विशेष प्रतिनिधी
पुणे : Gulabo Gang कोरेगाव पार्क – मुंढवा रोड परिसरात एका महिलेवर कारमध्ये लैंगिक अत्याचार झाल्याच्या धक्कादायक घटनेनंतर शहरातील महिला सुरक्षेचा प्रश्न पुन्हा एकदा ऐरणीवर आला आहे. या पार्श्वभूमीवर गुलाबो गॅंग आणि बिटिया फाउंडेशनच्या वतीने कोरेगाव पार्क पोलीस स्टेशन येथे जाऊन पोलीस प्रशासनाला निवेदन देण्यात आले.Gulabo Gang
या निवेदनाद्वारे संबंधित प्रकरणाचा सखोल तपास करून आरोपींना कठोर शिक्षा करण्यात यावी, अशी मागणी करण्यात आली. गुलाबो गॅंगच्या अध्यक्षा संगीता तिवारी यांच्या नेतृत्वाखालील शिष्टमंडळाने वरिष्ठ पोलीस निरीक्षक विजयकुमार डोके यांची भेट घेत महिलांच्या सुरक्षेबाबत विविध मागण्या मांडल्या.Gulabo Gang
यावेळी रात्रीच्या वेळेस पोलीस गस्त वाढविणे, महिला पोलीस गस्त पथकांची संख्या वाढविणे, संवेदनशील भागांमध्ये विशेष सुरक्षा व्यवस्था उभारणे तसेच महिलांवरील अत्याचार रोखण्यासाठी ठोस आणि प्रभावी उपाययोजना करण्याची मागणी करण्यात आली.
“पुण्यात महिलांवरील अत्याचाराच्या घटना दिवसेंदिवस वाढत आहेत. प्रशासनाने केवळ आश्वासने देण्यापेक्षा प्रत्यक्ष कृती करून महिलांना सुरक्षित वातावरण निर्माण करून द्यावे,” अशी भूमिका संगीता तिवारी यांनी व्यक्त केली.
या वेळी गुलाबो गॅंगच्या शोभा पणीकर, सुवर्ण माने, भारती लोंढे आदी पदाधिकारी उपस्थित होत्या. या घटनेमुळे पुन्हा एकदा पुण्यातील महिला सुरक्षेचा मुद्दा चर्चेत आला असून, सामाजिक संघटनांकडून प्रशासनावर दबाव वाढविला जात आहे.
Gulabo Gang turns aggressive over Koregaon Park assault case, demands increased patrolling for women’s safety
महत्वाच्या बातम्या
- सोलापूर स्थानिक स्वराज्य निवडणुकीत भाजपचं पारडं जड; कुणाला मिळणार संधी?
- महाराष्ट्रात ‘कर्करोग ग्रीड’ तयार करणार, मुख्यमंत्री देवेंद्र फडणवीस यांची घोषणा
- नीट-यूजी २०२६’ पेपरफुटी प्रकरणावरून राहुल गांधींचा मोदी सरकारवर हल्लाबोल
- पुण्यात कॅन्सर रुग्णालयाच्या उद्घाटनाआधीच वाद; श्रीनाथ भिमाले यांच्या वडिलांचे नाव दिल्याने चर्चा
