त्र्यंबकेश्वर नगरपरिषदेत मंत्री गिरीश महाजन यांना धक्का बसला असून भाजपच्या उमेदवाराचा दारुण पराभव झाला. नगराध्यक्षपदी शिवसेना शिंदे गटाच्या त्रिवेणी तुंगार-सोनवणे विजयी झाल्या असून, भाजपचे कैलास घुले यांचा १८०० मतांनी दारुण पराभव झाला आहे. याठिकाणी राष्ट्रवादी अजित पवार गटाचे आठ, भाजपचे सात आणि शिंदेंच्या शिवसेनेचे पाच नगरसेवक निवडून आले आहेत .
श्रीरामपूर नगरपरिषदेच्या निवडणुकीत काँग्रेसने आपले निर्विवाद वर्चस्व सिद्ध करत पुन्हा एकदा सत्तेचा गड राखला आहे. नगराध्यक्षपदाच्या अत्यंत प्रतिष्ठेच्या ठरलेल्या लढतीत काँग्रेसचे उमेदवार करण ससाणे यांनी दणदणीत विजय मिळवत शहराचे प्रथम नागरिक होण्याचा मान मिळवला आहे. राष्ट्रवादी काँग्रेसच्या उमेदवार अनुराधा आदिक यांचा पराभव झाला.
वैद्यकीय शिक्षण मंत्री हसन मुश्रीफ आणि शाहू ग्रुपचे अध्यक्ष समरजितसिंह घाटगे हे कट्टर विरोधक एकत्र येऊनही शिवसेना शिंदे गटाने मुरगुड नगरपालिकेवरती झेंडा फडकवला आहे. शिवसेना शिंदे गटाचे या ठिकाणी 16 नगरसेवक विजयी झाले आहेत.
निवडणूक आयोगाने मतदानाचा फार्स करण्यापेक्षा थेट बोली लावून भाजपच्या उमेदवारांना विजयी घोषित करावे, जेणेकरून सरकारी तिजोरीतील पैसा तरी वाचेल,” असा टोला राष्ट्रवादी काँग्रेस शरद पवार गटाचे आमदार रोहित पवार यांनी मारला.
निवडणूक आयोगाच्या विशेष सघन पुनरावलोकन (Special Intensive Revision, SIR) मोहिमेच्या दुसऱ्या टप्प्यानंतर तामिळनाडू आणि गुजरातच्या मसुदा मतदार याद्या जाहीर करण्यात आल्या आहेत. या प्रक्रियेत तामिळनाडूमध्ये ९७.३ लाख, तर गुजरातमध्ये ७३.७ लाख मतदारांची नावे वगळण्यात आली असल्याची माहिती निवडणूक आयोगाने दिली आहे.
पश्चिम बंगालमधील नदिया जिल्ह्यातील तहेरपूर येथील नेताजी पार्कमध्ये शनिवारी आयोजित सभेला पंतप्रधान नरेंद्र मोदी प्रत्यक्ष उपस्थित राहू शकले नाहीत. घनदाट धुक्यामुळे त्यांच्या हेलिकॉप्टरला तहेरपूर हेलिपॅडवर उतरणे शक्य न झाल्याने ते कोलकाता विमानतळाकडे परतले. त्यानंतर पंतप्रधान मोदींनी दूरध्वनीद्वारे सभेला संबोधित केले.
आम्हाला जर फक्त खुर्चीची आणि सत्तेची चिंता असती, तर आम्ही केव्हाच भाजपसोबत गेलो असतो. पण आमचे राजकारण मूल्यांवर आधारित आहे, सत्ताकेंद्रित नाही, अशी टीका शिवसेना ठाकरे गटाचे नेते आदित्य ठाकरे यांनी केली.
केंद्रातील मोदी सरकारने या योजनेतून फक्त महात्मा गांधींचे नाव काढून टाकले नाही तर मनरेगावर बुलडोजर चालवला असल्याची टीका काँग्रेसच्या माजी अध्यक्ष सोनिया गांधी यांनी केला आहे.
निवडणूक आयोग हा भाजपची बी टीम म्हणून काम करत आहे. एवढा नालायक निवडणूक आयोग कुठेही नाही. निवडणुकांच्या अगोदर सरकारी तिजोरीची लूट करून पैसे वाटायचे व त्यातून निवडणुका जिंकायच्या हा भाजपचा धंदा बनला आहे, अशी टीका करताना काँग्रेस नेते विजय वडेट्टीवार यांची जीभ घसरली.
ऑनलाइन बेटिंग अॅप ‘1XBet’ शी संबंधित मनी लॉन्डरिंग प्रकरणात अंमलबजावणी संचालनालयाने (ईडी) मोठी कारवाई करत क्रिकेट, चित्रपटसृष्टी आणि क्रीडा विश्वातील अनेक नामांकित व्यक्तींच्या कोट्यवधी रुपयांच्या मालमत्ता जप्त केल्या आहेत. या कारवाईमुळे देशभरात खळबळ उडाली आहे.
राज्यातील विविध नगरपरिषदा व नगरपंचायतींच्या अध्यक्ष व सदस्यपदांच्या निवडणुकांसाठी आज मतदान प्रक्रिया पार पडत आहे. उर्वरित काही ठिकाणी शनिवारी मतदान होणार असून, सर्व ठिकाणी २१ डिसेंबर रोजी सकाळी १० वाजता मतमोजणी सुरू होणार आहे, अशी माहिती राज्य निवडणूक आयोगाने दिली आहे.
सुमारे तीस वर्षांपूर्वी मुख्यमंत्री कोट्यातून कमी दरात शासकीय सदनिका मिळवण्यासाठी कागदपत्रांत फेरफार करून फसवणूक केल्याप्रकरणी दोषी ठरलेले माजी क्रीडा मंत्री माणिकराव कोकाटे यांना उच्च न्यायालयाकडून तूर्तास दिलासा मिळाला आहे. न्यायमूर्ती आर. एन. लठ्ठा यांच्या एकलपीठाने कोकाटे यांना १ लाख रुपयांच्या जातमुचलक्यावर जामीन मंजूर केला, मात्र शिक्षेला स्थगिती देण्यास नकार दिला. त्यामुळे कोकाटे यांची तुरुंगवारी सध्या टळली असली, तरी त्यांच्या आमदारकीवरची टांगती तलवार कायम आहे.