सुप्रसिद्ध कवी, लेखक, दलित चळवळीतील कार्यकर्ते स्व.पद्मश्री नामदेव ढसाळ यांच्या पत्नी आणि संयुक्त महाराष्ट्राच्या चळवळीतील अग्रणी नाव शाहीर अमर शेख यांच्या कन्या मल्लिका नामदेव ढसाळ या सध्या आजारी आहेत. पण त्यांच्याकडे लक्ष द्यायला कुणालाच वेळ नाही, नानाजी देशमुख प्रतिष्ठानतर्फे त्यांना मदत केली जात आहे. मुख्यमंत्री देवेंद्र फडणवीस यांनी त्यांच्याशी व्हीडिओ कॉलवर संवाद साधला आहे.
मतमोजणीपूर्वीच विरोधी पक्षाच्या नेत्यांनी निवडणूक आयोगावर खापर फोडायला सुरुवात केली आहे. राष्ट्रवादी काँग्रेस पार्टी शरदचंद्र पवार पक्षाचे आमदार रोहित पवार यांनी राज्य निवडणूक आयोग हा दात काढलेल्या वाघासारखा असल्याची टीका केली आहे.
उद्धव ठाकरेंच्या मेंदूत केमिकल लोच्या झाला आहे. निवडणूक आयोगावर आक्षेप घेणे म्हणजे लोकशाही प्रक्रियेला गतिरोधक ठरवण्यासारखं आहे. आयोगावर संशय व्यक्त करणे हे निवडणूक प्रक्रियेवरच अविश्वास दाखवण्यासारखं आहे. तसेच मतदानाच्या दिवशी पत्रकार परिषद घेऊन निवडणूक आयोगावर आरोप करणं कितपत योग्य आहे? असा सवाल भाजप नेते आणि मंत्री आशिष शेलार यांनी केला.
लोकशाहीत बदल घडवायचा असेल तर सक्रिय सहभाग आवश्यक आहे. केवळ असहमती नोंदवून थांबणे हा दीर्घकालीन उपाय नाही, असा संदेश राष्ट्रीय स्वयंसेवक संघाचे सरसंघचालक मोहन भागवत (Mohan Bhagwat) यांनी दिला.
महापालिका निवडणुकांच्या मतमोजणीच्या अवघ्या दुसऱ्याच दिवशी मुख्यमंत्री देवेंद्र फडणवीस यांच्या नेतृत्वाखाली महाराष्ट्राचे उच्चस्तरीय शिष्टमंडळ स्वित्झर्लंडमधील दावोस येथे होणाऱ्या जागतिक आर्थिक परिषदेसाठी (वर्ल्ड इकॉनॉमिक फोरम) रवाना होणार आहे.
माझ्या नावाने कोणी पाठिंब्याचे पत्रक प्रसिद्ध करत असेल, तर त्यावर समाजाने विश्वास ठेवू नये असे सांगत मराठा आरक्षण आंदोलक मनोज जरांगे पाटील यांनी आपली भूमिका स्पष्ट करत कोणत्याही राजकीय आघाडीला पाठिंबा दिला नसल्याचे जाहीर केले आहे.
दहिसरच्या शांतीनगर जनकल्याण (वॉर्ड क्र. 3) परिसरात भाजप कार्यकर्त्यांकडून मतदारांना छुप्या पद्धतीने ‘मिक्सर’ वाटप केले जात असल्याचा आरोप काँग्रेसने केला असून, या प्रकरणाचा जाब विचारण्यासाठी गेलेल्या काँग्रेसच्या प्रमुख नेत्यांनाच पोलिसांनी ताब्यात घेतल्याने परिसरात तणावाचे वातावरण निर्माण झाले होते. .
वैयक्तिक पातळीवर उध्दव ठाकरे आमचे काही शत्रू नाहीत. आम्ही एकत्र बसून चहाही पिऊ शकतो. त्याला कोणतीही अडचण नाही. मात्र राजकीय संबंध प्रस्थापित होण्याचे कोणतेही कारण मला दिसत नाही, असे सांगत पुन्हा उध्दव ठाकरे यांना साेबत घेण्याची शक्यता मुख्यमंत्री देवेंद्र फडणवीस (Chief Minister) यांनी फेटाळून लावली.
Eknath Khadse : भोसरी एमआयडीसी भूखंड घोटाळा प्रकरणात विशेष न्यायालयाने दोषारोप निश्चितीला स्थगिती द्यावी, अशी माजी महसूलमंत्री एकनाथ खडसे यांनी केलेली मागणी मागणी न्यायालयाने फेटाळून लावली आहे. कोणतीही अंतरिम स्थगिती देण्यास स्पष्ट नकार दिला. त्यामुळे 16 जानेवारी रोजी एकनाथ खडसे, त्यांची पत्नी मंदाकिनी खडसे आणि जावई गिरीश चौधरी यांच्यावर आरोप निश्चित होण्याचा मार्ग मोकळा झाला आहे.
उपमुख्यमंत्री अजित पवार यांचे राजकीय सल्लागार नरेश अरोरा यांच्या ‘डिझाईन बॉक्स’ या कार्यालयात पुणे पोलिसांच्या गुन्हे शाखेचे पथक दाखल झाल्याने राजकीय वर्तुळात सुरुवातीला मोठी खळबळ उडाली होती. मात्र ही कोणतीही अधिकृत पोलिस कारवाई नसल्याचे स्पष्टीकरण पुणे पोलिस आयुक्त अमितेश कुमार यांनी दिले आहे.
मराठी भाषेला अभिजात दर्जा मिळावा यासाठी मुख्यमंत्री देवेंद्र फडणवीस आणि भाजपाच्या नेत्यांनी सातत्याने पाठपुरावा केला. आज मराठीला अभिजात भाषेचा दर्जा मिळाला, हे फडणवीस यांच्या प्रयत्नांमुळेच, असा दावा भाजपचे प्रदेशाध्यक्ष रवींद्र चव्हाण यांनी केला.
मनसे अध्यक्ष राज ठाकरे हे उद्योजक विरोधी, गुंतवणूक विरोधी, युवक विरोधी आणि युवकांच्या रोजगार मिळण्याच्या कामाविरोधी आहेत, मुंबईकर तुम्हाला तुमची जागा दाखवतील. अशी टीका भारतीय जनता पक्षाचे नेते आणि मंत्री आशिष शेलार यांनी केली.