शिवसेना ठाकरे गटाच्या उमेदवार आणि माजी महापौर किशोरी पेडणेकर यांनी त्यांच्या प्रतिज्ञापत्रात त्यांच्यावर दाखल गुन्ह्याची माहिती लपवल्याचा आरोप करणारी याचिका उच्च न्यायालयाने ऐकण्यास नकार दिला. निवडणूकीच्या तीन दिवस आधी याचिका करण्यात आल्याने त्यावनर तातडीने सुनावणी घेणे शक्य नसल्याचे न्यायालयाने याचिका ऐकण्यास नकार देताना नूद केले.
महापालिका निवडणुकांच्या मतदानापूर्वी राज्यात ६० हून अधिक ठिकाणी सत्ताधारी महायुतीचे उमेदवार बिनविरोध निवडून आले आहेत. या विरोधात मनसे नेते अविनाश जाधव यांनी कोर्टात धाव घेतली होती. मुख्य न्यायाधीशांच्या खंडपीठासमोर उद्या या याचिकेवर सुनावणी हाेणार आहे.
मुंबई आपली आहे, तिला आपल्याच ताब्यात ठेवा. आता चुकाल तर मुंबईला मुकाल, असे आवाहन
शिवसेना उद्धव बाळासाहेब ठाकरे पक्षाचे पक्षप्रमुख उद्धव ठाकरे यांनी केले. सत्ताधारी महायुतीवर निशाणा साधत मुंबईकर मतदारांना मुंबई आपल्याच म्हणजे मराठी माणसांच्याच ताब्यात ठेवण्याचे केले.
शिवसेना ठाकरे गटाचे आमदार आदित्य ठाकरे(Aditya Thackeray) यांच्या वरळी विधानसभा मतदारसंघातून पैसे वाटपाचे आरोप करण्यात आले आहेत. वरळी मतदारसंघातील प्रभाग क्रमांक 193 मध्ये ठाकरेंच्या शिवसेनेच्या उमेदवार हेमांगी वरळीकर यांचे पती हरिश वरळीकर यांनी महिलांना बैठकीच्या नावाखाली बोलावून थेट पैसे वाटल्याचा आरोप करण्यात आला आहे.
जे समाजाच्या विरोधात गेले होते, जे आरक्षणाच्या विरोधात गेले, नेमके तेच आता निवडणुकीत उभे आहेत. त्यांना मतदान करू नका, असे आवाहन मराठा आंदोलक मनोज जरांगे पाटलांनी केले आहे.
बृहन्मुंबई महानगरपालिका निवडणुकीतील सर्वाधिक श्रीमंत उमेदवारांमध्ये महाराष्ट्र विधानसभा अध्यक्ष राहुल नार्वेकर यांचे धाकटे बंधू मकरंद नार्वेकर यांचा समावेश आहे. त्यांनी निवडणूक आयोगाकडे सादर केलेल्या प्रतिज्ञापत्रात एकूण १२४.४ कोटी रुपयांची संपत्ती जाहीर केली आहे.
मुंबईवर किंवा महाराष्ट्रावर जेव्हा संकट येईल तेव्हा हा राज ठाकरे दोस्ती बघणार नाही, अदानीशी तर अजिबात नाही, तितका मी अडाणी नाही, असे महाराष्ट्र नवनिर्माण सेनेचे अध्यक्ष राज ठाकरे यांनी सांगितले.
ठाणे येथे शिवसेना ठाकरे गट आणि मनसेच्या संयुक्त सभेत ते बोलत होते. राज ठाकरे म्हणाले, राज ठाकरे म्हणाले, आजची सभा ही ठाण्याची आहे. उद्या सायंकाळी सगळा प्रचार थांबेल आणि मग सरकारकडून पैसे वाटायला सुरू होईल. भाजपचे लोक पैसे वाटत आहेत आणि शिंदेंचे लोक पकडत आहेत.
खोटं बोल पण रेटून बोल हीच तुमची पद्धत आहे. त्याचा पर्दाफाश करायला आम्ही आलो आहोत. तुम्ही माझ्या आई-वडिलांपर्यंत पोहोचलात. त्यांच्या विषयी बोललात. याची शरम वाटली पाहिजे, अशा शब्दांत मुख्यमंत्री देवेंद्र फडणवीस यांनी शिवसेना (उद्धव बाळासाहेब ठाकरे) पक्षप्रमुख उद्धव ठाकरे यांना कानपिचक्या दिल्या.
महापालिका निवडणुकीच्या रणांगणात ठाकरे बंधूंच्या प्रचाराची दिशा आणि फोकस चुकत आहे. उद्धव व राज ठाकरे यांच्या प्रचाराची दिशा चुकत असल्याचे मी वारंवार सांगत आहे. मी फार लहान माणूस आहे. मी त्यांना सल्ला देणार नाही. पण त्यांची पार्टी किंचित – किंचीत होत चालली आहे, असा टाेला भाजपचे ज्येष्ठ नेते तथा राज्याचे महसूल मंत्री चंद्रशेखर बावनकुळे यांनी लगावला आहे.
मातोश्रीचे दरवाजे कोणासाठीही बंद नाहीत, असे म्हणणाऱ्या उद्धव ठाकरेंनी हे लक्षात ठेवावे की, ते दार मी नाही तर त्यांनीच बंद केले होते. मी वारंवार फोन करत होतो, पण त्यांनी फोन घेण्याचेही सौजन्य दाखवले नाही,” असा पलटवार मुख्यमंत्री देवेंद्र फडणवीस यांनी उद्धव ठाकरे यांच्यावर केला.
पुणे शहर आणि समाविष्ट गावांचा कायापालट करण्यासाठी शिवसेनेने सुधारणा आणि विकासात्मक योजनांचा धडाकेबाज कृती आराखडा जाहीर केला आहे.उपमुख्यमंत्री एकनाथ शिंदे यांच्या हस्ते पुण्यासाठी ‘शब्द शिवसेनेचा’ या जाहीरनाम्याचे प्रकाशन करण्यात आले.
पुणे महानगरपालिका निवडणुकीच्या प्रचारात प्रभाग क्रमांक २४ (कसबा गणपती, कमला नेहरू रुग्णालय परिसर) मधील भारतीय जनता पार्टीचे उमेदवार गणेश बिडकर यांच्यासह पॅनल मधील उमेदवारांनी आपले संकल्पपत्र जाहीर केले आहे. या संकल्पपत्रात प्रभागातील नागरिकांच्या प्रमुख समस्या सोडवण्यावर भर देण्यात आला असून, वाहतूक नियोजन, आरोग्यसुविधा, पाणीप्रवाह व्यवस्था, सुरक्षा आणि प्राचीन वारसा जतन यांसारख्या मुद्द्यांना प्राधान्य दिले आहे.