पुण्यात जनगणना कामाचा वेग मंदावला; पुणे महापालिका ॲक्शन मोडमध्ये..

विशेष प्रतिनिधी

पुणे: जनगणनेच्या कामात हलगर्जीपणा करणाऱ्या कर्मचाऱ्यांवर पुणे महापालिकेने कठोर कारवाईची भूमिका घेतली आहे.जनगणनेच्या कामात दांडी मारणाऱ्या, काम टाकणाऱ्या किव्वा नियुक्ती असूनही कामावर हजर न राहणाऱ्या शासकीय आणि निमशासकीय कर्मचाऱ्यांचे थेट निलंबन आणि फौजदारी कारवाई करण्याचा इशारा महापालिका आयुक्त नवल किशोर राम यांनी दिला आहे.

पुणे महापालिकेत झालेल्या उच्चस्तरीय बैठकीत हा निर्णय घेण्यात आला आहे.शहरातील जनगणना कामाचा आढावा घेताना अनेक विभागात अत्यंत संथ गतीने काम सुरू असल्याचे निदर्शनास आले आहे.महापालिकेच्या सुमारे ६० टक्के गटांमध्ये काम सुरू झाले आहे.मात्र, ४० टक्के गटांमध्ये कामाला सुरुवात झालेली नाही.

महापालिका आयुक्त नवल किशोर राम यांनी स्पष्ट शब्दात सांगितले की, ‘ राष्ट्रीय कर्तव्य कोणत्याही प्रकारची कसूर खपवून घेतला जाणार नाही ‘. नियुक्त कर्मचारी कामावर हजर राहत नसल्यास संबंधित कार्यालय प्रमुखांना देखील जबाबदार धरले जाणार आहे.

• मराठा युवकांसाठी देवेंद्र फडणवीस सरकारचा मोठा निर्णय, अण्णासाहेब पाटील आर्थिक मागास विकास महामंडळाला 150 कोटी रुपयांचा अतिरिक्त निधी

या भागात संथ गतीने काम..

महापालिकेच्या नगर रोड, येरवडा – वाघोली, ढोले पाटील रोड, औंध – बाणेर आणि सिंहगड रोड या भागात क्षेत्रीय कार्यालयांमध्ये जनगणनेच्या कामाची गती संथ असल्याचे समोर आले.पुढील दोन दिवसार उर्वरित गटांचे काम सुरू करण्यासाठी ऑनलाईन प्रणालीद्वारे उपाययोजना राबवण्याचे निर्देश संबंधित अधिकाऱ्यांना देण्यात आले आहेत.

पुणे महापालिकेच्या प्राथमिक शिक्षण विभागातील शिक्षक आणि सेवकवर्गातील काही कर्मचारीही जनगणनेच्या कामावर रुजू झाले नाहीत.या कर्मचाऱ्यांना तत्काळ हजर राहण्याचे आदेश देण्यात आले असून आदेशाचे पालन न केल्यास निलंबन किंवा फौजदारी कारवाई केली जाणार आहे.

The pace of census work in Pune has slowed down; Pune Municipal Corporation is in action mode