विशेष प्रतिनिधी
पुणे : Pune University एकेकाळी पूर्वेचे ऑक्सफोर्ड अशी ओळख असणाऱ्या पुणे विद्यापीठाविषयी गेल्या काही आठवड्यांपासून सतत काही ना काही तक्रारी ऐकायला येत आहे. कधी प्राध्यापकांची टंचाई, कधी पेपर लीक, कधी वस्तिगृहांमधील समस्या तर कधी ‘एनआयआरएफ’ची घसरती रॅंकिंग. अशातच आता पुन्हा एकदा पुणे विद्यापीठात प्रवेश घेणाऱ्या विद्यार्थ्यांच्या संख्येत घट झाल्याचं दिसून आलं आहे.
पुण्यातील सावित्रीबाई फुले पुणे विद्यापीठात गेल्या तीन वर्षांत विद्यार्थ्यांच्या प्रवेशात लक्षणीय घट झाली आहे. पदवी आणि पदव्युत्तर पदवीच्या सुमारे २५-३०% जागा रिक्त राहिल्या आहेत. तर, पीएचडी प्रवेश संख्या जी २०२१-२२ मध्ये २३५ होती ती आता २०२४-२५ मध्ये थेट १७ पर्यंत घसरली आहे. नॅशनल इन्स्टिट्यूशनल रँकिंग फ्रेमवर्क (NIRF) मध्ये विद्यापीठाची कामगिरीही झपाट्याने घसरली आहे. गेल्या वर्षीच्या ३७ व्या स्थानावरून या वर्षी विद्यापीठाची रॅंकिंग थेट ९१ व्या स्थानावर येऊन पोहोचली आहे. Pune University
रँकिंगमधील या घसरणीमुळे सिनेट सदस्यांमध्ये संस्थेच्या प्रतिष्ठेबद्दल आणि तिच्या कार्यक्रमांच्या गुणवत्तेबद्दल चिंता निर्माण झाली आहे. सिनेट सदस्य दादाभाऊ शिनाळकर म्हणाले की, घसरत्या रँकिंगमुळे विद्यापीठाच्या प्रतिष्ठेवर परिणाम होतो आहे. सोबतच पालकांकडून दर्जेदार शिक्षणाची मागणी देखील वाढत आहे. हे केवळ संख्येबद्दलच नाही तर विद्यापीठाच्या प्रतिमेबद्दल देखील आहे. जर खाजगी संस्था उच्च रँकिंगवर आल्या तर विद्यार्थी त्यांना पसंत करतील,” असे ते म्हणाले. विद्यापीठाने रिक्त जागांचे कारण संलग्न महाविद्यालये, खाजगी आणि अभिमत विद्यापीठांमधील स्पर्धा तसेच प्रवेशाच्या अंतिम मुदतीनंतर भरता न आलेल्या उशिरा रद्दीकरणांमुळे असल्याचे म्हटले आहे. Pune University
तथापि, सिनेट सदस्य शंतनू लामधाडे यांनी मात्र हे स्पष्टीकरण नाकारले, त्यांनी अभ्यासक्रमांची खराब जाहिरात आणि कमकुवत प्लेसमेंट संधींकडे लक्ष वेधले. विद्यापीठाच्या मते, गेल्या पाच वर्षांत विद्यापीठाच्या माध्यमातून केवळ ४९७ विद्यार्थ्यांना प्लेसमेंट देण्यात आली आहे.
कमी विद्यार्थ्यांची आवड असलेल्या अनेक विभागांची पुनर्रचना किंवा नवोपक्रम आवश्यक असल्याचेही लमधाडे यांनी सुचवले. विद्यमान कर्मचाऱ्यांचा भार वाढवण्याऐवजी अभ्यासक्रमांचे व्यवस्थापन करण्यासाठी सक्षम नेत्यांना आणण्यावर त्यांनी भर दिला. ३० सप्टेंबर रोजी होणाऱ्या सिनेटच्या बैठकीत या मुद्द्यांवर सखोल चर्चा होण्याची शक्यता व्यक्त केली जात आहे.
या बैठीकीतील चर्चेनंतर विद्यापीठातील परिस्थिति सुधारेल अशी अपेक्षा विद्यार्थ्यांकडून व्यक्त केली जात आहे. दरम्यान, या सततच्या तक्रारींवर विद्यापीठ प्रशासन काही ठोस पाऊल उचलेल का? हे पहाणे देखील महत्वाचे ठरेल. Pune University
Significant decline in Pune University’s ranking as well as in PhD admissions
महत्वाच्या बातम्या
- Devendra Fadnavis गतिमान आणि प्रगतीशील कायदा-सुव्यवस्था उभी करणार! अमित शहा यांच्यासोबत देवेंद्र फडणवीस यांची बैठक
- Russia : ”रशियाने युक्रेनमधील चेर्नोबिल पॉवर प्लांटवर हल्ला केला”
- PM Modi : पंतप्रधान मोदींच्या दौऱ्यामुळे भारत-अमेरिका व्यापार संबंध अधिक मजबूत
- Manipur : मणिपूरमधील कॅम्पमध्ये सीआरपीएफ जवानाने केला गोळीबार अन् नंतर…
