विशेष प्रतिनिधी
नवी दिल्ली : Israel Vessels मध्यपूर्वेत सुरू असलेल्या तणावाच्या पार्श्वभूमीवर इराणने जगातील सर्वात महत्त्वाच्या समुद्री मार्गांपैकी एक असलेल्या होर्मूज सामुद्रधुनीवर मोठा निर्णय घेतला आहे. इराणच्या इस्लामिक रिव्होल्यूशनरी गार्ड कॉर्प्सने (IRGC) जाहीर केले की, अमेरिका, इस्रायल, युरोप आणि त्यांच्या सहयोगी देशांच्या जहाजांना होर्मूज सामुद्रधुनीतून प्रवेश दिला जाणार नाही.Israel Vessels
इराणच्या सरकारी प्रसारमाध्यमांद्वारे ही माहिती देण्यात आली. मध्यपूर्वेत सुरू असलेल्या संघर्षानंतर या महत्त्वाच्या जलमार्गावरील व्यापारी वाहतूक जवळपास ठप्प झाली आहे. इराणने युद्धकाळात आंतरराष्ट्रीय कायद्यांनुसार या सामुद्रधुनीतील जहाजांच्या हालचालींवर नियंत्रण ठेवण्याचा अधिकार आपल्याला असल्याचे स्पष्ट केले आहे.
इराणच्या इशाऱ्यानुसार, अमेरिका, इस्रायल, युरोप किंवा त्यांच्या समर्थक देशांची जहाजे या मार्गावर आढळल्यास त्यांच्यावर हल्ला केला जाऊ शकतो, असा कठोर इशाराही देण्यात आला आहे.Israel Vessels
दरम्यान, मंगळवारी इराणने फक्त चीनच्या ध्वजाखालील जहाजांना सामुद्रधुनीतून जाण्याची परवानगी दिली जाईल, असे संकेत दिले होते. मध्यपूर्वेतील संघर्ष सुरू झाल्यापासून चीनने इराणबाबत घेतलेल्या भूमिकेचा आदर म्हणून हा निर्णय घेतल्याचे सांगितले जात आहे.
होर्मूज सामुद्रधुनी हा पर्शियन आखातातून बाहेर पडण्याचा एकमेव समुद्री मार्ग असून जागतिक तेल वाहतुकीपैकी सुमारे २० टक्के तेल या मार्गाने वाहून नेले जाते. त्यामुळे या मार्गावरील कोणताही अडथळा जागतिक ऊर्जा बाजारावर मोठा परिणाम करू शकतो.
अमेरिका आणि इस्रायलने इराणविरुद्ध संयुक्त लष्करी कारवाई सुरू केल्यानंतर या सामुद्रधुनीवरील परिस्थिती अधिक तणावपूर्ण झाली आहे. अनेक जहाज कंपन्या आणि व्यापारी जहाजांचे कॅप्टन या भागातून प्रवास करण्यास टाळाटाळ करत असल्यामुळे जागतिक पुरवठा साखळीवरही दबाव वाढला आहे.
इतिहासात प्रथमच होर्मूज सामुद्रधुनी व्यापारी जहाजांसाठी प्रभावीपणे बंद झाल्याची स्थिती निर्माण झाली आहे. अगदी १९८० ते १९८८ दरम्यान झालेल्या इराण–इराक युद्धातही या मार्गावरील व्यापारी वाहतूक पूर्णपणे थांबली नव्हती.
या निर्णयामुळे जागतिक तेल बाजार, मध्यपूर्वेतील व्यापार आणि आंतरराष्ट्रीय राजकारणावर मोठे परिणाम होण्याची शक्यता व्यक्त केली जात आहे.
महत्वाच्या बातम्या
- Uday Samant : दावोस करारांवर लवकरच ‘भगवी पत्रिका’; उद्योग मंत्री उदय सामंत यांची माहिती
- Mundhe : तुकाराम मुंडे यांचा कारवाईचा बडगा, बोगस दिव्यांग प्रमाणपत्र देणारे 316 अधिकारी – कर्मचारी निलंबित
- Navnath Bane : उबाठा गटाचे निर्णय आता उद्धव ठाकरे नव्हे, तर संजय राऊत घेऊ लागलेत ! नवनाथ बन यांची टीका
- पुण्यातील प्रसिद्ध वसतिगृहात विद्यार्थ्यांवर पोलिसांचा लाठीमार; कारणही धक्कादायक, अनेक विद्यार्थी जखमी!
