विशेष प्रतिनिधी
पुणे : पुणे महानगरपालिकेत अनेक प्रभागांमध्ये धक्कादायक निकाल समोर आले आहेत. यामध्ये काशेवाडी-डायस प्लॉट या प्रभाग क्रमांक २२ मध्ये सुरुवातीच्या फेऱ्यांमध्ये काँग्रेसचं आख्ख पॅनेल आघाडीवर होतं. Avinash Bagve
पण सहाव्या फेरी अखेर धक्कादायक निकाल समोर आला आहे. यामध्ये विद्यमान नगरसेवक अविनाश बागवे हे अत्यंत घासून झालेल्या लढतीत केवळ ४५ मतांनी पराभूत झाले आहेत. या ठिकाणी पूर्ण विजयाची खात्री असल्यानं त्यांनी फेरमतमोजणीची मागणी केली. पण यातही त्यांचा पराभव झाला असल्याचं घोषित करण्यात आलं.
सकाळी पावणे बारा वाजेपर्यंत दुसऱ्या फेरीवेळी पुण्यातील काशेवाडी-डायस प्लॉट या एकमेव प्रभागात काँग्रेसची आघाडी होती. यामध्ये ‘अ’ गटातून इंदिरा बागवे या ६१६९ मतांनी आघाडीवर होते. ‘ब’ गटातून रफिक शेख ६२५०, ‘क’ गटातून दिलशाद शेख ५,३३७ मतांनी आघाडीवर होते. तर ‘ड’ गटातून अविनाश बागवे हे ५१९९ मतांनी आघाडीवर होते. पण त्यानंतर पुढच्या फेऱ्यांमध्ये वेगानं आकडे बदलले आणि काँग्रेस पूर्णपणे पिछाडीवर गेली.
दुपारी एक ते दीड वाजण्याच्या सुमारास या प्रभागात सहाव्या फेरीनंतर चित्र पूर्णपणे पालटलं. यावेळी ‘अ’ गटातून भाजपच्या मृणाल कांबळे १४,०७९ विजयी झाल्या तर ‘ब’ गटातून काँग्रेसचे रफिक शेख १४,०४३ मतांनी विजय झाला तर ‘क’ गटात अर्चाना पाटील १५,७८८ मतांनी निवडून आल्या आहेत. तर ‘ड’ गटातून अविनाश बागवेंचा पराभव करुन भाजपचे विवेक यादव हे १२,४१० मतांनी विजयी झाले आहेत.
दरम्यान, अगदीच ४५ मतांनी पराभव झाल्यानं अविनाश बागवे यांनी फेरमतमोजणीची मागणी केली. पण फेरमतमोजणीनंतरही चमत्कार काही दिसला नाही उलट ६२ मतांच्या फरकानं बागवेंचा पराभव घोषित करण्यात आला.
Big Setback for Avinash Bagve, Loses by Just 62 Votes in Nail-Biting Contest
महत्वाच्या बातम्या
- Uddhav Thackeray : उद्धव ठाकरेंच्या मेंदूत केमिकल लोच्या, आशिष शेलार यांचा हल्लाबोल
- शाई पुसून गैरकृत्य करणाऱ्यास पुन्हा मतदान करता येणे शक्य नाही, निवडणूक आयोगाचे स्पष्टीकरण
- शाई पुसा आणि पुन्हा मतदान करा हा विकास आहे का? राज ठाकरे यांचा संतप्त सवाल
- निकाल आल्यानंतर कशाला दोष द्यायचा याची तयारी, देवेंद्र फडणवीस यांचा राज ठाकरे यांना टोला
