Mukul Roy बंगालच्या राजकारणातील ‘चाणक्य’ तृणमूल काँग्रेसचे ज्येष्ठ नेते मुकुल रॉय यांचे निधन

विशेष प्रतिनिधी

कोलकाता: बंगालच्या राजकारणातील ‘चाणक्य’ म्हणून ओळख असलेले तृणमूल काँग्रेसचे ज्येष्ठ नेतेआणि माजी केंद्रीय रेल्वे राज्यमंत्री मुकुल रॉय यांचे सोमवारी पहाटे १.३० वाजता कोलकात्यातील एका खासगी रुग्णालयात दीर्घ आजाराने निधन झाले. ते ७१ वर्षांचे होते.मुकुल रॉय यांना डिमेन्शियासह इतर अनेक व्याधी होत्या, अशी माहिती समोर आली आहे.Mukul Roy

उत्तर २४ परगणा जिल्ह्यातील कांचरापारा येथे वाढलेल्या मुकुल रॉय यांच्या राजकारणाची सुरुवात डाव्या विचारसरणीतून झाली होती. त्यांचे आई-वडील दोघेही सीपीआय(एम)चे कार्यकर्ते होते. सुरुवातीला त्यांनीही सीपीआय(एम)मध्ये काम केले, मात्र नंतर ते काँग्रेसमध्ये दाखल झाले.
युपीए-२ सरकारमध्ये त्यांनी सुरुवातीला जहाजवाहतूक खात्याचे राज्यमंत्री म्हणून काम पाहिले. त्यानंतर मार्च २०१२ मध्ये त्यांच्याकडे रेल्वे राज्यमंत्रीपदाची जबाबदारी देण्यात आली.Mukul Roy

• शिवरायांचे सर्व किल्ले अतिक्रमणमुक्त, मुख्यमंत्री म्हणाले अजितदादांची इच्छा पूर्ण

ममता बॅनर्जी यांनी तृणमूल काँग्रेसची स्थापना केल्यानंतर मुकुल रॉय हे पक्षाचे संस्थापक सदस्य बनले. बंगालच्या राजकारणातील ‘चाणक्य’ म्हणून त्यांची ओळख निर्माण झाली. ते तृणमूलचे महासचिव होते आणि पक्षाच्या संघटनात्मक विस्तारात त्यांनी महत्त्वाची भूमिका बजावली.
२०११ मध्ये ममता बॅनर्जी मुख्यमंत्री झाल्यानंतरही रॉय यांचा प्रभाव कायम होता. मात्र शारदा चिटफंड घोटाळा आणि नारदा स्टिंग प्रकरणात त्यांचे नाव समोर आल्यानंतर पक्षाशी त्यांचे संबंध ताणले गेले.Mukul Roy

नोव्हेंबर २०१७ मध्ये मुकुल रॉय यांनी भाजपमध्ये प्रवेश केला. २०१९ च्या लोकसभा निवडणुकीत बंगालमध्ये भाजपला १८ जागा मिळवून देण्यात त्यांची रणनीती महत्त्वाची मानली जाते.Mukul Roy

तथापि, नंतर भाजपशी त्यांचे मतभेद वाढले. जून २०२१ मध्ये त्यांनी पुन्हा तृणमूल काँग्रेसमध्ये प्रवेश केला. त्यावेळी ममता बॅनर्जी यांनी “घरचा मुलगा घरी परतला” अशी प्रतिक्रिया दिली होती.Mukul Roy

मात्र पुनरागमनानंतर त्यांचा राजकीय प्रभाव पूर्वीसारखा राहिला नाही. २०२५ मध्ये कोलकाता उच्च न्यायालयाने त्यांना भाजपच्या तिकिटावर निवडून येऊन तृणमूलमध्ये प्रवेश केल्याबद्दल पक्षांतरविरोधी कायद्यानुसार आमदारपदासाठी अपात्र ठरवले होते.Mukul Roy

‘Chanakya’ of Bengal Politics: Senior Trinamool Congress Leader Mukul Roy Passes Away

महत्वाच्या बातम्या

• शक्तीपीठ महामार्ग विरोधातील आंदोलन तीव्र करणार, राजू शेट्टी यांचा इशारा
• Rahul Gandhi राहुल गांधी यांची भिवंडी न्यायालयात हजेरी; भाजपने ठाण्यात दाखवले काळे झेंडे
• Bhiwgan Case : भिगवण प्रकरणातील तरुणीची सुधार गृहात रवानगी
• Muslim Reservation : मुस्लिम समाजाच्या आरक्षण रद्द विरोधात मुंबई हायकोर्टात याचिका