Author name: Bakhar Live

State Election Commission : राज्यातील विविध महापालिकांमध्ये सत्ताधारी पक्षांचे उमेदवार बिनविरोध निवडून येण्याचे प्रमाण वाढत असल्याने राज्य निवडणूक आयोगाने यासंदर्भातील अहवाल मागवला आहे. सत्ताधारी पक्षाचे नेते किंवा उमेदवार यांनी प्रतिस्पर्धी उमेदवारांवर माघार घेण्यासाठी जबरदस्ती, दबाव किंवा आर्थिक प्रलोभन दाखवले तर नाही ना? याची चौकशी करण्यात येणार आहे. ही चौकशी त्रिस्तरीय होणार असून याचे अहवाल सादर होत नाहीत तोपर्यंत निवडणूक आयोग या प्रभागांमधील निवडणूक अधिकाऱ्यांना सत्ताधारी पक्षाच्या या उमेदवारांच्या निवडीची अधिकृत घोषणा करण्यास परवानगी देणार नाही.