विशेष प्रतिनिधी
मुंबई : दिवंगत उपमुख्यमंत्री अजित पवार यांच्या अपघातग्रस्त विमानाची क्रू मेंबर असलेल्या पिंकी माळीच्या कुटुंबाला व्हीएसआर कंपनीचा मालक व्ही. के. सिंग याच्याकडून धमक्या दिल्या जात असल्याचा आराेप राष्ट्रवादी काॅंग्रेस अजित पवार गटाचे आमदार अमाेल मिटकरी यांनी केला आहे. Amol Mitkari
28 जानेवारीला विमान अपघातात अजित पवार यांचा मृत्यू झाला होता. यात अजित पवारांसह क्रू मेंबर पिंकी माली, विदीप जाधव, कॅप्टन सुमित कपूर, कॅप्टन शांभवी पाठक यांच्या देखील घराचा आधार गेला. अमोल मिटकरी यांनी पिंकी माली यांच्या आईची भेट घेतली. मिटकरी यांनी पिंकी माळी यांच्या आई माया माळी यांच्या तब्येतीबाबत आज सभागृहात पॉइंट ऑफ इन्फॉर्मेशन मांडली. व्हीएसआर कंपनीने कोणत्याही प्रकारची मदत या कुटुंबाला केलेली नाही. यावर कारवाई व्हावी, आणि अजित पवार यांच्या अपघाताची चौकशी व्हावी अशी मागणी केली.
मिटकरी म्हणाले, पिंकी माळीच्या आईला भेटयाला गेलो होतो. त्या शुश्रुष हॉस्पिटलमध्ये आहेत. पिंकीच्या आईला आणि कुटूंबाला वी.के.सिंहकडून धमक्या आल्याचं सांगितलं आहे. त्यांना सुरक्षा द्यावी. व्ही. के. सिंहला कोणीतरी वाचवण्याचा प्रयत्न करत आहे. व्ही.के. सिंह यांची मस्ती आणि मगरुरी पाहायला मिळते आहे. जयदादा पवार सुद्धा पिंकी मालीच्या आईला भेटायला जाणार आहे.
अजित पवार यांच्या अपघातावर चर्चा सभागृहात व्हायला हवी होती. अल्पकालीन चर्चा घेण्यास सभापती यांनी मान्यता दिली. मात्र अजूनही चर्चा झाली नाही. कामकाजच्या दिनक्रमात नाही. मागच्या बुधवारीही चर्चा टाकण्यात आली होती. मात्र गुरुवारीती काढून टाकली. अजित पवार यांच्या अपघात वर चर्चा का होत नाहीये? अशी खंतही आमदार अमोल मिटकरी यांनी बोलताना व्यक्त केली आहे.
देवगिरी ते विमानतळ गेट नंबर 8, ते VSR वेंचर याचे सीसीटीव्ही नाहीत. आज मी पुन्हा एकदा सभापती यांना सभागृहात प्रश्न विचारणार आहे. का चर्चा सभागृहात होत नाही, याबद्दल माझ्या मनात शंका आहे. विधानसभा अध्यक्ष आणि विधान परिषद सभापती यांना आपण विचारलं पाहिजे की हा विषय सभागृहात का घेतला नाही? असेही आमदार अमोल मिटकरी म्हणाले.
संताप व्यक्त करताना मिटकरी म्हणाले, नेमकं कोणाच्या आणि कशाच्या दहशतखाली सगळे आमदार आहेत? का अजित पवारांच्या अपघातावर चर्चा केली जात नाहीये. व्ही.के सिंग यांच्या लग्नात कोण गेले? हे मला माहित नाही, त्याबद्दल रोहित पवार यावर सांगतील. जय पवार यांची आज पत्रकार परिषद होती. मात्र, ती पुढे ढकलली आहे. त्या पत्रकार परिषदेमध्ये अनेक मुद्दे जय पवार मांडतील. कोणी माय का लाल आहे जे जय पवार यांच्यावर दबाव आणतील. असा कोणी प्रेशर आणेल तर आम्ही आहोत त्यांच्यासोबत. महाराष्ट्र त्यांच्या सोबत आहे. ते पुण्याला काही कामानिमित्त गेले आहे. त्यामुळे ते लवकरच पत्रकार परिषद घेतील.असेही आमदार अमोल मिटकरी म्हणाले.
Pinky Mali’s family receives threats from VSR company owner V. K. Singh, alleges Amol Mitkari
महत्वाच्या बातम्या
- Devendra Fadanvis : राज्याची अर्थव्यवस्था 2047 पर्यंत 5 ट्रिलियन डॉलर्सवर नेणार; मुख्यमंत्र्यांचा विश्वास
- Kalakar Katta : गुडलक चौकातील ‘कलाकार कट्टा’ वादात नवे वळण; वाहतूक अडथळ्याची अधिकृत नोंदच नाही
- उद्योगपती अनिल अंबानीच्या संबंधित कंपनीवर 15 ठिकाणी ईडीचे छापेमारी
- साेशल मीडियावर व्हायरल वक्तव्य प्रकरणी वसंत माेरे यांच्यावर ॲट्रॉसिटी अंतर्गत गुन्हा
