Author name: Bakhar Live

पुणे महापालिका निवडणुकीसाठी सर्वच पक्षांकडे इच्छुकांची मोठी संख्या होती. त्यामुळे बंडखोरी टाळण्यासाठी एकाही पक्षाने उमेदवारांची यादी जाहीर न केल्याने शेवटच्या दोन दिवसांत सर्वच पक्षांमध्ये मोठ्या प्रमाणावर बंडाळी झाली. युती आणि आघाडीतही अनेक ठिकाणी वादाचे प्रसंग उदभवल्याने गुपचूप एबी फॉर्मचे वाटप करावे लागले. त्यामुळी निवडणूक अधिकारी कार्यालयात दुपारी दोन वाजेपर्यंत अर्ज खरेदीसाठी आणि तीन वाजल्यानंतरही अर्ज दाखल करण्यासाठी उमेदवारांच्या रांगा लागल्या होत्या. शहरातील पंधराही निवडूण अधिकारी कार्यालयात संध्याकाळी उशिरापर्यंत अर्ज स्वीकारण्याची प्रक्रिया सुरू होती.