमागील नेमकं कारण काय होते, जावयाचे सासूसोबत काय वाद होते, याचा तपास पोलीस करत आहेत.
Son-in-law exposed after staging heart attack to cover up mother-in-law’s murder.
महत्वाच्या बातम्या
- केतन अग्रवाल हत्या प्रकरण जलदगती न्यायालयात; विशेष सरकारी वकील म्हणून उज्ज्वल निकम यांची नियुक्ती
- राम मंदिर देणगी चोरी प्रकरणी ट्रस्टचे सरचिटणीस चंपत राय यांचा अखेर राजीनामा
- सुशिक्षित मुलांमध्ये सूडबुध्दी का निर्माण हाेतेय? केतन अग्रवाल प्रकरणावर मुख्यमंत्र्यांचे भाष्य
- केतनला टक्कल असल्याने सियाला नव्हता पसंद, पाेलीस चाैकशीत कबुली
