विशेष प्रतिनिधी
नवी दिल्ली: Tamil Nadu निवडणूक आयोगाच्या विशेष सघन पुनरावलोकन (Special Intensive Revision, SIR) मोहिमेच्या दुसऱ्या टप्प्यानंतर तामिळनाडू आणि गुजरातच्या मसुदा मतदार याद्या जाहीर करण्यात आल्या आहेत. या प्रक्रियेत तामिळनाडूमध्ये ९७.३ लाख, तर गुजरातमध्ये ७३.७ लाख मतदारांची नावे वगळण्यात आली असल्याची माहिती निवडणूक आयोगाने दिली आहे.Tamil Nadu
तामिळनाडूतील एकूण मतदारसंख्या ६.४ कोटींवरून आता ५.४ कोटींवर आली आहे. याशिवाय, सुमारे १.२ कोटी मतदारांच्या नोंदींमध्ये “तार्किक विसंगती” आढळल्याने त्यांना नोटिसा देण्यात येणार आहेत. या विसंगतींमध्ये एकाच पालकांशी जोडलेली सहा पेक्षा अधिक संतती, पालकांशी १५ वर्षांपेक्षा कमी किंवा ५० वर्षांपेक्षा जास्त वयाचे अंतर, आजी-आजोबांशी ४० वर्षांपेक्षा कमी वयाचे अंतर अशा बाबींचा समावेश आहे.Tamil Nadu
तामिळनाडूमध्ये तपासात २६.९ लाख मतदार मृत झाल्याचे आढळले, ६६.४ लाख मतदार स्थलांतरित झाले किंवा सापडले नाहीत, तर ४ लाख नावे अनेक ठिकाणी नोंद असल्यामुळे काढून टाकण्यात आली.
गुजरातमध्येही मतदारसंख्या ५.१ कोटींवरून ४.३ कोटींवर आली आहे. येथे १८.१ लाख मतदार मृत असल्याचे निष्पन्न झाले, ५१.८ लाख स्थलांतरित झाले किंवा अनुपस्थित आढळले, तर ३.८ लाख नावे दुहेरी नोंदीमुळे वगळण्यात आली.
निवडणूक आयोगाने स्पष्ट केले आहे की, मतदार किंवा कोणत्याही पक्षाचे बूथ-स्तरीय प्रतिनिधी (BLA) १८ जानेवारीपर्यंत हरकती आणि दावे सादर करू शकतात. आयोगाच्या मते, ही प्रक्रिया मतदार यादी अधिक अचूक आणि पारदर्शक करण्यासाठी राबवण्यात येत आहे.
Massive Voter Roll Cleanup After SIR: 97.3 Lakh Names Deleted in Tamil Nadu, 73.7 Lakh in Gujarat
महत्वाच्या बातम्या
- Sonia Gandhi : मनरेगावर मोदी सरकारचा बुलडोजर, सोनिया गांधी यांची टीका
- धर्माबाद शहरात तणाव, शेकडो मतदारांना मंगल कार्यालयात कोंडून ठेवल्याचा आरोप
- पुण्यात भाजपचा राष्ट्रवादीच्या दोन्ही गटांसह ठाकरे गटाला धक्का; अनेक माजी नगरसेवकांचा पक्षप्रवेश
- Vijay Vadettiwar : विजय वडेट्टीवार यांची जीभ घसरली, निवडणूक आयोगाला म्हणाले नालायक
