प्रसंग कठीण होता…पण, ज्या धीरोदात्तपणे श्रीमती सुनेत्रावहिनींनी महाराष्ट्र हिताचा निर्णय घेतला, तो कौतुकास्पद, धाडसी आणि त्यांची प्रतिबद्धता अधोरेखित करणारा आहे, अशा शब्दांत मुख्यमंत्री देवेंद्र फडणवीस यांनी उपमुख्यमंत्री सुनेत्रा पवार यांचे कौतुक केले.
आदरणीय साहेब आणि आम्ही एकत्र असलो पाहिजे. पक्ष एकत्र असला की दुसरे लोक घुसखोरी करणार नाहीत. पक्षातील एकजूट टिकवणे हेच सध्याच्या परिस्थितीत सर्वांत महत्त्वाचे आहे. दोन्ही गट एकत्र आल्यास पक्ष अधिक मजबूत राहील, असे त्यांचे मत होते.
महाराष्ट्र साहित्य परिषदेच्या निवडणुकीच्या रिंगणात उतरलेल्या साहित्य संवर्धन आघाडीने प्रचारासाठी आयोजित केलेल्या खासगी ऑनलाईन बैठकीचे बेकायदा रेकॉर्डिंग करून ते प्रसारित करीत बदनामी केल्याप्रकरणी प्रतिस्पर्धी परिवर्तन उत्कर्ष आघाडीचे उमेदवार विनोद कुलकर्णी यांच्याविरोधात जळगाव येथील सायबर पोलीस ठाण्यात तक्रार दाखल करण्यात आली.
विनापरवाना मोठ्या प्रमाणात देशी दारूची वाहतूक करताना एका व्यक्तीस पकडण्यात आले आहे. निवडणूक विभागाच्या पथकाकडून गुरुवारी (दि. २९ जानेवारी) रोजी मावळ तालुक्यातील नवलाख उंब्रे येथे ही कारवाई करण्यात आली.
गल्लीपासून दिल्लीपर्यंतच्या सर्व कार्यकर्त्यांच्या भावना लक्षात घेता, नेत्यांनी सुनेत्रा पवारांना हा जबाबदारी हाताळण्यासाठी तयार केले आणि त्यानंतरच त्यांना निर्णयाची माहिती दिली, असे राष्ट्रवादी काँग्रेसचे नेते अनिल पाटील यांनी सांगितले.
उपमुख्यमंत्री अजित पवार यांच्या निधनानंतर दोन्ही राष्ट्रवादी काँग्रेसमध्ये जवळीक वाढल्याचे म्हटले जात आहे. दोन्ही राष्ट्रवादीच्या विलीनीकरणाचीही चर्चा आहे. पण सुनेत्रा पवार यांच्या उपमुख्यमंत्री शपथविधी संदर्भात आपल्याला काहीही माहिती नसल्याचे सांगून ज्येष्ठ नेते शरद पवार यांनी या चर्चाच असल्याचे समोर आणले आहे.
ज्येष्ठ प्रशासकीय अधिकारी मनिषा पाटणकर-म्हैसकर यांची गृह खात्याच्या अपर मुख्य सचिव म्हणून नियुक्ती झाली आहे. डॉ. इकबाल सिंह चहल हे 31 जानेवारी 2026 रोजी गृह विभागाचे अपर मुख्य सचिव म्हणून निवृत्त होत आहेत. त्यामुळे त्यांच्या जागी मनिषा पाटणकर-म्हैसकर यांची नियुक्ती करण्यात आली आहे. महत्त्वाचे म्हणजे मनिषा पाटणकर-म्हैसकर यांचा सध्याचा कार्यभार त्यांच्या पतीकडेच देण्यात आला आहे.
नालासोपारा परिसरात समाजमाध्यमांवरील एका आक्षेपार्ह व्हीडिओमुळे मोठा वाद निर्माण झाला आहे. एका तरुणाने महाराष्ट्र नवनिर्माण सेनेचे पक्षप्रमुख राज ठाकरे आणि शिवसेना (उद्धव बाळासाहेब ठाकरे गट) पक्षप्रमुख उद्धव ठाकरे यांच्याविरोधात अपमानास्पद व अर्वाच्च भाषेत वक्तव्य केले होते. या व्यक्तव्याचा व्हिडिओ तयार करून त्याने तो सोशल मीडियावर पोस्ट केला होता. प्रसिद्धी आणि ‘व्ह्यूज’मिळवण्यासाठी केलेल्या या कृतीमुळे त्याच्यावर तीव्र टीका होत आहे.
राज्यात आणि केंद्रात 1999 नंतर आघाडीचे राजकारण सुरु झालेले आहे. आघाडीच्या राजकारणात दोन पावलं मागे घ्यावी लागतात. स्थानिक स्वराज्य संस्था निवडणुकीत काँग्रेस पक्षाचा विस्तार करण्यासाठी स्वबळावर लढण्याचा निर्णय घेतला. जेथे शक्य आहे तेथे आघाडी करण्याचा निर्णय घेण्याचे अधिकार स्थानिकांना दिले होते. नगरपालिका, महानगरपालिका निवडणुकीत काँग्रेसला चांगले यश मिळाले आहे.
मुख्यमंत्री देवेंद्र फडणवीस यांनी स्पष्ट केले की, अजितदादांनी आगामी अर्थसंकल्प २०२६–२७ साठी मोठ्या प्रमाणावर तयारी केली होती आणि तो अर्थसंकल्प आता आपण स्वतः पूर्ण करणार आहोत, असा विश्वास मुख्यमंत्री देवेंद्र फडणवीस यांनी व्यक्त केला.
यंदा राज्याचा अर्थसंकल्प मुख्यमंत्री देवेंद्र फडणवीस हेच सादर करण्याची दाट शक्यता व्यक्त केली जात आहे. उपमुख्यमंत्री आणि अर्थमंत्री अजित पवार यांच्या विमान दुर्घटनेत झालेल्या अकाली निधनानंतर निर्माण झालेल्या परिस्थितीमुळे हा निर्णय घ्यावा लागण्याची शक्यता आहे. राज्याच्या राजकारणात ही एक अत्यंत दुर्दैवी आणि अनपेक्षित घडामोड ठरली असून, तिचा थेट परिणाम अर्थसंकल्पीय प्रक्रियेवरही झाल्याचे दिसून येत आहे. 23 फेब्रुवारीपासून राज्य विधिमंडळाचे अर्थसंकल्पीय अधिवेशन सुरू होणार असून, 6 मार्च रोजी राज्याचा अर्थसंकल्प सादर केला जाणार आहे.
मुंबई महापालिकेच्या निवडणुकीत दुसऱ्या क्रमांकाचा पक्ष हा उबाठा ठरला असला तरी प्रत्यक्षात मुंबईतील ०९ विधानसभेत या पक्षाला नगरसेवकांचे खातेच उघडता आलेले नाही. त्यामुळे मुंबईतील ३६ विधानसभेच्या तुलनेत उबाठाला केवळ २७ विधानसभांमध्ये आपले नगरसेवक निवडून आणता आले