विशेष प्रतिनिधी
पुणे: प्रभाग क्रमांक ८ औंध बोपोडीमध्ये भारतीय जनता पक्षाने घवघवीत यश मिळवत चारही जागांवर विजय मिळवला आहे. भाजपचे सनी निम्हण, परशुराम वाडेकर, सपना चाजेड आणि भक्ती अजित गायकवाड हे चारही उमेदवार विजयी झाले आहेत.
हा प्रभाग यंदाच्या निवडणुकीतील अत्यंत चुरशीचा मानला जात होता. भाजपने माजी नगरसेवक प्रकाश ढोरे यांना उमेदवारी नाकारून माजी आमदार दिवंगत विनायक निम्हण यांचे पुत्र सनी निम्हण यांना उमेदवारी दिली होती. त्यामुळे या लढतीकडे विशेष लक्ष लागले होते.
भाजपच्या माजी नगरसेविका अर्चना मुसळे यांनी राष्ट्रवादी काँग्रेसच्या तिकिटावर निवडणूक लढवली होती. मात्र त्यांना भाजपच्या भक्ती अजित गायकवाड यांच्याकडून पराभव स्वीकारावा लागला.
या निकालामुळे प्रभाग क्रमांक ८ मध्ये भाजपचे वर्चस्व स्पष्ट झाले असून, अंतर्गत नाराजी आणि पक्षांतराच्या पार्श्वभूमीवरही भाजपने येथे एकतर्फी विजय मिळवला असल्याचे चित्र आहे.
पुणे महापालिकेच्या सहकारनगर पद्मावती प्रभाग क्र 36 भारतीय जनता पक्षाचे चारही उमेदवार विजयी झाले. भाजपच्या वीणा घोष शैलजा अरुण भोसले, सई थोपटे आणि महेश वाबळे यांनी विजय मिळवला.
या प्रभागात काँग्रेसचे ज्येष्ठ नेते आबा बागुल शिवसेना शिंदे गटातून लढत होते. त्याचा पराभव झाला.
BJP Sweeps Ward No. 8 Aundh–Bopodi, All Four Candidates Elected
महत्वाच्या बातम्या
- Uddhav Thackeray : उद्धव ठाकरेंच्या मेंदूत केमिकल लोच्या, आशिष शेलार यांचा हल्लाबोल
- शाई पुसून गैरकृत्य करणाऱ्यास पुन्हा मतदान करता येणे शक्य नाही, निवडणूक आयोगाचे स्पष्टीकरण
- शाई पुसा आणि पुन्हा मतदान करा हा विकास आहे का? राज ठाकरे यांचा संतप्त सवाल
- निकाल आल्यानंतर कशाला दोष द्यायचा याची तयारी, देवेंद्र फडणवीस यांचा राज ठाकरे यांना टोला
